2 Edk 28:20 - BAEBOLO ANZƐƐ BULUKU NWUANZANWUANZA

²⁰ Yemɔti kɛ Aselea Belemgbunli Tegelate Paelisɛ kɛraboa Ehaze la, ɔvale ngyegyelɛ dɔɔnwo ɔrɛlɛle ye.

2 Edk 28:20 ပူးပေါင်းရင်းမြစ်များ

2 Arl 15:29

Wɔ Belemgbunli Pikaa mekɛ zo, Aselea Belemgbunli Tegelate Paelisɛ vale ɛlɔne rahonle vale Ayedwɔn, Ebɛle Bɛte Meeyaka, Gyanowa, Kidɛhye, yɛɛ Heezɔ nee Galeli, Geleade nee Nafetalae maanzinli ne mɔ amuala, na ɔhyele menli ne bie mɔ nuokɛ ɔhɔle nlɔnu wɔ Aselea.

2 Arl 17:5

Akee Hyalemanizɛ vale ɛlɔne rale Yizilayɛma anwo zo na ɔhɔtetale Samɛlea. Ye ɛvolɛ nsa ne azo,

1 Edk 5:26

Zɔhane ati Nyamenle manle Aselea Maanle Maanle Belemgbunli Pɛɛle (mɔɔ eza bɛfɛlɛ ye Tegelate Paelizɛ la) lile maanle ne nvunu na ɔhonle ɔvale bɛ. Ɔdule Wulubɛnema, Gaadema, yɛɛ Manasɛ Aduduleɛ amra ɔvile maanle ne anu ɔmanle bɛhɔdɛnlanle Heelaa, Heebɔ, yɛɛ Hɛla, nee Azule Gozaa ne anloa kpɔkpɔ.

2 Edk 30:6

Yemɔti bɛzoanle menli wɔ Yizilayɛ nee Dwuda amuala, bɛvale ngɛlata bɛvile belemgbunli nee ye mgbanyima ne mɔ ɛkɛ ne bɛhɔle. Edwɛkɛ mɔɔ wɔ ngɛlata ne mɔ anu la se: “O Yizilayɛma, bɛzia bɛrɛla Ɛdɛnkɛma, Ebileham, Ayezeke, nee Gyekɔbo bɛ Nyamenle ne ɛkɛ, amaa ɔdaye noko yeahakyi ɔ nye wɔ bɛdabɛ ekyi ne mɔɔ bɛha mɔɔ Aselea arelemgbunli angu bɛ la anwo zo.

Ayezaya Buluku ne 30:16

Bɛ edwɛkɛ se, “Kyɛkyɛ! Yɛfo mgbɔnwɔ zo yɛahɔ waa.” Yemɔti waa ala yɛɛ bɛbahɔ a. Eza bɛse, “Yɛfo mgbɔnwɔ mɔɔ anwo yɛ ndɛ kpalɛ la azo yeahɔ ndɛndɛ.” Yemɔti bɛ kpɔvolɛma ne noko anwo bayɛ ndɛ.

Ayezaya Buluku ne 30:3

Zɔhane ati Yigyibiti belemgbunli ne ɛlielɛ mɔɔ ɔbalie bɛ la bahakyi bɛ nyunlu aze ɛgualɛ, yɛɛ ɛleka mɔɔ bɛbanyia ye wɔ Yigyibiti bɛavea la bamaa bɛabɔ anyiemgba.

Ayezaya Buluku ne 7:17

“Ɛdɛnkɛma bamaa mekɛ bie mɔɔ bie ɛtɛtole bɛ ɛlɛ, ɔvi mekɛ mɔɔ Yizilayɛma dele bɛ nwo vile Dwuda anwo la arado wɔ nee wɔ menli ne nee ɛ bo zo amra. Ɔkava Aselea belemgbunli ne yeara ɛ nwo zo.

Ayezaya Buluku ne 7:20

“Saa mekɛ ne dwu a, Ɛdɛnkɛma bava dadeɛ dɛma mɔɔ yebɔ ye ɛkpa yevi Azule Yufileti ne anzi lɔ, wɔ Aselea belemgbunli ne ɛkɛ ne la akpa bɛ ti, bɛ gyakɛ anwo enrinli nee bɛ kɛsa amuala.

Gyɛlɛmaya Buluku ne 2:36

Duzu ati a bɛluolua ye ɔ nye ɔ nye, na bɛnzie bɛ ti ɛleka ko ɛ? Yigyibitima bagua bɛ nyunlu aze, kɛmɔ Aseleama guale bɛ nyunlu aze la.

Gyɛlɛmaya Buluku ne 2:37

Bɛbava bɛ sa bɛagua bɛ ti zo, bɛava ɛzunlɛ bɛvi Yigyibiti bɛara, ɔluakɛ mekpo menli ne mɔɔ bɛmɛ bɛva bɛ rɛle bɛwula bɛ nu la. Bɛnrɛnyia nvasoɛ biala bɛnrɛvi bɛ ɛkɛ ne.”

Yizikeɛle Buluku ne 16:28

“Eza bɛ nee Aseleama bɔle adwɔmane. Kɛmɔ bɛ nye bolo debie na bɛdi a bɛ ko ɛnyi la ati, bɛ nee bɛ bɔle tuutuu ɛbɛla, noko yeande bɛ.

Hozia Buluku ne 5:13

“Mɔɔ Yifelaem nwunle kɛ anwonyane ɛbɔ ye na Dwuda noko nwunle kɛ ɔdaye mumua ne yedudu nganlɛ la, Yifelaem hɔle Aselea maanle maanle belemgbunli ne ɛkɛ kɛ ɔkabiza ye moalɛ, noko Aselea angola anyɛ bɛ nee bɛ nganlɛ ne mɔ ayile.