2 Edk 30:12 - BAEBOLO ANZƐƐ BULUKU NWUANZANWUANZA

¹² Nyamenle tumi ne noko yɛle gyima wɔ Dwuda manle menli ne amuala yɛle ko, na bɛyɛle debie biala mɔɔ belemgbunli ne nee ye mgbanyima ne mɔ luale Ɛdɛnkɛma duma nu hanle hilele bɛ la.

2 Edk 30:12 ပူးပေါင်းရင်းမြစ်များ

2 Edk 29:15

Menli ɛhye mɔ boɔboale bɛ sa zo ne mɔ anloa, bɛnluanle bɛ nwo, na kɛmɔ Ɛdɛnkɛma anloa edwɛkɛ ne mɔɔ belemgbunli ne hanle hilele bɛ la se la, bɛhɔle kɛ bɛkanlua Ɛdɛnkɛma Ɛzonlenlɛ Sua ne.

2 Edk 29:25

Akee ɔvale Livaema ne ɔziele bɛ bo zo ne wɔ Ɛdɛnkɛma Ɛzonlenlɛ Sua ne anu na ɔmanle bɛ sɔnwosɔnwo, yɛɛ getaa mgbole nee ngyikyi, kɛmɔ Belemgbunli Devidi, Gaade mɔɔ ka Nyamenle nrɛlaleɛ ne kile Devidi, nee Nyamenle kpɔmanvolɛ Neetan hyehyɛle dole ɛkɛ ne la, ɔluakɛ Ɛdɛnkɛma yɛɛ luale ye kpɔmanvolɛma anwo zo hyehyɛle a.

2 Edk 29:36

Na Belemgbunli Hɛzikaya nee menli ne amuala anye liele wɔ mɔɔ Nyamenle ɛyɛ ɛmaa menli ne la anwo, ɔluakɛ gyima zɛhae mɔɔ bɛlile la zenle waa.

2 Edk 8:15

Bɛangakyi debie biala mɔɔ Belemgbunli Devidi hyehyɛle mɔɔ fane sɛlɛvolɛma nee Livaema ne mɔ anwo la, yɛɛ bɛangakyi debie biala mɔɔ fane gya nwo ngyehyɛlɛ ne mɔ anwo la. Bɛyɛle debie biala pɛpɛ.

Ɛzela Buluku ne 7:27

Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Gyɛlɛmaya Buluku ne 24:7

Mebamaa bɛ ahonle meamaa bɛanwu kɛ medame a mele Ɛdɛnkɛma a; bɛbayɛ me menli na meayɛ bɛ Nyamenle, ɔluakɛ bɛbava bɛ ahonle kɔsɔɔti bɛazia bɛara me ɛkɛ.”

Gyɛlɛmaya Buluku ne 32:39

Mebamaa bɛ adwenle ayɛ ko, bɛ adenle ayɛ ko, amaa bɛazulo me dahuu wɔ bɛdabɛ mumua ne nee bɛ mra mɔɔ li bɛ nzi la kpalɛyɛlɛ ti.

Yizikeɛle Buluku ne 36:26

Mebamaa bɛ ahonle fofolɛ, meava sunsum fofolɛ meawula bɛ nuhua, na meaye bolɛ ahonle ne mɔɔ wɔ bɛ nu la na meamaa bɛ ahonle bɛlɛvolɛ.

Ɛzoanvolɛma Gyima ne 4:19

Na Pita nee Dwɔn buale bɛ kɛ, “Saa ɔle kpalɛ wɔ Nyamenle anyunlu kɛ yɛkɛdie bɛmɛ na yɛkɛgyakyi Nyamenle a ɛnee bɛdabɛ bɛbua;

2 Kɔl 3:5

Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

Mɛla 4:2

Bɛmmafa edwɛkɛ kpɔkɛ ko bɔbɔ bɛboka mɔɔ melɛfa meamaa bɛ la anwo, yɛɛ bɛmmaye bie bɛfi nu, amaa bɛahola bɛali Ɛdɛnkɛma bɛ Nyamenle ne mɛla ne mɔ mɔɔ melɛfa meamaa bɛ la azo.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

1 Tɛs 4:2

Ɔluakɛ bɛdabɛ bɛze ngilehilelɛ mɔɔ ɔlua Awulae Gyisɛse tumi zo yɛvale yɛmanle bɛ la.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.