2 Edk 30:1 - BAEBOLO ANZƐƐ BULUKU NWUANZANWUANZA

^1-3 Kɛmɔ ɛnee sɛlɛvolɛma ne anu dɔɔnwo anwo ɛnde la ati, menli ne angola anli Akpabɛnwo Ɛvoyia ne wɔ ye mekɛ ne anloa pɛpɛ wɔ siane ne mɔɔ lumua la anu. Ɛnee eza menli dɔɔnwo anloa ɛtɛyiale Gyɛlusalɛm. Yemɔti Belemgbunli Hɛzikaya nee ye mgbanyima nee Gyɛlusalɛm amra amuala liele dole nu kɛ ɔwɔ kɛ bɛdi ɛvoyia ne wɔ siane nwiɔ ne anu. Belemgbunli ne noko zoanle menli manle bɛvale nrɛlaleɛ bɛhɔle Yizilayɛ nee Dwuda maanle ne mɔ anu. Eza ɔhɛlɛle Yifelaem nee Manasɛ mbusua ekpunli ekpunli ne mɔ na ɔdole ɛsalɛ ɔvɛlɛle bɛ kɛ bɛrɛla bɛmaa bɛli ɛvoyia ne bɛwula Ɛdɛnkɛma, Yizilayɛ Nyamenle ne anyunlunyia.

2 Edk 30:1 ပူးပေါင်းရင်းမြစ်များ

2 Arl 23:22

Ɔvi mekɛ mɔɔ ɛnee ndɛnebuavolɛma a bu Yizilayɛ maanle ne toonwo mɔɔ radwule Dwuda nee Yizilayɛ arelemgbunli mekɛ zo la, bɛtɛdile Akpabɛnwo Ɛvoyia zɛhae bie ɛlɛ.

2 Edk 11:13

Sɛlɛvolɛma nee Livaema mɔɔ wɔ Yizilayɛ la amuala vi ɛleka ne mɔ mɔɔ bɛdede la rale Belemgbunli Rilihɔbowam anwo ɛkɛ wɔ Dwuda.

2 Edk 11:16

Na bɛdabɛ mɔɔ ɛnee bɛyeye bɛ ahonle nu kɛ bɛsonle Yizilayɛ Ɛdɛnkɛma Nyamenle ne la vi Yizilayɛ mbusua ekpunli ekpunli ne mɔ anu hɔle Gyɛlusalɛm hɔbɔle azu manle Ɛdɛnkɛma, bɛ ze mɔ Nyamenle ne.

2 Edk 25:7

Na Nyamenle kpɔmanvolɛ razele ye kɛ, “Nana, mmamaa Yizilayɛ ɛlɔnema ne nee wɔ kɔ, ɔluakɛ Ɛdɛnkɛma ɛnle Yizilayɛma, mɔɔ le Yifelaem abo zo amra ɛhye mɔ afoa.

2 Edk 29:24

Na sɛlɛvolɛma ne mɔ hunle mbɔnkye ne mɔ na bɛvale bɛ mogya ne bɛbɔle ɛtanefakyɛ azu wɔ azukponle ne azo, bɛvale bɛkpɔdale Yizilayɛma kɔsɔɔti ati. Ɔluakɛ belemgbunli ne zele kɛ ɔwɔ kɛ bɛbɔ ɛyelalɛ azu ne nee ɛtanefakyɛ azu ne wɔ Yizilayɛma kɔsɔɔti ati.

2 Edk 29:36

Na Belemgbunli Hɛzikaya nee menli ne amuala anye liele wɔ mɔɔ Nyamenle ɛyɛ ɛmaa menli ne la anwo, ɔluakɛ gyima zɛhae mɔɔ bɛlile la zenle waa.

2 Edk 35:6

Bɛhu Akpabɛnwo mboane ne mɔ na bɛnlua bɛ nwo, na bɛboa bɛ mediema ne mɔ bɛmaa bɛyɛ Ɛdɛnkɛma edwɛkɛ ne mɔɔ ɔluale Mosisi anwo zo ɔhanle la.”

Gyɛlɛmaya Buluku ne 29:1

Nyamenle Kpɔmanvolɛ Gyɛlɛmaya hɛlɛle kɛlata wɔ Gyɛlusalɛm hɔmanle sɛlɛvolɛma, Nyamenle kpɔmanvolɛma, maanle mgbanyima, yɛɛ menli mɔɔ boka bɛ a Nɛbukadenɛza hyele bɛ vi Gyɛlusalɛm hɔle nlɔnu wɔ Babelonia la.

Hozia Buluku ne 11:8

“O Yifelaem, kɛ ɔyɛ mɔɔ ɔwɔ kɛ meye wɔ memaa ɛ? O Yizilayɛ, kɛ ɔyɛ mɔɔ ɔwɔ kɛ meye wɔ memaa ɛ? Asoo ɔwɔ kɛ mesɛkye wɔ kɛ menzɛkyele Adema la? Kɛ ɔyɛ mɔɔ ɔwɔ kɛ meyɛ wɔ kɛ menyɛle Zɛboyem la ɛ? Me ahonle ɛndie me! Me kunlu yelɛyela me kpole wɔ ɛ nwo.

Hozia Buluku ne 5:4

Bɛ nyɛleɛ ɛtane ne mɔ ɛmmaa bɛngola bɛnzia bɛngɔ bɛ Nyamenle ne ɛkɛ. Ɔluakɛ tuutuulilɛ sunsum ne wɔ bɛ nu, yɛɛ bɛnze Ɛdɛnkɛma.