2 Edk 26:21 - BAEBOLO ANZƐƐ BULUKU NWUANZANWUANZA

²¹ Belemgbunli Ɛzaya kokobɛ ne angɔ toonwo ɔwule, yɛɛ kɛmɔ ɛnee ɔle kokobɛvolɛ la ati, bɛammaa yeangɔ Ɛdɛnkɛma Ɛzonlenlɛ Sua ne anu bieko, yɛɛ ɔvile belemgbunli suakunlu ɛkɛ ne ɔhɔdɛnlanle ɔdaye ye sua nu. Ɔ ra Dwotam a nleanle belemgbunli suakunlu ɛkɛ ne na ɔziele menli ne amuala a.

2 Edk 26:21 ပူးပေါင်းရင်းမြစ်များ

2 Arl 7:3

Menli nna bie mɔɔ kokobɛ ɛdila bɛ la ɛnee de Samɛlea suakpole ne anuhɔlɛ kpole ne anzi. Na bɛhanle bɛhilele bɛ nwo ngoko kɛ, “Duzu ati a yɛtɛnla ɛke dedee yɛawu ɛ?

2 Edk 26:20

Sɛlɛvolɛ Kpanyinli Azalaya nee sɛlɛvolɛma ne amuala nwunle kɛ kokobɛ ɛgua belemgbunli ne anwoma zo, na bɛvoanle ye bɛvile Ɛzonlenlɛ Sua ne anu. Belemgbunli mumua ne ɔdaye ɔnwunle kɛ Ɛdɛnkɛma ɛdea ye, yemɔti ɔvindele ndɛndɛ ne ala.

2 Edk 27:1

Dwotam lile ɛvolɛ abulanwiɔ nee nnu la yɛɛ ɔbɔle ɔ bo kɛ ɔdi belemgbunli a. Ɔlile belemgbunli ɛvolɛ bulu nee nsia, yɛɛ ɔdɛnlanle Gyɛlusalɛm. Ɔ nli a le Zeedɔko ara raalɛ Gyɛhuhyaa.

Sɛlɛ 13:46

Saa ewule ne mɔɔ wɔ ɔ nwo la ɛtɛkɔle a, ɔ nwo ɛnrɛde ɛlɛ. Kɛmɔ ɔ nwo ɛnde la ati, ɔwɔ kɛ ɔte ɔ nwo ɔkɔtɛnla kpɔda bie abo wɔ azokoɛleɛ ne kandiba.

Sɛlɛ 14:8

Akee ahenle mɔɔ bɛnua ye la bakpo ye adɛladeɛ, yeakpa ɔ nwo enrinli kɔsɔɔti na yeabia; ɛnee ɔ nwo ɛde. Ɛhye anzi ɔbara sua zo, noko ɔnrɛhɔ ye ndanlɛ sua ne anu. Ɔbala alie nwo toonwo kenle nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:15

Yemɔti bɛyele Meleam bɛhɔle azokoɛleɛ ne kandiba na ɔlale lɔ toonwo kenle nsuu. Na menli ne andu bɛ bo toonwo bɛvale Meleam bɛrale azokoɛleɛ ɛkɛ ne bieko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:4

Na Yizilayɛma yele menli ɛhye mɔ vile bɛ avinli, kɛmɔ Ɛdɛnkɛma zele Mosisi la.