2 Edk 26:20 - BAEBOLO ANZƐƐ BULUKU NWUANZANWUANZA

²⁰ Sɛlɛvolɛ Kpanyinli Azalaya nee sɛlɛvolɛma ne amuala nwunle kɛ kokobɛ ɛgua belemgbunli ne anwoma zo, na bɛvoanle ye bɛvile Ɛzonlenlɛ Sua ne anu. Belemgbunli mumua ne ɔdaye ɔnwunle kɛ Ɛdɛnkɛma ɛdea ye, yemɔti ɔvindele ndɛndɛ ne ala.

2 Edk 26:20 ပူးပေါင်းရင်းမြစ်များ

2 Edk 26:19

Belemgbunli Ɛzaya vale ɛya. Mekɛ ne anu ɛnee belemgbunli ne lɛ kyɛnze kuloonwu mɔɔ bɛfa bɛyela ɛyɛlɛ la ɔ sa nu. Belemgbunli ne vale ɛya la, ɛkɛ ne ala kokobɛ guale ye na bie vindele ɔ nwoma azo, wɔ sɛlɛvolɛma ne amuala anyunlu ɛkɛ ne. Ɛhye zile Ɛdɛnkɛma Ɛzonlenlɛ Sua ne anu, ɛleka mɔɔ ɛyɛlɛ azukponle ne gyi la.

2 Edk 26:21

Belemgbunli Ɛzaya kokobɛ ne angɔ toonwo ɔwule, yɛɛ kɛmɔ ɛnee ɔle kokobɛvolɛ la ati, bɛammaa yeangɔ Ɛdɛnkɛma Ɛzonlenlɛ Sua ne anu bieko, yɛɛ ɔvile belemgbunli suakunlu ɛkɛ ne ɔhɔdɛnlanle ɔdaye ye sua nu. Ɔ ra Dwotam a nleanle belemgbunli suakunlu ɛkɛ ne na ɔziele menli ne amuala a.

Ɛzela Buluku ne 7:5

Bɛkae ɔ ze a le Abaehyua, Abaehyua ɔ ze a le Fenɛhase, yɛɛ Fenɛhase ɔ ze a le Ɛlieza, Ɛlieza ɔ ze a le Sɛlɛvolɛma Kpanyinli Aalɔn.

Ɛseta Buluku ne 6:12

Akee Mɔdekae ziale hɔdɛnlanle ɔ bo zo ne wɔ belemgbunli ne anuhɔlɛ ne. Na Heeman hedale ɔ ti zo na ɔvale nyane nee nyiane ɔhɔle sua nu ndɛndɛ.

Sɛlɛ 13:10

Sɛlɛvolɛ ne banleɛnlea ahenle anwo kpalɛ, na saa debie fufule bie ɛnwu ahenle anwo, ɛmaa ye enrinli ne ɛyɛ fufule, na hanlɛ ne kpolo nzule a,

Sɛlɛ 14:34

“Saa bɛdwu Keena azɛlɛ ne mɔɔ mefa meamaa bɛayɛ bɛ ɛdeɛ la azo, na memaa ewule kokobɛ tɔ awuke bie anu, wɔ azɛlɛ ne mɔɔ bɛde zolɛ kɛ bɛ ɛdeɛ la azo a,

Mɛla 28:22

Ɛdɛnkɛma bamaa avinli ewule adɔ bɛ nwo ahu bɛ. Ɔbamaa ebunlu ahye bɛ, bɛ nwo anwunwu. Ɔbavi ewia katekate yeadua ezule, na yeamaa ahumu kpole mɔɔ anu dɔ la ayela bɛ egyinli nu ninyɛne. Debie zɛhae bahɔ zolɛ toonwo yeahɔdwu kɛ ɔkɛzɛkye bɛ muala la.

Mɛla 28:35

Ɛdɛnkɛma bamaa nyila anwunwu bɛ gyakɛ agbɔkɛ nee bɛ gyakɛ agbɔma ne mɔ anwo, ɔvi bɛ gyakɛ akunlu toonwo yeahɔdwu bɛ ti zo, mɔɔ bɛnrɛhola bɛ ayile yɛ ɛlɛ a.