2 Edk 26:13 - BAEBOLO ANZƐƐ BULUKU NWUANZANWUANZA

¹³ Ɛlɔnema mɔɔ wɔ bɛ bo, mɔɔ gyinla belemgbunli ne anzi ko tia ye kpɔvolɛma la le apenle ngoko ɛya nsa nee nsuu menli ɛya nnu, mɔɔ kola gyinla konle nloa kpalɛ kpalɛ a.

2 Edk 26:13 ပူးပေါင်းရင်းမြစ်များ

2 Edk 11:1

Mɔɔ Rilihɔbowam dwule Gyɛlusalɛm la, ɔboɔboale Dwuda nee Bɛngyaman mbusua ekpunli ekpunli ne anu amra ɛlɔnema apenle ngoko abulatwɛ anloa kɛ bɛ nee Yizilayɛma kaho, na bɛamaa Rilihɔbowam ali maanle ne amuala azo belemgbunli.

2 Edk 12:1

Mɔɔ Rilihɔbowam belemgbunlililɛ ne gyinlanle zo na ɔnyianle gyinlagyakɛ la, ɔkpole Ɛdɛnkɛma Mɛla ne mɔ na ɔmanle Yizilayɛma kɔsɔɔti kpole Ɛdɛnkɛma.

2 Edk 13:3

Abaegya vale ɛlɔnema mɔɔ ze ko la apenle ngoko ɛya nna, na Gyɛlɔbowam vale ɛlɔnema apenle ngoko ɛya mɔtwɛ mɔɔ ze ko la rayiale ye.

2 Edk 14:7

Na ɔzele Dwudama kɛ, “Bɛmaa yɛkyekye azuamgbole ɛhye mɔ na yɛlie nwolɛ bane yɛyia, yɛmaa bɛ nlenkɛ mgbole mɔɔ mbulalɛ gugua bɛ nzi, na yɛsisi tawa mɔɔ bɛgyinla zolɛ bɛsinza la. Azɛlɛ ye tɛde yɛ ɛdeɛ, ɔboalekɛ yɛyɛ mɔɔ Ɛdɛnkɛma yɛ Nyamenle ne kpondɛ la. Yɛyɛ mɔɔ ɔkpondɛ la, yɛɛ ɔdaye noko yemaa yɛ anzonudwolɛ.” Yemɔti bɛkyekyele azuamgbole ne mɔ na bɛkpazile.

2 Edk 14:8

Ɛnee Esa lɛ ɛlɔnema apenle ngoko ɛya nsa mɔɔ vi Dwuda a. Bɛlɛ bɛ sa nu enyinlike nee atwɛ, yɛɛ Bɛngyaman maanzinli nu amra apenle ngoko ɛya nwiɔ abulatwɛ mɔɔ bɛdabɛ noko bɛdedɛ atwɛ nee bɛ sa nu enyinlike nee ɛda a. Bɛ muala bɛ ze konle nye zo kpalɛ.

2 Edk 25:5

Akee Amazaya boɔboale Dwuda ɛlɔnema anloa na ɔhyɛle bɛ ekpunli ɛya ngoko nee apenle ngoko, kɛmɔ bɛ ze mɔ mbusua ne mɔ de wɔ Dwuda nee Bɛngyaman maanzinli ne mɔ anu la, na ɔvale safohyenlema ɔlile bɛ ti. Ɔboɔboale menli mɔɔ ɛli ɛvolɛ abulanwiɔ mɔɔ kɔ la anloa. Bɛlua menli apenle ngoko ɛya nsa mɔɔ kola fa atwɛ nee bɛ sa nu enyinlike ko kpalɛ kpalɛ a.

2 Edk 26:12

Safohyenlema mɔɔ gyigyi bɛ ze mɔ awuke ti mɔɔ ɛnee nea ɛlɔnema ne mɔ anwo zo la le apenle nwiɔ ɛya nsia.

2 Edk 26:14

Ɛzaya manle ɛlɔnema ne bɛ sa nu enyinlike, atwɛ, konle ahyɛlɛ, mbulalɛ adɛladeɛ, ɛda, yɛɛ totoabɔ awolɛ.