2 Edk 26:22 - BAEBOLO ANZƐƐ BULUKU NWUANZANWUANZA

²² Belemgbunli Ɛzaya nyɛleɛ mɔɔ hale nee ye gyima mɔɔ ɔlile, ɔvi mɔlebɛbo ne mɔɔ kɔdwu awieleɛ ne la, bɛhɛlɛ bɛ kɔsɔɔti wɔ buluku ne mɔɔ Emɔzo ara Nyamenle Kpɔmanvolɛ Ayezaya hɛlɛle la anu.

2 Edk 26:22 ပူးပေါင်းရင်းမြစ်များ

2 Arl 19:2

Ɔzoanle Yilayakem, mɔɔ nea belemgbunli suakunlu ɛkɛ ne la, Kɔɔto kɛlɛhɛlɛvolɛ Hyɛbena, nee sɛlɛvolɛ mgbanyinli bie mɔ wɔ Nyamenle kpɔmanvolɛ Ayezaya mɔɔ ɔ ze a le Emɔzo la anwo ɛkɛ. Bɛdabɛ noko bɛwulale ɛrele adɛladeɛ a bɛhɔle a.

2 Edk 12:15

Rilihɔbowam nyɛleɛ mɔɔ ɔyɛle, ɔvi mɔlebɛbo ne mɔɔ kɔdwu awieleɛ ne la, bɛhɛlɛ bɛ muala wɔ Nyamenle Kpɔmanvolɛ Hyɛmaya nee Nyamenle Sonla Yedo Tetedwɛkɛ Mbuluku ne mɔ anu. Ɛnee mekɛ biala konle wɔ Dwuda Belemgbunli Rilihɔbowam nee Yizilayɛ Belemgbunli Gyɛlɔbowam avinli.

2 Edk 25:26

Akee Amazaya nyɛleɛ mɔɔ ɔyɛle, ɔvi mɔlebɛbo ne mɔɔ kɔdwu awieleɛ ne la, bɛhɛlɛ bɛ muala wɔ Dwuda nee Yizilayɛ Arelemgbunli Tetedwɛkɛ Buluku ne anu.

2 Edk 26:23

Na Ɛzaya hɔle ayile nu na bɛwulale ye mrɛlatɛlɛ nu wɔ arelemgbunli azɛlɛ ne azo. Bɛ nee ye angɔ Devidi Suakpole zo, ɔboalekɛ ɛnee ɔle kokobɛvolɛ. Na ɔ ra Dwotam lile ebia ne.

2 Edk 32:32

Gyima mɔɔ hale mɔɔ Hɛzikaya lile, ye nyɛleɛ kpalɛ nee debie biala mɔɔ ɔyɛle la, bɛhɛlɛ bɛ muala wɔ Nyamenle Kpɔmanvolɛ Ayezaya mɔɔ le Emɔzo ara ne la Ɛnyelɛzodeɛnwunlɛ Buluku ne, yɛɛ Dwuda nee Yizilayɛ Arelemgbunli Buluku ne anu.

2 Edk 9:29

Ninyɛne bieko mɔɔ Sɔlɔmɔn yɛle nee ye nyɛleɛ, ɔvi mɔlebɛbo ne kɔdwu awieleɛ ne la, bɛhɛlɛ bɛ kɔsɔɔti wɔ Nyamenle Kpɔmanvolɛ Neetan Tetedwɛkɛ Buluku ne, Ahaegya mɔɔ vi Hyaelo la Nyamenle Nrɛlaleɛ Buluku ne, yɛɛ Nyamenle Sonla Yedo Ɛnyelɛzodeɛnwunlɛ Buluku ne mɔ anu. Yedo buluku ne eza ka Nibate ara Gyɛlɔbowam mɔɔ lile ebia wɔ Yizilayɛ la anwo edwɛkɛ.

Ayezaya Buluku ne 1:1

Emɔzo ara nrenya Ayezaya ɛnyelɛzodeɛnwunlɛ ne mɔɔ Nyamenle yele hilele ye, mɔɔ fane Dwuda nee Gyɛlusalɛm anwo wɔ mekɛ mɔɔ ɛnee Dwuda Arelemgbunli Ɛzaya, Dwotam, Ehaze, yɛɛ Hɛzikaya di ebia la ɛne.

Ayezaya Buluku ne 6:1

Ɛvolɛ ne mɔɔ Belemgbunli Ɛzaya wule la ala anu, menwunle kɛ Awulae de belemgbunli ebia nu, hyeleenyi wɔ anwuma, na ye tɛladeɛ ne anloa ɛyi Ɛzonlenlɛ Sua ne.