2 Edk 28:9 - BAEBOLO ANZƐƐ BULUKU NWUANZANWUANZA

⁹ Nyamenle kpɔmanvolɛ bie woale Samɛlea, bɛfɛlɛ ye Odɛde. Ɔhɔyiale Yizilayɛ ɛlɔnema ne mɔɔ ɛlɛba Samɛlea la adenle, na ɔzele bɛ kɛ, “Kɛmɔ Ɛdɛnkɛma, bɛ ze mɔ Nyamenle ne vale Dwudama anwo ɛya la ati yɛɛ ɔyele bɛ ɔmanle bɛlile bɛ nwo zo konim a. Noko bɛmɛ, bɛhu Dwudama somaa bɛmaa Nyamenle akunlu ɛhwe.

2 Edk 28:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:4

Akee bɛzele kɛ, “Bɛmaa yɛkyekye suakpole ko na yɛzi tawa tendendenlenle ko mɔɔ kɔkpula Nyamenle ne ako abo nehane la, amaa yɛalie duma na yeamkponde azɛlɛ ye azo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:10

Ɛdɛnkɛma bizale ye kɛ, “Duzu debie a wɔyɛ la? Ɛ diema ne mogya ne mɔɔ gua azɛlɛ ne anwo la ɛlɛsu avɛlɛ me.

1 Arl 20:13

Nyamenle kpɔmanvolɛ bie rale Ehabe anwo ɛkɛ ne razele ye kɛ, “Ehabe, kɛ Ɛdɛnkɛma se la ɛne, ‘Wɔnwu ɛlɔne pinopino ɛhye ɔ? Mebaye bɛ meamaa wɔ ɛnɛ kenle ye, amaa wɔalie wɔado nuhua kɛ medame a mele Ɛdɛnkɛma a.’ ”

1 Arl 20:22

Nyamenle kpɔmanvolɛ ne hwenle bikyele Yizilayɛ belemgbunli ne na ɔzele ye kɛ, “Sia kɔboɔboa ɛ nwo; nea wɔ ɛlɔnema ne mɔ maa bɛboɔboa bɛ nwo. Ɔluakɛ Selea belemgbunli ne bava konle aradoa wɔ wɔ nyenyensuo mekɛ ne anu.”

1 Arl 20:42

Nyamenle kpɔmanvolɛ ne zele belemgbunli ne kɛ, “Kɛ Ɛdɛnkɛma se la ɛne, ‘Wɔmaa sonla ne mɔɔ meha kɛ bɛhu ye la ɛnriandi, yemɔti ɛbava wɔ ngoane wɔadua. Eza wɔmaa ye ɛlɔnema ne mɔɔ ɔwɔ kɛ bɛsɛkye bɛ la ɛvi ɛsalɛ, yemɔti, ɔwɔ kɛ bɛsɛkye wɔ ɛlɔnema ɛdeɛ ne.’ ”

1 Edk 21:13

Devidi zele Gaade kɛ, “Edwɛkɛ ɛdo me, mennwu mɔɔ meka a. Noko mmamaa sonla sa ka me. Maa Ɛdɛnkɛma ɔdaye ɔdea me, ɔluakɛ yemɔ, ye anwunvɔnezelɛ le kpole.”

2 Edk 28:5

Kɛmɔ Belemgbunli Ehaze yɛle ɛtane la ati, Ɛdɛnkɛma ye Nyamenle ne manle Selea belemgbunli ne ralile ɔ nwo zo konim na ɔhyele Dwudama dɔɔnwo nuokɛ ɔhɔle Dɛmasekɛse. Ɛdɛnkɛma eza manle Yizilayɛ Belemgbunli Pikaa, mɔɔ ɔ ze a le Relɛmalaya la, lile Ehaze anwo zo konim na ɔhunle Dwuda ɛlɔnema mɔɔ ze ko kpalɛ la anu apenle ngoko ɛya ko abulanwiɔ kenle ko. Ɛdɛnkɛma, bɛ ze mɔ Nyamenle ne manle ɛhye zile Dwudama anwo zo, ɔboalekɛ ɛnee bɛkpo ye.

Ɛzela Buluku ne 9:6

“O me Nyamenle, ɔyɛ me anyiemgba na ɔyɛ me nyiane bɔbɔ kɛ menwɔkpogya me nye zo menwɔnlea wɔ a, ɔluakɛ yɛ amumuyɛ ɛbɛla ne ɛbo zolɛ na yɛ ɛtane ne mɔ ɛdwu ɛ nyunlu.

Edwɛndolɛ Buluku ne 69:26

Ɔluakɛ bɛyɛ mɔɔ wɔdea ye la kpɔdekpɔde, na bɛkondɔ mɔɔ wɔboda ye la nganlɛ.

Ayezaya Buluku ne 47:6

Menvale me menli ne anwo ɛya, menguale me agyadeɛ nwo evinli; menyele bɛ menwulale ɛ sa nu, wɔannwu bɛ anwunvɔne, na ɛmanle mrelera yɛle gyima ɛsesebɛ.

Dwona Buluku ne 1:2

“Dwona, kɔ suakpole Nenɛvɛ mɔɔ ɛlie duma kpole la azo na kɔbɔ nolo, bɔ bɛ ɛrele zo kɛ menwu bɛ amumuyɛ mɔɔ bɛyɛ la amuala.”

Zɛkalaya Buluku ne 1:15

Meva maanle maanle ne mɔ anwo ɛya kpole kpalɛ kɛ bɛmɛ bɛ nwo ɛdɔ bɛ a. Ɔluakɛ saa mame meva me menli ne anwo ɛya ekyii bie a, akee bɛmɛ bɛmaa munzule ne ɛyɛ kpole.

Yekile 18:5

Ɔluakɛ bɛhuohua ye ɛtane ne mɔ anloa bɛmaa yehɔ anwuma kpalɛ, na Nyamenle ɛhakye ye amumuyɛ ne mɔ.

Maanlebuvolɛma Buluku ne 3:8

Yemɔti Ɛdɛnkɛma vale Yizilayɛma anwo ɛya kpole kpalɛ. Ɔsɛmanle bɛ ɔwulale Kuhyan Relehyateeyem, mɔɔ le Mɛsɔpɔteemea belemgbunli ne asa anu. Na Yizilayɛma zonlenle Kuhyan Relehyateeyem toonwo ɛvolɛ mɔtwɛ.