2 Edk 25:5 - BAEBOLO ANZƐƐ BULUKU NWUANZANWUANZA

⁵ Akee Amazaya boɔboale Dwuda ɛlɔnema anloa na ɔhyɛle bɛ ekpunli ɛya ngoko nee apenle ngoko, kɛmɔ bɛ ze mɔ mbusua ne mɔ de wɔ Dwuda nee Bɛngyaman maanzinli ne mɔ anu la, na ɔvale safohyenlema ɔlile bɛ ti. Ɔboɔboale menli mɔɔ ɛli ɛvolɛ abulanwiɔ mɔɔ kɔ la anloa. Bɛlua menli apenle ngoko ɛya nsa mɔɔ kola fa atwɛ nee bɛ sa nu enyinlike ko kpalɛ kpalɛ a.

2 Edk 25:5 ပူးပေါင်းရင်းမြစ်များ

1 Edk 13:1

Belemgbunli Devidi nee ye safohyenlema mɔɔ nea ɛlɔnema apenle yɛɛ ɛlɔnema ɛya anwo zo la vale adwenle.

1 Edk 27:1

Yizilayɛ mbusua safohyenlema mɔɔ nea ɛlɔnema apenle nee ɛlɔnema ɛya nwo zo, nee mbɔlɔba mgbanyinli mɔɔ nleanle maanle ne bule la ɛne. Ɛvolɛ biala anu, siane ko biala ekpunli ko mɔɔ bɛ nloa le menli apenle ngoko abulanwiɔ nee nna la yɛɛ nee bɛ safohyenle kpanyinli ne bayɛ gyima a.

2 Edk 11:1

Mɔɔ Rilihɔbowam dwule Gyɛlusalɛm la, ɔboɔboale Dwuda nee Bɛngyaman mbusua ekpunli ekpunli ne anu amra ɛlɔnema apenle ngoko abulatwɛ anloa kɛ bɛ nee Yizilayɛma kaho, na bɛamaa Rilihɔbowam ali maanle ne amuala azo belemgbunli.

2 Edk 14:7

Na ɔzele Dwudama kɛ, “Bɛmaa yɛkyekye azuamgbole ɛhye mɔ na yɛlie nwolɛ bane yɛyia, yɛmaa bɛ nlenkɛ mgbole mɔɔ mbulalɛ gugua bɛ nzi, na yɛsisi tawa mɔɔ bɛgyinla zolɛ bɛsinza la. Azɛlɛ ye tɛde yɛ ɛdeɛ, ɔboalekɛ yɛyɛ mɔɔ Ɛdɛnkɛma yɛ Nyamenle ne kpondɛ la. Yɛyɛ mɔɔ ɔkpondɛ la, yɛɛ ɔdaye noko yemaa yɛ anzonudwolɛ.” Yemɔti bɛkyekyele azuamgbole ne mɔ na bɛkpazile.

2 Edk 14:8

Ɛnee Esa lɛ ɛlɔnema apenle ngoko ɛya nsa mɔɔ vi Dwuda a. Bɛlɛ bɛ sa nu enyinlike nee atwɛ, yɛɛ Bɛngyaman maanzinli nu amra apenle ngoko ɛya nwiɔ abulatwɛ mɔɔ bɛdabɛ noko bɛdedɛ atwɛ nee bɛ sa nu enyinlike nee ɛda a. Bɛ muala bɛ ze konle nye zo kpalɛ.

2 Edk 25:6

Eza ɔbɔle Yizilayɛ ɛlɔnema mɔɔ ze ko kpalɛ la menli apenle ngoko ɛya ko ɛkpa dwɛtɛ fufule tone nu kilo apenle nsa ɛya nna.

2 Edk 26:13

Ɛlɔnema mɔɔ wɔ bɛ bo, mɔɔ gyinla belemgbunli ne anzi ko tia ye kpɔvolɛma la le apenle ngoko ɛya nsa nee nsuu menli ɛya nnu, mɔɔ kola gyinla konle nloa kpalɛ kpalɛ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:25

Ɔyele Yizilayɛma bie mɔ mɔɔ bɔ mɔdenle kpalɛ la na ɔyɛle bɛ mgbanyinli wɔ menli ne anwo zo, bie sie menli apenle, bie menli ɛya, bie menli abulanlu, yɛɛ bie menli bulu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:3

Ɛ nee Aalɔn bɛdia menli mɔɔ ɛli ɛvolɛ abulanwiɔ mɔɔ kɔ, mɔɔ wɔ Yizilayɛ, mɔɔ kola konle kɔ la ekpunli ekpunli.

1 Sam 8:12

Ɔbayɛ bie mɔ ɛlɔnema apenle nwo zo safohyenlema, yɛɛ bie mɔ noko bayɛ ɛlɔnema abulanlu nwo zo safohyenlema. Bɛ mra mrenya ne mɔ bayɛ ye ɛyazonlɛma, bie mɔ babu ye ɛya ne mɔ anu bɛyɔba ne, na bie mɔ ayɛ ye konle ehwili ne mɔ anwo ninyɛne nee adu.