2 Edk 26:9 - BAEBOLO ANZƐƐ BULUKU NWUANZANWUANZA

⁹ Akee Ɛzaya bɔle Gyɛlusalɛm suakpole ne anwo bane bieko kpalɛ. Ɔsisile esanwu wɔ Muleɛzo Anuhɔlɛ ne, Bɔnza Anuhɔlɛ ne, yɛɛ bane ne mgbonleɛ biala azo ɛleka biala mɔɔ bele la.

2 Edk 26:9 ပူးပေါင်းရင်းမြစ်များ

2 Arl 14:13

Gyɛhowahye hyele Amazaya, na akee ɔhɔvole Gyɛlusalɛm, ɔbubule suakpole ne bane ne foa ko, ɔvi Yifelaem Anlenkɛ kpole ne anloa ɔhɔkpulale Muleɛ Anlenkɛ kpole ne anloa. Ye tendenle le kɛyɛ mita ɛya nwiɔ.

2 Edk 25:23

Yizilayɛ Belemgbunli Gyɛhowahye hyele Dwuda Belemgbunli Amazaya nuokɛ. Amazaya ɔ ze a le Dwowahye yɛɛ ɔ nlenya a le Ehazaya mɔɔ vi Bɛte Hyimɛhye la. Gyɛhowahye vale Amazaya rale Gyɛlusalɛm na ɔrabubule Gyɛlusalɛm bane ne foa ko mɔɔ vi Yifelaem Anuhɔlɛ ne kɔdwu Muleɛzo Anuhɔlɛ ne la ɔguale. Ye tendenle kɛyɛ mita ɛya nwiɔ.

Nihɛmaya Buluku ne 2:13

Menvindele nɔe ne la, menvale Bɔnza Anlenkɛ Kpole ne anu mengɔle Nane anwo ɛzulolɛ ne mɔɔ le kɛ Ɛlɛnrɛne la Nzufeanvea ne anwo na mengɔle Ewula Anlankɛ Kpole ne anloa. Meneɛnleanle Gyɛlusalɛm bane ne mɔ mɔɔ bɛbubu bɛ la nee nlenkɛ mgbole ne mɔ mɔɔ bɛyela bɛ la.

Nihɛmaya Buluku ne 2:15

Akee menluale bɔnza ne anloa nɔe ne na meneanle bane ne, na menvale Bɔnza Anlenkɛ Kpole ne anloa menziale me nzi.

Nihɛmaya Buluku ne 3:13

Heenɛn nee suakpole Zanowa ezuavolɛ ne yɛle Bɔnza Anlenkɛ Kpole ne boɛ. Bɛliele bane ne mita ɛya nna abulanla bɛhɔdwule Ewula Anlenkɛ Kpole ne anwo. Bɛduoduale nlenkɛ ne mɔ ɛbonle nee kɔlɔkɔlɔ na bɛvale mbulalɛ bɛguale bɛ nzi.

Nihɛmaya Buluku ne 3:24

Hɛneedade ara Benuwae yɛle bane ne mɔɔ vi Azalaya sua ne anwo kɔdwu bane ne muleɛ zo la boɛ zɔle zolɛ.

Nihɛmaya Buluku ne 3:32

Sukoadwinlima nee gualilɛma yɛle mɔɔ li awieleɛ bɔkɔɔ la boɛ, ɔvi ekpumgbunli ne mɔɔ wɔ muleɛ ne azo anwuma la anwo bɛhɔzɔle Mboane Anlenkɛ Kpole ne.

Gyɛlɛmaya Buluku ne 31:38

Ɛdɛnkɛma se, “Mekɛ bara, na bɛbakyekye me suakpole Gyɛlusalɛm bieko, ɔvi Hananili Tawa ne anwo yeahɔkpula Muleɛ Anlenkɛ Kpole ne anwo.

Zɛkalaya Buluku ne 14:10

Azɛlɛ ne kpokpoti, ɔvi Giba mɔɔ kɔdwu Relemɔn mɔɔ wɔ Gyɛlusalɛm nyiakɛ la bayɛ fienemgbole. Na Gyɛlusalɛm bagyinla kpundii wɔ ɔ bo zo ne wɔ boka zo, ɔvi Bɛngyaman Anlenkɛ Kpole nloa yeahɔ anlenkɛ kpole dɛba ne anwo, yeahɔdwu Muleɛ Anlenkɛ Kpole ne anloa, na ɔvi Hananili Tawa ne anwo yeahɔdwu belemgbunli ne nwanyeyɛlɛ ɛleka ne mɔ.