Hulam vale mpila nwiɔ ne ziele Ɛzonlenlɛ Sua ne anyunlu atɛ ne anu na bɛtotonle bɛ aluma; pila ne mɔɔ di kɔ nyevile nu la, bɛfɛlɛ ye “Gyeeken” yɛɛ mɔɔ di kɔ ɛbɔ nu la, bɛfɛlɛ ye “Bowaze”.
Bɛnwonle debie bie mɔɔ le kɛ nwɔnzɔnwɔnzɔ la bɛguale mpila ne mɔ ati ne mɔ azo na bɛvale kɔbele debie ahunguma mɔɔ le kɛ akutue la ɛya ko bɛguale zolɛ.
Kpolike wɔ ɛkɛ mɔɔ bɛfa zolɛ bɛfo anuhɔlɛ ne a. Anuhɔlɛ ne tɛtɛlɛ le mita bulu yɛɛ ye anwumahɔlɛ le mita nsia. Mpila nwiɔ gyigyi anuhɔlɛ ne, ko gyi ye foa ko, yɛɛ ko noko gyi ye foa ko.