2 Edk 30:10 - BAEBOLO ANZƐƐ BULUKU NWUANZANWUANZA

¹⁰ Menli mɔɔ bɛzoanle bɛ la hɔle suakpole biala azo, bɛluale Yifelaem nee Manasɛ maanzinli ne mɔ anu toonwo bɛhɔdwule Zɛbulɛn maanzinli nu. Na menli ne mɔ zelele bɛdabɛ mɔɔ bɛzoanle bɛ la, na bɛgolole bɛ nwo bɛmanle nyiane bɔbɔ dɔle bɛ nye zo.

2 Edk 30:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:14

Yemɔti Lɔɔto vindele nɔe ne hɔdunwuele ɔ mra mraalɛ ne mɔ bɛ hu mɔ mɔɔ baragya bɛ la, na ɔzele bɛ kɛ, “Bɛdwazo, bɛvi suakpole ye azo bɛye bɛ nwo, ɔluakɛ Ɛdɛnkɛma ɛlɛba arazɛkye suakpole ye.” Noko bɛdwenlenle kɛ ɔlɛbɔ nzɛmedɛ.

2 Edk 30:6

Yemɔti bɛzoanle menli wɔ Yizilayɛ nee Dwuda amuala, bɛvale ngɛlata bɛvile belemgbunli nee ye mgbanyima ne mɔ ɛkɛ ne bɛhɔle. Edwɛkɛ mɔɔ wɔ ngɛlata ne mɔ anu la se: “O Yizilayɛma, bɛzia bɛrɛla Ɛdɛnkɛma, Ebileham, Ayezeke, nee Gyekɔbo bɛ Nyamenle ne ɛkɛ, amaa ɔdaye noko yeahakyi ɔ nye wɔ bɛdabɛ ekyi ne mɔɔ bɛha mɔɔ Aselea arelemgbunli angu bɛ la anwo zo.

2 Edk 34:9

Bɛvale ezukoa mɔɔ Livaema, mɔɔ le sinzavolɛma la nyianle ye wɔ Manasɛ, Yifelaem, nee Yizilayɛma ekyi ne mɔɔ hale la ɛkɛ, Dwuda nee Bɛngyaman maanzinli ne mɔ anu, nee Gyɛlusalɛm la bɛrɛlɛle Sɛlɛvolɛ Kpanyinli Helekaya.

2 Edk 36:16

Noko bɛhɔle zo bɛzile menli mɔɔ Nyamenle zoanle bɛ la amgbu, bɛkpole kɛ bɛnrɛdie bɛ edwɛkɛ ne, na bɛgolole Nyamenle kpɔmanvolɛma ne anwo toonwo bɛmanle Ɛdɛnkɛma vale ɛya kpole mɔɔ bɛyɛ ye ɛhwee a ɔnyɛ boɛ a.

Nihɛmaya Buluku ne 2:19

Mɔɔ Sanebalate mɔɔ vi Hɔlɔn, Amɔnonli Tobaya mɔɔ le sonvolɛ nee Arelabenli bie mɔɔ bɛfɛlɛ ye Gihyɛm la dele gyima mɔɔ yɛhyehyɛ kɛ yɛyɛ la, bɛgolole yɛ nwo, bɛzile yɛ amgbu na bɛzele kɛ, “Duzu debie a bɛlɛyɛ a? Ɛnee bɛlɛte belemgbunli ne anwo atua ɔ?”

Ɛseta Buluku ne 3:13

Bɛvale ngɛlata ne mɔ bɛzoanle menli mɔɔ kola nriandi kpalɛ la a hɔle a. Ngɛlata ne mɔ kile kɛ bɛhu Dwuuma, ngakula nee mgbanyinli, yɛɛ mraalɛ kɔsɔɔti na bɛbɔ bɛ bo zo, na bɛve bɛ ninyɛne. Ngɛlata ne kile kɛ bɛva kenle ko ala a bɛyɛ ɛhye mɔ a, na bɛyɛ ye wɔ siane bulu nee nwiɔ ne mɔɔ bɛfɛlɛ ye “Eda” la ye kenle ne mɔɔ tɔ zolɛ bulu nee nsa ne la azo.

Ɛseta Buluku ne 3:15

Menli mɔɔ bɛzoanle bɛ la manle bɛ nwo yɛle ndɛ bɛhɔle na eza bɛbɔle mɛla ne nolo wɔ Susa mɔɔ le maanle maanle ne suakpole la azo. Akee belemgbunli ne nee Heeman dɛnlanle aze nlonle, liele bɛ nye, noko wɔ Susa suakpole ne azo ɛdeɛ, ɛnee menli adwenle ɛzɛkye kpalɛ.

Ɛseta Buluku ne 8:10

Mɔdekae manle bɛvale Belemgbunli Zɛzɛse duma a bɛhɛlɛle ngɛlata ne mɔ a, yɛɛ bɛvale belemgbunli ne kpɔdelera ne bɛsisile ngɛlata ne mɔ azo. Belemgbunli sonvolɛma mɔɔ tɛnla mgbɔnwɔ mɔɔ anwo yɛ ndɛ na bɛyɛne bɛ wɔ belemgbunli ne ɔdaye ye tunli nu la azo a hɔle a.

Ɛseta Buluku ne 8:14

Zɔhane ati bɛmanle belemgbunli ne sonvolɛma ne vole mgbɔnwɔ mɔɔ anwo yɛ ndɛ kpalɛ la azo a hɔle a, wɔ belemgbunli ne ɔdaye ye duma nu. Bɛbɔle mɛla ɛhye nolo wɔ Susa, mɔɔ le maanle maanle ne suakpole la azo noko.

Dwobu Buluku ne 12:4

Me nwo ɛyɛ me gɔnwo mɔ ɛzelekɛ; medame mɔɔ menvɛlɛle Nyamenle memanle ɔliele me zo, sonlakpalɛ mɔɔ me nwo ɛnlɛ ngehanleɛ, ɛnɛ medo ɛzelekɛ aleɛ.

Dwobu Buluku ne 9:25

“Me mekɛ se waa tɛla sonla mɔɔ ɛlɛnriandi la; ɔse ɔkɔ, ɔnnwu kpalɛ biala.

Gyɛlɛmaya Buluku ne 38:19

Belemgbunli Zɛdikaya hanle hilele Gyɛlɛmaya kɛ, “Mesulo Dwuuma mɔɔ ɛva bɛ nwo ɛmaa, na bɛpɛ bɛhɔli Babeloniama ɛkɛ la, kɛ bɛkɛye me bɛkɛmaa bɛ na bɛkɛbɔ me aholoba.”

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Edwɛkpa ne kɛmɔ Luku hɛlɛle la 23:35

Mekɛ mɔɔ menli ne gyi ɛkɛ ne ɛlɛnea la ɛnee Dwuu mgbanyima ne mɔ mɔɔ wɔ bɛ nu la ɛlɛsi ye amgbu kɛ, “Se ɔliele awie mɔ ngoane o; saa yemɔ a ɔle Mɛzaya ne mɔɔ Nyamenle ɛkpa nu ɛye ye la amgba a, bɛmaa ɔlie ɔ nwo ngoane ɔmaa yɛnlea!”

Edwɛkpa ne kɛmɔ Luku hɛlɛle la 8:53

Bɛ muala bɛzelele ye, ɔboalekɛ bɛze kɛ kakula ne ɛwu.

Ɛzoanvolɛma Gyima ne 17:32

Mɔɔ bɛdele kɛ Pɔɔlo ɛlɛka ewudwazo nwo edwɛkɛ la, bie mɔ golole ɔ nwo, yɛɛ bie mɔ noko zele kɛ, “Yɛkulo kɛ ɛsi edwɛkɛ ɛhye azo na ɛka ye bieko ɛkile yɛ wɔ kenle fofolɛ.”

Kɛlata mɔɔ bɛhɛlɛle bɛhɔmanle Hibuluma la 11:36

Bɛzile bie mɔ amgbu, bɛbole bɛ, yɛɛ bɛguale bie mɔ anga na bɛguale bɛ efiade.