2 Edk 26:16 - BAEBOLO ANZƐƐ BULUKU NWUANZANWUANZA

¹⁶ Akee mɔɔ ye tumi ne wiele kpole yɛ la, Ɛzaya memanle ɔ nwo zo na ɔzɛkyele ɔ nwo. Ɔbɔle adalɛ ɔhilele Ɛdɛnkɛma ye Nyamenle ne na ɔhɔwolole Ɛdɛnkɛma Ɛzonlenlɛ Sua ne anu kɛ ɔkakpu ɛyɛlɛ wɔ ɛyɛlɛ azukponle ne azo.

2 Edk 26:16 ပူးပေါင်းရင်းမြစ်များ

1 Arl 12:33

Kɛmɔ ɔhyehyɛle ala la, siane mɔtwɛ ne kenle bulu nee nnu ne azo, Gyɛlɔbowam hɔle Bɛtɛle kɛ ɔkakpu ɛyɛlɛ yeabɔ azu wɔ azukponle ne mɔɔ yeyɛ la azo yeava yeabɔ ɛvoyialilɛ ne mɔɔ yehyehyɛ yemaa Yizilayɛma la abo.

1 Arl 13:1

Mekɛ ne anu ɛnee Ɛdɛnkɛma ɛva ɔ nloa edwɛkɛ ɛzoa Dwuda Nyamenle kpɔmanvolɛ ko wɔ Bɛtɛle. Ɔhɔdwule ɛkɛ ne wɔ mekɛ mɔɔ ɛnee Gyɛlɔbowam gyi azukponle ne anwo ɛlɛkpu ɛyɛlɛ la.

2 Arl 14:10

Akee tie, Amazaya, kɛmɔ wɔli Yidɔmma anwo zo konim la ati yɛɛ ɛlɛtu ɛ nloa anu a. Maa ɛ kunlu ɛdwo ɛ nyunlu mɔɔ wɔnyia ye la anwo na tɛnla wɔ ɛleka bie. Duzu ati a ɛtwehwe munzule wɔamaa ɛ nwo nee wɔ menli ne ɛ?”

2 Arl 15:5

Ɛdɛnkɛma manle ewule kokobɛ dilale Yuzaya toonwo ɔhɔle ewule nu. Yemɔti ɔdɛnlanle sua gyɛne nu, ɔyele ɔ sa wɔ maanle ne ɛbulɛ nwo. Ɔ ra Dwɔtam yɛle ɔ ze gyima ne manle ye na ɔziele maanle ne.

2 Edk 12:1

Mɔɔ Rilihɔbowam belemgbunlililɛ ne gyinlanle zo na ɔnyianle gyinlagyakɛ la, ɔkpole Ɛdɛnkɛma Mɛla ne mɔ na ɔmanle Yizilayɛma kɔsɔɔti kpole Ɛdɛnkɛma.

2 Edk 25:19

Wɔmɔ ɛse, ‘Nea, meli Yidɔmma anwo zo konim,’ ɛhye ati ɛ nzo ɛmemaa zolɛ, ɛ nwo ndɛkɛ ɛdwazo, ɛlɛtu ɛ nloa anu. Tɛnla aze die wɔ ɛnwomenle bie. Duzu ati a ɛlɛtwehwe ngyegyelɛ wɔamaa ɛ nwo nee Dwudama ɛ?”

2 Edk 26:15

Wɔ Gyɛlusalɛm sua zo noko, ɔmanle menli mɔɔ anye ka aze la hyehyɛle melahyinli mɔɔ to ɛda nee mɔɔ kola fuandi awolɛ mgbole la na bɛvale bɛzieziele tawa ne mɔ azo anwuma nee muleɛ ne mɔ azo. Ɛhye manle ye duma yɛle kpole na ye nganeɛ hɔle moa, ɔluakɛ ɔnyianle moalɛ kpalɛ toonwo ɔhɔdwule kɛ akee ye tumi ne yɛle kpole la.

2 Edk 27:2

Ɔyɛle mɔɔ sɔ Ɛdɛnkɛma anye la. Ɔvale ɔ ze Ɛzaya agyakɛ, noko yemɔ yeanvu nu yeangɔ Ɛdɛnkɛma Ɛzonlenlɛ Sua ne anu ɛlɛ. Na menli ne, bɛmɛ, bɛhɔle zolɛ bɛyɛle bɛ ninyɛndane ne mɔ.

2 Edk 32:25

Noko kɛmɔ ɛnee mgbanyizonle ɛmaa Hɛzikaya andɛba ɛmemaa zolɛ la ati, yeanyɛ Nyamenle mo wɔ nyele ɛhye anwo. Yemɔti Nyamenle ɛya ne rale ɔdaye, Gyɛlusalɛmma, yɛɛ Dwudama amuala anwo zo.

Mrɛlɛbulɛ Buluku ne 16:18

Adubɛnwo sɛkye sonla, yɛɛ bɛ nwo zo ɛmemanlɛ maa sonla tu koti.

Daneɛle Buluku ne 11:12

Ɔbali fɛlɛko kɛ yeli Selea ɛlɔnema pemgbenleamgbe ne anwo zo konim na yehu menli apenle apenle bulu bulu a, noko ye konimlilɛ ne ɛnrɛhyɛ.

Daneɛle Buluku ne 8:8

Abɔnkye nyinli ne dule ɔ nloa anu kpole kpalɛ; na mɔɔ ye anwosesebɛ ne dwule aze kpole kpalɛ la, ye mɛne kpole ko ne bule na mɛne nna fifile ɔ bo zo ne. Mɛne nna ne, ko anye kɔ ɛbɔ nu, ko kɔ nyiakɛ, ko kɔ aduduleɛ, yɛɛ ko kɔ adɔleɛ.

Habakɛke Buluku ne 2:4

Nea, awie biala mɔɔ ɛnle tenlene la bakpo aze, noko tenlenenli ne balua ye diedi zo anyia ngoane.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:1

Yezaa ara nrenya Kɔla mɔɔ vi Livaenli Kohate abusua ekpulike ne anu la dwazole Mosisi anwo zo. Menli nsa mɔɔ vi Wulubɛn abusua ekpunli ne anu, Yilayabe amra mrenya nwiɔ, Deetan nee Abaelam, yɛɛ Pilɛte ara nrenya Ɔɔn rabokale ye. Yizilayɛ mgbanyinli mɔɔ awie biala ze bɛ na menli ne a yɛle bɛ mgbanyinli la ɛya nwiɔ abulanlu noko rabokale bɛ nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:18

Yemɔti awie biala vale ye ɛyɛlɛkpunlɛ kyɛnze ne, ɔvale senle ɔguale nu, ɔvale ɛyɛlɛ ɔguale nu na ɔragyinlanle Mosisi nee Aalɔn anwo ɛkɛ wɔ Ɛdɛnkɛma Ndanlɛ Sua ne anlenkɛ ne anloa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:35

Akee Ɛdɛnkɛma manle senle vi anwuma rayelale menli ɛya nwiɔ abulanlu ne mɔɔ ɛva ɛyɛlɛ ne ɛra babɔ ɛyɛlɛ azu ne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:5

Na sonla ne mɔɔ menlea nu meye ye la baka ɛdeɛ ne bafifi. Ɔlua adenle ɛhye azo, mebadua Yizilayɛma mɔɔ tendɛ tia wɔ dahuu la.”

Mɛla 8:14

anrɛɛ bɛnlea boɛ na bɛammemaa bɛ nwo zo, bɛammaa bɛ rɛle anvi Ɛdɛnkɛma bɛ Nyamenle ne mɔɔ yele bɛ wɔ akɛlɛzonlenlɛ nu vile Yigyibiti azɛlɛ zo rale la.

Mɛla 8:17

Bɛnlea boɛ na bɛanga ye bɛ ahonle nu kɛ, ‘Yɛdayɛ yɛ anwosesebɛ nee yɛ mɔdenlebɔ zo yɛɛ yɛlua mɔɔ yɛnyia yɛ nwo a.’

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.