2 Edk 30:18 - BAEBOLO ANZƐƐ BULUKU NWUANZANWUANZA

¹⁸ Ɔluakɛ ɛnee menli dɔɔnwo kpalɛ mɔɔ vi Yifelaem, Manasɛ, Yesakaa nee Zɛbulɛn maanzinli ne mɔ anu rale la ɛtɛnuanle bɛ nwo, noko bɛmanle bɛ adenle bɛmanle bɛlile Akpabɛnwo aleɛ ne bie. Ɛhye nee ngyehyɛlɛ mɔɔ wɔ Akpabɛnwo aleɛ ne ɛlilɛ nwo la ɛnle ko, noko bɛmanle bɛ adenle bɛlile bie, ɔboalekɛ Belemgbunli Hɛzikaya ɛnee ɛzɛlɛ kɛ,

2 Edk 30:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:17

Ɔlua mɔɔ Abemɛlɛke yɛle la ati, Ɛdɛnkɛma manle Abemɛlɛke aye nee ye sonvolɛ mraalɛ mɔɔ wɔ sua nu ɛkɛ ne la amuala pɛle awolɛ. Na Ebileham zɛlɛle Nyamenle manle Abemɛlɛke. Na Nyamenle yɛle Abemɛlɛke nee ɔ ye ayile na eza ɔyɛle sonvolɛ mraalɛ mɔɔ wɔ sua nu ɛkɛ ne la ayile, ɔmanle bɛ awolɛ dukuele.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:7

Yemɔti fa nrenya ne aye ne kɔmaa ye. Ɔle Nyamenle kpɔmanvolɛ, ɔbazɛlɛ yeamaa wɔ, na wɔanyia ngoane. Na saa wɔanva raalɛ ne wɔangɔ a, ɛnee nwu ye kɛ ɛdawɔ nee wɔ menli ne kɔsɔɔti bawu.”

2 Arl 5:18

Na ɛhye yɛɛ mesɛlɛ Ɛdɛnkɛma a, saa me nee me belemgbunli ne yɛkɔ Selea bozonle Rileemɔn amonle sua ne anu na mebɔ me ti aze mesonle ye bie a, ɔva ɔhyɛ me.”

2 Edk 30:11

Menli ekyi bie mɔɔ wɔ Ahya, Manasɛ, yɛɛ Zɛbulɛn la yɛɛ nlunle bɛ nwo na bɛrale Gyɛlusalɛm a.

2 Edk 30:25

Dwudama amuala, sɛlɛvolɛma nee Livaema ne mɔ, nee ɛlɔne mɔɔ vi Yizilayɛ rale, nyɛvolɛ mɔɔ de Dwuda, yɛɛ nyɛvolɛ mɔɔ vi Yizilayɛ rale la amuala anye liele.

2 Edk 34:9

Bɛvale ezukoa mɔɔ Livaema, mɔɔ le sinzavolɛma la nyianle ye wɔ Manasɛ, Yifelaem, nee Yizilayɛma ekyi ne mɔɔ hale la ɛkɛ, Dwuda nee Bɛngyaman maanzinli ne mɔ anu, nee Gyɛlusalɛm la bɛrɛlɛle Sɛlɛvolɛ Kpanyinli Helekaya.

2 Edk 6:21

Saa medame wɔ sonvolɛ o, anzɛɛ wɔ menli Yizilayɛma o, saa biala kakyi ɔ nye Ɛzonlenlɛ Sua ye anwo na ɔsɛlɛ a, anrɛɛ tie ye wɔ wɔ sua nu anwuma lɔ. Saa ɛtie yɛ a eza fa yɛ ɛtane ne mɔ kyɛ yɛ.

Edwɛndolɛ Buluku ne 119:68

Ɛle kpalɛ yɛɛ ɛyɛ kpalɛ; kilehile me wɔ mɛla ne mɔ.

Edwɛndolɛ Buluku ne 25:8

Ɛdɛnkɛma le kpalɛ nee tenlene, yemɔti ɔkilehile ɛtanema ye adenle ne.

Edwɛndolɛ Buluku ne 36:5

O Ɛdɛnkɛma, wɔ ɛhulolɛ kpundii ne dwu anwomanyunlu, wɔ nɔhalɛlilɛ ne dwu amungu ne mɔ anu.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Daneɛle Buluku ne 9:19

O Awulae, tie yɛ; O Awulae fa yɛ ɛtane kyɛ yɛ; O Awulae, tie yɛ na keha ɛ nwo. Wɔ duma ne ati, O me Nyamenle, mmasi aze, ɔboalekɛ bɛfa wɔ duma a bɛfɛlɛ wɔ suakpole ne nee wɔ menli ne a.”

Sɛlɛ 10:20

Mɔɔ Mosisi dele ɛhye la, ɔ kunlu dwole.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:20

“Awie biala mɔɔ evinli ɛha ye, na ɔtɛnuanle ɔ nwo la tɛbɔ evinli nu. Bɛnva ye kɛ ɔle Nyamenle menli ne mɔ ko, ɔluakɛ yegua Ɛdɛnkɛma Ndanlɛ Sua ne anwo evinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:7

bɛhɔhanle kɛ, “Evinli ɛha yɛ, ɔboalekɛ yɛva yɛ sa yɛha funli, na duzu ati a ɔnle kɛ bɛmaa yɛ adenle bɛmaa yɛboka Yizilayɛma anwo na yɛfa yɛ azubɔdeɛ yɛkɔmaa Ɛdɛnkɛma ɛ?”

1 Kɔl 11:28

Yemɔti ɔwɔ kɛ awie biala dumua neɛnlea ye ahonle nu kpalɛ na yeali kpanwo ne, yeanlo dwora ne anu.

1 Dw 5:16

Saa awie nwu adiema bie kɛ ɔlɛyɛ ɛtane mɔɔ ɛndwe ye ɛngɔ ewule nu la a, ɔzɛlɛ ɔmaa ye na Nyamenle kɛmaa adiema ne ngoane. Noko ɛtane ne bie wɔ ɛkɛ mɔɔ wie ewule a. Menga ye kɛ awie ɛzɛlɛ ɛhye anwo.