2 Edk 25:4 - BAEBOLO ANZƐƐ BULUKU NWUANZANWUANZA

⁴ Noko yeanva ɔ sa yeanga bɛ mra ne mɔ, kɛmɔ bɛhɛlɛ ye wɔ Mosisi Mɛla Buluku ne anu la. Ɛdɛnkɛma zele kɛ, “Ɔnle kɛ selɛ biala wu wɔ ɔ ra ɛtane ti, anzɛɛ ralɛ wu wɔ ɔ ze ɛtane ti. Awie biala ɔwɔ kɛ wu wɔ ɔdaye ye ɛtane mɔɔ yeyɛ la ati.”

2 Edk 25:4 ပူးပေါင်းရင်းမြစ်များ

2 Edk 25:5

Akee Amazaya boɔboale Dwuda ɛlɔnema anloa na ɔhyɛle bɛ ekpunli ɛya ngoko nee apenle ngoko, kɛmɔ bɛ ze mɔ mbusua ne mɔ de wɔ Dwuda nee Bɛngyaman maanzinli ne mɔ anu la, na ɔvale safohyenlema ɔlile bɛ ti. Ɔboɔboale menli mɔɔ ɛli ɛvolɛ abulanwiɔ mɔɔ kɔ la anloa. Bɛlua menli apenle ngoko ɛya nsa mɔɔ kola fa atwɛ nee bɛ sa nu enyinlike ko kpalɛ kpalɛ a.

Yizikeɛle Buluku ne 18:20

Sonla biala mɔɔ kɛyɛ ɛtane la, bawu. Ralɛ nrenya ɛnrɛnwu amaneɛ wɔ ɔ ze ɛtane ne mɔ ati, yɛɛ selɛ ɛnrɛnwu amaneɛ wɔ ralɛ nrenya ɛtane ne mɔ ati. Sonlakpalɛ biala banyia ye kpalɛyɛlɛ nwo ahatualɛ, yɛɛ amumuyɛnli biala banyia ye amumuyɛ nwo ahatualɛ.

Yizikeɛle Buluku ne 18:4

Bɛnwu ye kɛ awie biala ngoane le me ɛdeɛ. Bɛ nlenya mɔ ngoane ne le me ɛdeɛ, yɛɛ ngakula ne mɔ ngoane le me ɛdeɛ. Awie biala mɔɔ kɛyɛ ɛtane la, bawu.

Mɛla 24:16

“Awie biala mɔɔ kɛyɛ ɛtane la, yemɔ yɛɛ ɔwɔ kɛ bɛku ye a. Ɔnle kɛ bɛku awovolɛma wɔ mralɛ ɛtane ti anzɛɛ bɛku mralɛ wɔ awovolɛma ɛtane ti.