2 Edk 25:16 - BAEBOLO ANZƐƐ BULUKU NWUANZANWUANZA

¹⁶ Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

2 Edk 25:16 ပူးပေါင်းရင်းမြစ်များ

2 Edk 10:15

Yemɔti belemgbunli andie menli ne mɔ edwɛkɛ biala, ɔluakɛ Nyamenle a hyehyɛle manle ɔrale ye zɔhane a, amaa Ɛdɛnkɛma edwɛkɛ ne mɔɔ ɔluale Nyamenle kpɔmanvolɛ Ahaegya mɔɔ vi Hyaelo la anwo zo ɔhanle ɔhilele Nibate ara Gyɛlɔbowam la ayɛ nɔhalɛ.

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 18:25

Yizilayɛ Belemgbunli Ehabe zele kɛ, “Bɛhye Maekaya na bɛva ye bɛhɔmaa Emɔn, mɔɔ le suakpole ye amɛnlado ne, nee belemgbunli ara Dwowahye;

2 Edk 24:20

Na Nyamenle Sunsum ne dwule sɛlɛvolɛ Gyɛhɔyada ara Zɛkalaya anwo zo; ɔhɔgyinlanle ɛleka mɔɔ awie biala nwu ye la, na ɔzele bɛ kɛ, “Nyamenle se, ‘Duzu ati a bɛtietia Ɛdɛnkɛma Mɛla ne mɔ azo na bɛhwe munzule bɛmaa bɛ nwo ɛ? Kɛmɔ bɛkpo Ɛdɛnkɛma la, ɔdaye noko yekpo bɛ.’ ”

2 Edk 24:21

Bɛhɔle Zɛkalaya ati akpamo. Na Belemgbunli Dwowahye manle bɛzile ye awolɛ wɔ Ɛdɛnkɛma Ɛzonlenlɛ Sua ne alie kpole ne anwo bɛhunle ye.

2 Edk 25:15

Yemɔti Ɛdɛnkɛma vale Amazaya anwo ɛya na ɔzoanle Nyamenle kpɔmanvolɛ hɔzele ye kɛ, “Duzu ati a wɔhakyi ɛlɛsonle menli ne mɔ nyamenle ne mɔ mɔɔ angola anlie bɛ anvi ɛ sa nu la ɛ?”

2 Edk 25:17

Akee Dwuda Belemgbunli Amazaya nee ye mgbanyima hanle bɛ ti kpulale nwolɛ na bɛzoanle bɛmanle bɛhɔzele Yizilayɛ Belemgbunli Gyɛhowahye kɛ ɔrɛla ɔmaa bɛva bɛ kɛnra bɛbɔ zolɛ. Gyɛhowahye ɔ ze a le Gyɛhowahaze yɛɛ ɔ nlenya a le Gyihu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:28

Akee belemgbunli ne zele ye kɛ, “Ɛvi me nyunlu ɛkɛ ne kɔ! Dwenle ɛ nwo, mmamaa menwu ɛ nyunlu bieko! Kenle biala mɔɔ menwɔnwu ɛ nyunlu la, ɛbawu!”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Mrɛlɛbulɛ Buluku ne 1:29

Kɛmɔ bɛhyile adwenlenubukelɛ, na bɛanzulo Ɛdɛnkɛma,

Mrɛlɛbulɛ Buluku ne 1:30

kɛmɔ bɛyɛle kɛ bɛnrɛbu me folɛdulɛ ne bie, na bɛkpole kɛ menwɔhwi bɛ nyunlu la,

Ayezaya Buluku ne 46:10

Medame a mɔlebɛbo ne menganle awieleɛ edwɛkɛ ne na mɔmoane menganle mɔɔ basisi la anwo bie menzele kɛ, ‘Mɔɔ meha la bagyinla ɛkɛ, yɛɛ mebayɛ mɔɔ mehyehyɛ la.’

Gyɛlɛmaya Buluku ne 2:19

Wɔ amumuyɛ ne badua wɔ kakɛ, ɛkpolɛ mɔɔ wɔkpo me la babua wɔ ewule fɔlɛ. Nwu ye kɛ ɔle nyane nee munzule ɔmaa wɔ kɛ ɛkɛkpo Ɛdɛnkɛma wɔ Nyamenle ne; ɛnzulo me fee, Tumivolɛ Awulae Nyamenle a se a.

Gyɛlɛmaya Buluku ne 27:15

Medame Ɛdɛnkɛma, metɛsoanle bɛ, noko bɛlɛfa me duma bɛaha Nyamenle nrɛlaleɛ, yemɔti mebavoa bɛ nee Nyamenle kpɔmanvolɛma mɔɔ ɛlɛbɔ adalɛ ahile bɛ la amuala na meabɔ bɛ bo zo.”

Gyɛlɛmaya Buluku ne 29:26

‘Ɛdɛnkɛma ɛyɛ wɔ sɛlɛvolɛ kɛ ɛli Sɛlɛvolɛ Gyɛhɔyada agyakɛ anu, na ɛnlea ɛbɔ sɛnvolɛ biala mɔɔ kɛha Nyamenle nrɛlaleɛ wɔ Ɛdɛnkɛma Ɛzonlenlɛ Sua ne anu la kpanwu, na ɛva bulalɛ kɛba ɛgyela ɔ kɔme.

Gyɛlɛmaya Buluku ne 43:4

Yemɔti Dwoheenan, ɛlɔnema mgbanyima ne mɔ amuala, yɛɛ menli ne kɔsɔɔti andie Ɛdɛnkɛma ane kɛ bɛkɛdɛnla Dwuda maanle nu.

Yizikeɛle Buluku ne 33:4

na saa awie te aweɛne ne ane na yeanla ɔ nwo zo, na ɛlɔne ne fa ye aze a, ye mogya gua ɔdaye ɔ ngome ɔ ti zo.

Edwɛkpa ne kɛmɔ Mateyu hɛlɛle la 21:23

Gyisɛse ziale rale Ɛzonlenlɛ Sua ne anu, na mɔɔ ɔlɛkilehile la, sɛlɛvolɛ mgbanyinli ne nee mgbanyima ne mɔ rale ɔ nwo ɛkɛ ne rabizale ye kɛ, “Duzu tumi a ɛlɛfa wɔayɛ ninyɛne ɛhye mɔ a? Nwane a manle wɔ tumi ɛhye a?”

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.

Wulo 9:22

Zɔhane ala yɛɛ Nyamenle ɛyɛ a. Ɔkpondɛ kɛ ye ɛya ne nee ye tumi ne da ali wienyi. Yemɔti ɔsi abotane kpole kpalɛ ɔnea bɛdabɛ mɔɔ ye ɛya ne wɔ bɛ nwo zo na ɔbazɛkye bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

2 Tem 4:3

Mekɛ bie bara mɔɔ menli ɛnrɛdie ngilehilelɛ kpalɛ a. Bɛbali bɛdabɛ bɛ atiakunluwɔzo nzi, na bɛaboɔboa kilehilevolɛma dɔɔnwo mɔɔ kɛha mɔɔ bɛkulo kɛ bɛte la anloa bɛamaa bɛ nwo.

Yekile 11:10

Menli mɔɔ wɔ azɛlɛ ye azo la bali fɛlɛko kɛ menli nwiɔ zɔhane ɛwu a. Bɛbali fɛlɛko, bɛ nye balie, na bɛava ahyɛlɛ ninyɛne bɛamaa bɛ nwo ngoko, ɔboalekɛ Nyamenle kpɔmanvolɛma nwiɔ zɔhane yɛle ngyegyelɛ kpalɛ manle aleɛabo amra amuala.

1 Sam 2:25

Saa sonla fo ɔ gɔnwo a, Nyamenle a di ɔ ti edwɛkɛ maa ye a, na saa sonla fo Ɛdɛnkɛma a ɛnee nwane a di ɔ ti mgbɔdalɛ a?” Noko Yilae amra ne mɔ andie bɛ ze aneɛ, ɔluakɛ ɛnee ɔle Ɛdɛnkɛma ɛhulolɛ kɛ ɔku bɛ.