2 Edk 26:5 - BAEBOLO ANZƐƐ BULUKU NWUANZANWUANZA

⁵ Mekɛ mɔɔ Zɛkalaya, mɔɔ yemɔ a ɛnee kilehile ye Nyamenle ɛzonlenlɛ la de ngoane nu la, Belemgbunli Ɛzaya vale ziele ɔ nyunlu ɔzonlenle Ɛdɛnkɛma, na Nyamenle manle ɔkpazile.

2 Edk 26:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:15

Na belemgbunli ne zele Dwosefi kɛ, “Meha ɛlalɛ bie, na awie biala ɛnle ɛkɛ mɔɔ kola kile ɔ bo a. Na mede noko kɛ wɔmɔ, saa bɛka ɛlalɛ bɛkile wɔ a ɛkile ɔ bo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:38

Na ɔzele ye mgbanyima ne mɔ kɛ, “Bɛnea a awie bie wɔ ɛkɛ tɛla ɛhye mɔɔ Nyamenle Sunsum ne wɔ ye nu la ɔ?”

2 Arl 15:34

Ɔvale ɔ ze Yuzaya agyakɛ na ɔzɔle Ɛdɛnkɛma anye.

1 Edk 22:11

“Zɔhane ati, me ra, Ɛdɛnkɛma nee wɔ ɛdɛnla, amaa wɔahola wɔazi Ɛdɛnkɛma wɔ Nyamenle ne Ɛzonlenlɛ Sua ne wɔawie, kɛmɔ yeha ye wɔ ɛ nwo la.

1 Edk 22:13

Saa ɛdi mɛla ne mɔɔ Ɛdɛnkɛma luale Mosisi anwo zo vale manle Yizilayɛma la azo kpalɛ a, ɛbakpazi. Sie ɛ ti koonwu, na maa wɔ adwenle ɛgyinla, amaa debie biala andu wɔ ahonle.

2 Edk 14:6

Ɔkyekyele azuamgbole wɔ Dwuda na ɔmanle bɛbɔle nwolɛ bane, ɔluakɛ ɛnee maanle ne lɛ anzonudwolɛ. Yeango konle biala wɔ ɛvolɛ zɔhane mɔ anu, ɔboalekɛ Ɛdɛnkɛma manle ye anzonudwolɛ.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 24:2

Dwowahye yɛle mɔɔ sɔ Ɛdɛnkɛma anye la wɔ mekɛ mɔɔ sɛlɛvolɛ Gyɛhɔyada de aze la.

2 Edk 25:8

Saa wɔ adwenle yɛ wɔ kɛ ɛhye mɔ yɛɛ bamaa ɛ nwo ayɛ se wɔ konle nu a, ɛnee nwu ye kɛ, Nyamenle bamaa wɔ kpɔvolɛma ali ɛ nwo zo konim, ɔluakɛ Nyamenle lɛ tumi, ɔkola ɔmaa ɛdi konim, yɛɛ ɔkola ɔmaa wɔ kpɔvolɛma di ɛ nwo zo konim.”

2 Edk 26:4

Ɔvale ɔ ze Amazaya agyakɛ, ɔbɔle ɛbɛla kpalɛ ɔmanle ɔzɔle Ɛdɛnkɛma anye.

2 Edk 27:6

Dwotam anwo yɛle ɛzulolɛ, ɔboalekɛ ɔdiele Ɛdɛnkɛma ye Nyamenle ne ane.

2 Edk 29:1

Hɛzikaya lile ɛvolɛ abulanwiɔ nee nnu la yɛɛ ɔbɔle ɔ bo kɛ ɔdi belemgbunli a. Ɔdɛnlanle Gyɛlusalɛm, na ɔlile ebia ne ɛvolɛ abulanwiɔ nee ngɔnla. Ɔ nli a le Zɛkalaya ara raalɛ Abaegya.

2 Edk 32:30

Belemgbunli Hɛzikaya ko ye ala a manle bɛzile azule ne mɔɔ wɔ Gaehɔn la sɔlɔ, na ɔmanle bɛhakyile ɔ nye wɔ Devidi Suakpole zo adɔleɛ la. Debie anzɛɛ gyima biala mɔɔ Hɛzikaya vale ɔ sa hanle ye la yɛle kpalɛ.

Edwɛndolɛ Buluku ne 1:3

Ɔle kɛ azule nloa baka, mɔɔ so ma wɔ ye ɛlobɔ nloa, ye nya ɛmkpolo ɛlɛ, yɛɛ ɔkpazi debie biala anu.

Daneɛle Buluku ne 1:17

Mgbavolɛ nna ɛhye, Nyamenle manle bɛnwunle nwoma na bɛnwunle nrɛlɛbɛ kpole. Nyamenle manle Daneɛle ɛnyelɛzodeɛnwunlɛ nee ɛlalɛ bo ɛhilelɛ adwenle.

Daneɛle Buluku ne 10:1

(Pɛhyea Maanle Maanle Belemgbunli Saelɛse lile ɛvolɛ nsa wɔ ebia zo la, Daneɛle mɔɔ eza bɛfɛlɛ ye Bɛletihyazaa la asa hanle Nyamenle nrɛlaleɛ. Nrɛlaleɛ ne le nɔhalɛ na ɔ bo ɛdelɛ ɛnla aze. Na bɛluale ɛnyelɛzodeɛnwunlɛ zo bɛhilele ye ɔ bo, na ɔdele ɔ bo.)

Daneɛle Buluku ne 2:19

Kenle ko ne nɔe ne Nyamenle luale ɛnyelɛzodeɛnwunlɛ zo yele ɛlalɛ ne hilele Daneɛle na ɔhilele ye ɔ bo. Na Daneɛle yele Nyamenle ayɛlɛ zele kɛ,

Daneɛle Buluku ne 5:16

Na mede kɛ ɛkola ɛkile debie bo yɛɛ ɛkola ɛgyinla edwɛkɛ ɛsesebɛ nloa. Saa ɛkola ngɛlɛlera ne kenga ɛkile ɔ bo ɛkile me a, bɛbawula wɔ belemgbunli tɛladeɛ, bɛava ezukoa nvutuke ndweabane bɛado ɛ kɔme, na wɔayɛ maanlebuvo mɔɔ tɔ zolɛ nsa la.”

Hozia Buluku ne 6:4

Na Ɛdɛnkɛma se, “O Yifelaemma, kɛ menyɛ bɛ ɛ? O Dwudama, kɛ menyɛ bɛ ɛ? Me nwo ɛhulolɛ mɔɔ bɛlɛ la le kɛ nwonlomɔ amungu, ɔle kɛ nwonlomɔ ɛbɔlɛ, ɔngyɛ na yeawe.

Ɛzoanvolɛma Gyima ne 20:30

Mekɛ bara mɔɔ menli vi bɛ avinli badwazo araha edwɛkɛ adalɛ ahwe diedima ne bie mɔ ahɔli bɛ nzi a.

Dwɔhyua Buluku ne 1:7

Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

Dwɔhyua Buluku ne 1:8

Maa ɔyɛ wɔ gyima kɛ ɛkɛgenga Mɛla buluku ne dahuu wɔ bɛ ɛzonlenlɛ mekɛ biala anu. Dwenledwenle Mɛla ne anwo nɔɔzo nee ewiazo, na di mɔɔ bɛhɛlɛ ye nuhua la amuala azo. Ɛhye bamaa wɔ ɛbɛlabɔlɛ ne adenrɛ.

Maanlebuvolɛma Buluku ne 2:7

Wɔ Dwɔhyua mekɛ zo menli ne zonlenle Ɛdɛnkɛma, yɛɛ ye ewule ne anzi bɛhɔle zolɛ bɛzonlenle Ɛdɛnkɛma wɔ mekɛ mɔɔ mgbanyima mɔɔ Dwɔhyua wule gyakyile bɛ la de aze la, ɔluakɛ bɛ muala bɛnwunle gyima kpole mɔɔ Ɛdɛnkɛma ɛli ɛmaa Yizilayɛma la.