2 Edk 25:8 - BAEBOLO ANZƐƐ BULUKU NWUANZANWUANZA

⁸ Saa wɔ adwenle yɛ wɔ kɛ ɛhye mɔ yɛɛ bamaa ɛ nwo ayɛ se wɔ konle nu a, ɛnee nwu ye kɛ, Nyamenle bamaa wɔ kpɔvolɛma ali ɛ nwo zo konim, ɔluakɛ Nyamenle lɛ tumi, ɔkola ɔmaa ɛdi konim, yɛɛ ɔkola ɔmaa wɔ kpɔvolɛma di ɛ nwo zo konim.”

2 Edk 25:8 ပူးပေါင်းရင်းမြစ်များ

2 Edk 1:12

meva nrɛlɛbɛ nee ndelebɛbo ne memaa wɔ. Mebamaa wɔ anwonyia nee agyadeɛ, na eza wɔanyia duma kpole mɔɔ arelemgbunli mɔɔ li ɛ nyunlu nee mɔɔ bavinde ɛ nzi la ɛnrɛnyia bie ɛlɛ a.”

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 18:14

Maekaya radwule belemgbunli ne anyunlu ɛkɛ ne la, Belemgbunli Ehabe bizale ye kɛ, “Maekaya, yɛhɔ Releemɔto mɔɔ wɔ Geleade la yɛhɔdoa menli ne yɛ nee bɛ ɛhɔho, anzɛɛ mengyakyi?” Maekaya buale kɛ, “Bɛhɔ na bɛhɔli konim; bɛbaye bɛ bɛamaa bɛ.”

2 Edk 20:6

na ɔzɛlɛle kɛ, “O Ɛdɛnkɛma, yɛ ze mɔ Nyamenle, wɔmɔ a ɛle Nyamenle mɔɔ ɛwɔ anwuma na ɛsie arelemgbunli maanle maanle kɔsɔɔti mɔɔ wɔ ewiade la a. Wɔmɔ yɛɛ ɛlɛ tumi nee anwosesebɛ mɔɔ awie ɛngola ɛ nyunlu gyinla a.

2 Edk 26:7

Nyamenle boale ye manle ɔlile Filisitiama nee Arelabema mɔɔ de Gɛbeeyale la, yɛɛ Mɛyunɛmma anwo zo konim.

Dwobu Buluku ne 5:18

Ɔluakɛ ɔbo wɔ a, ɔsia ɔdwu wɔ, yɛɛ ɔtea wɔ a, ɔfa wɔ ɔbɔ ye ɛbolɛ.

Dwobu Buluku ne 9:13

Nyamenle ɛnrɛhwe ye ɛyavalɛ ne ɛnrɛzia; Releehabe boavolɛma bɔ bɛ ti aze ɔ nyunlu.

Edwɛndolɛ Buluku ne 20:7

Bie mɔ fa konle ehwili tu bɛ nloa anu, yɛɛ bie mɔ fa mgbɔnwɔ; na yɛmɛ, yɛfa Ɛdɛnkɛma yɛ Nyamenle ne duma a yɛtu yɛ nloa anu a.

Edwɛndolɛ Buluku ne 24:1

Azɛlɛ ye nee zolɛ debie biala le Ɛdɛnkɛma ɛdeɛ. Ewiade nee menli mɔɔ wɔ nu la amuala le ye ɛdeɛ.

Edwɛndolɛ Buluku ne 33:10

Ɛdɛnkɛma maa maanle maanle adwenle ngyehyɛlɛ yɛ mgbane; ɔsɛkye menli ngyehyɛlɛ mɔɔ bɛkɛhyehyɛ la.

Edwɛndolɛ Buluku ne 33:16

Belemgbunli biala ɛlɔne kpole ɛngola ɛnlie ye, ɛlɔnenli biala anwosesebɛ kpole ɛngola ɛnlie ye.

Edwɛndolɛ Buluku ne 62:11

Nyamenle ɛdendɛ ko; mede ɛhye fane nwiɔ; kɛ tumi le Nyamenle ɛdeɛ.

Edwɛndolɛ Buluku ne 89:43

Ɛhɛe, wɔmaa ye konle dadeɛ ɛtili, wɔammaa yeangola konle ne anloa gyinla.

Mrɛlɛbulɛ Buluku ne 10:22

Ɛdɛnkɛma nyilalɛ maa sonla nyia ɔ nwo, yɛɛ ɔnva nyanelilɛ biala ɔmboka nwolɛ.

Nolo 11:9

Mgbavolɛ nee mbɛlɛra, bɛlie bɛ nye wɔ bɛ ngakula nu. Bɛli fɛlɛko wɔ mekɛ mɔɔ bɛtɛde mgbavolɛ nee mbɛlɛra la. Bɛli bɛ atiakunluwɔzo nzi, na bɛyɛ mɔɔ bɛkulo la. Noko bɛhakye kɛ Nyamenle babua bɛ debie biala mɔɔ bɛkɛyɛ la anwo ndɛne.

Nolo 9:11

Eza menwunle kɛ aleɛabo, tɛ menli mɔɔ anwo yɛ ndɛ la a dahuu di konim wɔ ɛnriandilɛ nu a, yɛɛ tɛ anwosesebɛma angome a dahuu di konim wɔ konle nu a. Tɛ nrɛlɛbɛvolɛma angome a dahuu asa kɔ bɛ nloa a, tɛ sonla mɔɔ lɛ adwenle la angome a nyia ɔ nwo a, yɛɛ tɛ bɛdabɛ mɔɔ bɛze debie yɛ kpalɛ la angome a nyia gyinlabelɛ kpole a. Tɛ mekɛ ne amuala a bɛdi ye moavolɛ a.

Hagae Buluku ne 2:8

Dwɛtɛ fufule le me ɛdeɛ, yɛɛ ezukoa nvutuke le me ɛdeɛ, medame Tumivolɛ Ɛdɛnkɛma a mese a.

Edwɛkpa ne kɛmɔ Mateyu hɛlɛle la 26:45

Akee ɔziale ɔrale ɛdoavolɛma ne mɔ anwo ɛkɛ ne na ɔzele bɛ kɛ, “Na bɛtɛda? Bɛnlea! Mekɛ ne ɛdwu, bɛye Sonla Ra ne bɛwula ɛtanevolɛma asa anu.

Mɛla 8:18

Bɛhakye Ɛdɛnkɛma bɛ Nyamenle ne, ɔluakɛ yemɔ yɛɛ ɔmaa bɛ anwosesebɛ ɔmaa bɛfa bɛnyia bɛ nwo a, amaa yeava yeamoa ye ngyekyeleɛ ne mɔɔ ɔvale ɔbɔle bɛ ze mɔ ɛwɔkɛ na ɔtɛda ɛkɛ ne la azo.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:19

Me Nyamenle ne balua Kelaese Gyisɛse anyunlunyia nu anwonyia kpole ne azo ayɛ bɛ ɛhyianlɛdeɛ amaa bɛ.

Maanlebuvolɛma Buluku ne 7:7

Na Ɛdɛnkɛma zele Gedɛyɔn kɛ, “Menli ɛya nsa ne mɔɔ vale bɛ sa venle nzule ne nlonle la, bɛmɛ yɛɛ mefa bɛ mealie Yizilayɛma a; memaa bɛali Medeanema anwo zo konim. Yemɔti menli mɔɔ ɛha la, maa biala ɛzia ɛhɔ sua nu.”

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”