2 Edk 24:21 - BAEBOLO ANZƐƐ BULUKU NWUANZANWUANZA

²¹ Bɛhɔle Zɛkalaya ati akpamo. Na Belemgbunli Dwowahye manle bɛzile ye awolɛ wɔ Ɛdɛnkɛma Ɛzonlenlɛ Sua ne alie kpole ne anwo bɛhunle ye.

2 Edk 24:21 ပူးပေါင်းရင်းမြစ်များ

1 Arl 21:13

Agbamgbanvolɛ nwiɔ ne ragyinlanle Neebɔto anyunlu na bɛhanle bɛzile ɔ nyunlu wɔ menli ne anyunlu kɛ, “Neebɔto, wɔdindi Ɛdɛnkɛma anyunlu; eza wɔwa Yizilayɛ belemgbunli ne amonle.” Na ɛkɛ ne ala bɛvale Neebɔto bɛhɔle suakpole ne kandiba na bɛzile ye awolɛ bɛhunle ye.

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Edwɛndolɛ Buluku ne 94:21

Bɛbɔ kpɔkɛ bɛtia tenlenema ngoane, na bɛbua mɔɔ ɛnze nwolɛ bie la ewule fɔlɛ.

Gyɛlɛmaya Buluku ne 11:19

Ɛnee mele kɛ boane ralɛ mɔɔ ɛnze nwolɛ bie na bɛ nee ye ɛlɛkɔ ahunleɛ la. Menze kɛ mame a bɛlɛdwenle me nwo adwenle ɛtane la. Ɛnee bɛlɛka kɛ, “Bɛmaa yɛzɛkye baka ne nee ye ma ne mɔ amuala. Bɛmaa yɛpɛ ye yɛvi azɛlɛ ne azo, amaa awie angakye ye bieko.”

Gyɛlɛmaya Buluku ne 18:18

Akee menli ne hanle kɛ, “Bɛmaa yɛva Gyɛlɛmaya anwo adwenle, ɔluakɛ ɔwɔ kɛ sɛlɛvolɛ a kilehile mɛla ne anu a, na nrɛlɛbɛvolɛ tu folɛ, yɛɛ Nyamenle kpɔmanvolɛ ka Nyamenle nrɛlaleɛ ne. Bɛmaa yɛdo ye ɛzonle na yɛduodua yɛ nzo wɔ ye edwɛkɛhanlɛ nwo.”

Gyɛlɛmaya Buluku ne 20:2

Na Pahyɛ manle bɛbole Nyamenle Kpɔmanvolɛ Gyɛlɛmaya na bɛbɔle ye kpanwu wɔ Ɛdɛnkɛma Ɛzonlenlɛ Sua ne Sɔlɔ Bɛngyaman Anlenkɛ Kpole ne anwo.

Gyɛlɛmaya Buluku ne 26:2

Ɛdɛnkɛma dendɛle hilele me. Ɔse; “Kɔgyinla Ɛdɛnkɛma Ɛzonlenlɛ Sua ne alie ne anwo, na ka nrɛlaleɛ ɛhye mɔɔ meva memaa wɔ la amuala kile menli mɔɔ vi Dwuda azuamgbole ne mɔ azo basonle Ɛdɛnkɛma la amuala; mmagyakyi kpɔkɛ ko bɔbɔ.

Gyɛlɛmaya Buluku ne 26:21

Belemgbunli Gyɛhɔyakem nee ye ɛlɔnema ne mɔ amuala, nee ye mgbanyima ne mɔ dele Yulaya edwɛkɛ ne la, belemgbunli ne nyianle adwenle kɛ ɔmaa bɛahu ye. Yulaya dele nwolɛ bie, ɔzulole, na ɔnriandile ɔhɔle Yigyibiti.

Emɔzo Buluku ne 5:10

Bɛkyi awie biala mɔɔ twi sonla mɔɔ ɛnli pɛlepɛle la anyunlu, yɛɛ bɛngulo awie biala mɔɔ ka nɔhalɛ la edwɛkɛ.

Edwɛkpa ne kɛmɔ Mateyu hɛlɛle la 21:35

Na abunsama ne hyele sonvolɛma ne, bɛbole ko, bɛhunle ko na bɛzile ko awolɛ.

Edwɛkpa ne kɛmɔ Luku hɛlɛle la 11:51

ɔvi mekɛ mɔɔ bɛhunle Ebulu, bakpula Zɛkalaya, mɔɔ bɛhunle ye wɔ azukponle ne nee Ɛleka Nwuanzanwuanza ne avinli la anwo zo. Ɛhɛe, mese, bɛbadea adwuleso amra wɔ ɛhye mɔ amuala anwo.

Kɛlata mɔɔ bɛhɛlɛle bɛhɔmanle Hibuluma la 11:37

Bɛzile bie mɔ awolɛ, bɛvale sɛlada bɛkpakyekpakyele bie mɔ anu nwiɔ nwiɔ, [bɛzɔle dɔɔnwo bɛnleanle,] bɛvale dadeɛ bɛpepɛle bie mɔ akɔme. Bɛhedale mboane nee mbɔnkye nwoma, bɛlile ehyia, bɛlile nyane, yɛɛ bɛyɛle bɛ amumuyɛ.