2 Edk 26:18 - BAEBOLO ANZƐƐ BULUKU NWUANZANWUANZA

¹⁸ bɛhɔduale belemgbunli ne adenle na bɛzele ye kɛ, “Tɛ wɔmɔ, Ɛzaya, yɛɛ ɔwɔ kɛ ɛkpu ɛyɛlɛ ɛbɔ azu ɛmaa Ɛdɛnkɛma a. Sɛlɛvolɛma mɔɔ le Aalɔn nlɔnra ne mɔ mɔɔ bɛmɛ a bɛdu bɛ bɛmaa Ɛdɛnkɛma la yɛɛ ɔwɔ kɛ kpu ɛyɛlɛ ne wɔ ɛyɛlɛ azukponle ne azo a. Ɛvi ɛleka nwuanzanwuanza ye finde, ɔluakɛ wɔyɛ ɛtane, yemɔti mɔɔ ɛlɛyɛ la ɛnrɛzɔ Ɛdɛnkɛma Nyamenle ne anye.”

2 Edk 26:18 ပူးပေါင်းရင်းမြစ်များ

2 Edk 19:2

Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

2 Edk 30:7

Bɛmmayɛ kɛ bɛ ze mɔ nee bɛ mediema ne mɔ, mɔɔ kpole bɛ ze mɔ Ɛdɛnkɛma Nyamenle ne a yemaa bɛyɛ mgbane, kɛmɔ bɛdabɛ bɛ nye dua ye la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:1

“Akee maa ɛ diema Aalɔn nee ɔ mra mrenya ne mɔ, Needabe, Abaehu, Ɛlieza, yɛɛ Yetamaa ɛbikye wɔ na ye bɛ fi Yizilayɛma avinli sie ahane, amaa bɛanyia adenle bɛazonle me kɛ me sɛlɛvolɛma.

Gyɛlɛmaya Buluku ne 13:18

Ɛdɛnkɛma zele me kɛ, “Ka kile belemgbunli ne nee ɔ nli kɛ bɛvi bɛ mbia ne mɔ azo bɛdwu aze, na bɛ abɔtile ngɛnlɛma ne mɔ vi bɛ ti ɛdu ɛgua.

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7

Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:10

Akee ye Aalɔn nee ɔ mra ne mɔ maa bɛyɛ sɛlɛvolɛ gyima ne; saa awie gyɛne biala pele kɛ ɔyɛ bie a, bɛhu ye.”

Edwɛkpa ne kɛmɔ Mateyu hɛlɛle la 10:18

yɛɛ eza bɛbahwe bɛ bɛahɔ maanle mgbanyima nee arelemgbunli nyunlu wɔ me ti, na bɛabɔ Edwɛkpa ne nolo bɛahile bɛ nee bɛdabɛ mɔɔ bɛnle Dwuuma la.

Edwɛkpa ne kɛmɔ Mateyu hɛlɛle la 10:28

Bɛmmasulo bɛdabɛ mɔɔ bɛkola bɛku nwonane ne na bɛngola ɛkɛla ne ku la; bɛzulo Nyamenle mɔɔ kola nwonane ne nee ɛkɛla ne amuala ku, na ɔsɛkye bɛ wɔ ɛbolɔ senle nu la.

Edwɛkpa ne kɛmɔ Mateyu hɛlɛle la 14:4

ɔluakɛ Dwɔn hanle hilele ye fane dɔɔnwo kɛ, “Ɔnle amaamuo kpalɛ kɛ ɛkɛgya Hɛlɔdease.”

Dw 5:44

Bɛkpondɛ kɛ bɛkanvo bɛ ngome bɛ nwo ngoko ngoko, na bɛmpele bɛnlie nganvolɛ bɛnvi Nyamenle kokye ne ɛkɛ ne, na ɛnee kɛ ɔkɛyɛ na bɛalie me bɛali ɛ?

1 Kɔl 5:5

bɛye sonla ɛhye bɛwula Seetan asa anu amaa ye nwonane ne azɛkye na ye ɛkɛla anyia ngoane wɔ Awulae Kenle ne.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:11

Na mɔɔ Pita rale Anteɔko la, ɔmanle mendwile ɔ nyunlu, ɔluakɛ ɛnee mɔɔ ɔlɛyɛ la ɛnle kpalɛ.

Kɛlata mɔɔ bɛhɛlɛle bɛhɔmanle Hibuluma la 5:4

Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.

Gyemise Kɛlata ne 2:1

Me mediema, kɛmɔ bɛlɛ diedi wɔ yɛ Awulae Gyisɛse Kelaese, mɔɔ le anyunlunyia Awulae ne la anu la ati, bɛmmanea sonla nyunlu na bɛabu ye bie.

Dwɔhyua Buluku ne 22:15

Bɛrale Wulubɛn, Gaade, yɛɛ Manasɛ Aduduleɛ mbusua ekpunli ne mɔ ɛkɛ wɔ Geleade maanzinli nu.

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.