2 Edk 27:1 - BAEBOLO ANZƐƐ BULUKU NWUANZANWUANZA

¹ Dwotam lile ɛvolɛ abulanwiɔ nee nnu la yɛɛ ɔbɔle ɔ bo kɛ ɔdi belemgbunli a. Ɔlile belemgbunli ɛvolɛ bulu nee nsia, yɛɛ ɔdɛnlanle Gyɛlusalɛm. Ɔ nli a le Zeedɔko ara raalɛ Gyɛhuhyaa.

2 Edk 27:1 ပူးပေါင်းရင်းမြစ်များ

1 Edk 3:12

Dwowahye wole Amazaya, Amazaya wole Ɛzaya, Ɛzaya wole Dwotam,

2 Edk 26:21

Belemgbunli Ɛzaya kokobɛ ne angɔ toonwo ɔwule, yɛɛ kɛmɔ ɛnee ɔle kokobɛvolɛ la ati, bɛammaa yeangɔ Ɛdɛnkɛma Ɛzonlenlɛ Sua ne anu bieko, yɛɛ ɔvile belemgbunli suakunlu ɛkɛ ne ɔhɔdɛnlanle ɔdaye ye sua nu. Ɔ ra Dwotam a nleanle belemgbunli suakunlu ɛkɛ ne na ɔziele menli ne amuala a.

2 Edk 26:23

Na Ɛzaya hɔle ayile nu na bɛwulale ye mrɛlatɛlɛ nu wɔ arelemgbunli azɛlɛ ne azo. Bɛ nee ye angɔ Devidi Suakpole zo, ɔboalekɛ ɛnee ɔle kokobɛvolɛ. Na ɔ ra Dwotam lile ebia ne.

2 Edk 27:8

Ɔlile ɛvolɛ abulanwiɔ nee nnu la yɛɛ ɔbɔle ɔ bo kɛ ɔdi belemgbunli a. Ɔdɛnlanle Gyɛlusalɛm, yɛɛ ɔlile ebia ne ɛvolɛ bulu nee nsia.

Ayezaya Buluku ne 1:1

Emɔzo ara nrenya Ayezaya ɛnyelɛzodeɛnwunlɛ ne mɔɔ Nyamenle yele hilele ye, mɔɔ fane Dwuda nee Gyɛlusalɛm anwo wɔ mekɛ mɔɔ ɛnee Dwuda Arelemgbunli Ɛzaya, Dwotam, Ehaze, yɛɛ Hɛzikaya di ebia la ɛne.

Hozia Buluku ne 1:1

Nrɛlaleɛ mɔɔ Ɛdɛnkɛma vale manle Biyɛlae ara nrenya Hozia wɔ Dwuda arelemgbunli Ɛzaya, Dwotam, Ehaze, yɛɛ Hɛzikaya mekɛ zo la ɛne. Mekɛ ne anu ɛnee Gyɛhowahye ara nrenya Gyɛlɔbowam le Yizilayɛ belemgbunli.

Maeka Buluku ne 1:1

Wɔ Dwuda arelemgbunli Dwɔtam, Ehaze, yɛɛ Hɛzikaya mekɛ zo, Ɛdɛnkɛma dendɛle hilele Maeka mɔɔ vi Molɛhyɛte la. Edwɛkɛ ne fane Samɛlea nee Gyɛlusalɛm anwo.

Edwɛkpa ne kɛmɔ Mateyu hɛlɛle la 1:9

Ɛzaya wole Dwotam, Dwotam wole Ehaze, Ehaze wole Hɛzikaya,