2 Edk 27:2 - BAEBOLO ANZƐƐ BULUKU NWUANZANWUANZA

² Ɔyɛle mɔɔ sɔ Ɛdɛnkɛma anye la. Ɔvale ɔ ze Ɛzaya agyakɛ, noko yemɔ yeanvu nu yeangɔ Ɛdɛnkɛma Ɛzonlenlɛ Sua ne anu ɛlɛ. Na menli ne, bɛmɛ, bɛhɔle zolɛ bɛyɛle bɛ ninyɛndane ne mɔ.

2 Edk 27:2 ပူးပေါင်းရင်းမြစ်များ

2 Edk 26:4

Ɔvale ɔ ze Amazaya agyakɛ, ɔbɔle ɛbɛla kpalɛ ɔmanle ɔzɔle Ɛdɛnkɛma anye.

2 Edk 28:1

Ehaze lile ɛvolɛ abulanwiɔ la yɛɛ ɔbɔle ɔ bo kɛ ɔdi belemgbunli a. Ɔdɛnlanle Gyɛlusalɛm, yɛɛ ɔlile ebia ne ɛvolɛ bulu nee nsia. Yeanva ɔ ze Devidi agyakɛ; yeambɔ ɛbɛla kpalɛ mɔɔ sɔ Ɛdɛnkɛma anye a.

Edwɛndolɛ Buluku ne 119:120

Wɔ ɛzulolɛ ti me nwo wozo me, yɛɛ mesulo wɔ ndɛnebualɛ ne mɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:7

Na Ɛdɛnkɛma zele Mosisi kɛ, “Maa ɔyɛ ndɛndɛ tolo kɔ, ɔluakɛ wɔ menli ne mɔɔ ɛyele bɛ ɛvile Yigyibiti azɛlɛ zo la ɛyɛ ɛtane na bɛkpo me.

Ayezaya Buluku ne 1:4

Aa, maanle mɔɔ ɛtane ɛyi ye tɛkɛɛ a, menli mɔɔ ninyɛndane ɛyɛlɛ ɛli bɛ ti a, esiayɛɛ mralɛ, menli mɔɔ nzisi ala a bɛdi a, bɛbɔ munzule! Bɛkpo Ɛdɛnkɛma, bɛhyi Yizilayɛ Nwuanzanwuanza Ko ne, na bɛhakyi bɛ nzi bɛzi ye bɔkɔɔ.

Ɛzoanvolɛma Gyima ne 5:13

Awie mɔɔ ɛmboka diedima ne anwo la ɛnwolo bɛ nu, noko menli kɔsɔɔti hanle bɛ nwo edwɛkɛ kpalɛ.