2 Edk 24:20 - BAEBOLO ANZƐƐ BULUKU NWUANZANWUANZA

²⁰ Na Nyamenle Sunsum ne dwule sɛlɛvolɛ Gyɛhɔyada ara Zɛkalaya anwo zo; ɔhɔgyinlanle ɛleka mɔɔ awie biala nwu ye la, na ɔzele bɛ kɛ, “Nyamenle se, ‘Duzu ati a bɛtietia Ɛdɛnkɛma Mɛla ne mɔ azo na bɛhwe munzule bɛmaa bɛ nwo ɛ? Kɛmɔ bɛkpo Ɛdɛnkɛma la, ɔdaye noko yekpo bɛ.’ ”

2 Edk 24:20 ပူးပေါင်းရင်းမြစ်များ

1 Edk 12:18

Ɛkɛ ne ala Nyamenle Sunsum ne dwule Ameesae mɔɔ le “Abulasa Ne” kpanyinli la anwo zo na ɔzele kɛ, “O Devidi, yɛle wɔ ɛdeɛ, O Gyɛsi ara, yɛ nee wɔ le ko! Anzonudwolɛ ɛha wɔ, anzonudwolɛ ɛha wɔ boavolɛma! Wɔ Nyamenle ne li ɛ nzi.” Akee Devidi liele bɛ na ɔyɛle bɛ ye ɛlɔne nu safohyenlema.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 12:5

Nyamenle kpɔmanvolɛ Hyɛmaya rale Belemgbunli Rilihɔbowam nee Dwuda mgbanyima ne mɔ kɔsɔɔti mɔɔ ɛnee Hyaehyake ati bɛyia Gyɛlusalɛm la anwo ɛkɛ na ɔzele bɛ kɛ, “Ɛdɛnkɛma se, ‘Bɛkpo me, yemɔti medame noko mekpo bɛ memaa Hyaehyake.’ ”

2 Edk 20:14

Na Ɛdɛnkɛma Sunsum ne dwule Gyaheezeɛle anwo zo wɔ menli ne avinli. Gyaheezeɛle ɔ ze a le Zɛkalaya. Zɛkalaya ɔ ze a le Bɛnaya, Bɛnaya ɔ ze a le Gyiayɛle, Gyiayɛle ɔ ze a le Matanaya, ɔle Livaenli, ɔvi Esafe abusua nu.

2 Edk 23:11

Akee ɔvale Dwowahye ɔvindele, ɔvale belemgbunli kyɛlɛ ne ɔzoale ye, na ɔvale belemgbunlililɛ mɛla kɛlata ne ɔwulale ɔ sa nu, na bɛziele ye belemgbunli. Sɛlɛvolɛ Gyɛhɔyada nee ɔ mra ne mɔ kpokpale ye nwole, na awie biala deanle nu kɛ, “Belemgbunli ne ɛnyi ɛhyɛ!”

2 Edk 24:24

Ɛnee Selea ɛlɔnema ne anwo le ekyi bɔbɔ ɛdeɛ, noko bɛrale la, Ɛdɛnkɛma yele Dwuda ɛlɔnema ɛwolaa ne manle bɛlile bɛ nwo zo konim, ɔboalekɛ Dwudama ɛkpo Ɛdɛnkɛma, bɛ ze mɔ Nyamenle ne. Ɛnee adenle mɔɔ Ɛdɛnkɛma luale zo deanle Dwowahye la ɛne.

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

2 Edk 29:8

Ɛhye ati yɛɛ Ɛdɛnkɛma ɛva Dwudama nee Gyɛlusalɛmma anwo ɛya kpole a, kɛmɔ bɛdabɛ bɛ nye dua ye la. Mɔɔ yeva yehile yɛ la ɛmaa awie biala ahonle ɛdu, yeyɛ azibɛnwo na yɛyɛ awie biala kyibadeɛ.

Gyɛlɛmaya Buluku ne 2:19

Wɔ amumuyɛ ne badua wɔ kakɛ, ɛkpolɛ mɔɔ wɔkpo me la babua wɔ ewule fɔlɛ. Nwu ye kɛ ɔle nyane nee munzule ɔmaa wɔ kɛ ɛkɛkpo Ɛdɛnkɛma wɔ Nyamenle ne; ɛnzulo me fee, Tumivolɛ Awulae Nyamenle a se a.

Gyɛlɛmaya Buluku ne 26:2

Ɛdɛnkɛma dendɛle hilele me. Ɔse; “Kɔgyinla Ɛdɛnkɛma Ɛzonlenlɛ Sua ne alie ne anwo, na ka nrɛlaleɛ ɛhye mɔɔ meva memaa wɔ la amuala kile menli mɔɔ vi Dwuda azuamgbole ne mɔ azo basonle Ɛdɛnkɛma la amuala; mmagyakyi kpɔkɛ ko bɔbɔ.

Gyɛlɛmaya Buluku ne 4:18

Dwuda, wɔ ndenle mɔɔ ɛlua nu nee wɔ nyɛleɛ a ɛmaa ɛhye ɛra ɛ nwo zo a. Wɔ awieleɛ ne ala ɛne, wɔ awieleɛ ɛyɛ ɛnwonle, na yeha wɔ dedee yeha wɔ ahonle mɔɔ la ɛ kunlu la.

Gyɛlɛmaya Buluku ne 5:19

Saa wɔ menli ne biza kɛ duzu ati a Ɛdɛnkɛma yɛ Nyamenle ne ɛyɛ ninyɛne ɛhye mɔ a, ka kile bɛ kɛ, ‘Bɛkpole medame, Ɛdɛnkɛma bɛ Nyamenle ne na bɛzonlenle nyamenle gyɛne gyɛne wɔ bɛdabɛ bɛ maanle nu, yemɔti bɛbazonle nyɛvolɛ wɔ maanle mɔɔ ɛnle bɛ ɛdeɛ la anu.’ ”

Gyɛlɛmaya Buluku ne 5:25

Bɛ amumuyɛ nee bɛ ɛtane ne mɔ ɛmaa ninyɛne kpalɛ ɛkpa bɛ ti.

Emɔzo Buluku ne 5:10

Bɛkyi awie biala mɔɔ twi sonla mɔɔ ɛnli pɛlepɛle la anyunlu, yɛɛ bɛngulo awie biala mɔɔ ka nɔhalɛ la edwɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:41

Na Mosisi hanle kɛ, “Na ɛnee duzu ati yɛɛ akee bɛlɛbulu Ɛdɛnkɛma edwɛkɛ zo ɛ? Bɛnrɛli konim.

Edwɛkpa ne kɛmɔ Mateyu hɛlɛle la 23:35

Zɔhane ati, menli mɔɔ ɛnze nwolɛ bie mɔɔ bɛhu bɛ, ɛbɔ ye Ebulu anwo zo kɔkpula Bɛlakaya ara Zɛkalaya mɔɔ bɛhunle ye wɔ Ɛzonlenlɛ Sua ne nee azukponle ne avinli la anwo zo, bɛ kɔsɔɔti bɛ mogya ne anwo ndeanlɛ bagua bɛ ti zo.

Edwɛkpa ne kɛmɔ Luku hɛlɛle la 11:51

ɔvi mekɛ mɔɔ bɛhunle Ebulu, bakpula Zɛkalaya, mɔɔ bɛhunle ye wɔ azukponle ne nee Ɛleka Nwuanzanwuanza ne avinli la anwo zo. Ɛhɛe, mese, bɛbadea adwuleso amra wɔ ɛhye mɔ amuala anwo.

Mɛla 31:17

Mekɛ zɔhane anu, mebava bɛ nwo ɛya na meamaa bɛazɛkye bɛ. Munzule dɔɔnwo basisi bɛ nwo zo na bɛanwu amaneɛ. Na ɔdwu zo a akee bɛbaha kɛ, ‘Ɛhye mɔ kɔsɔɔti ɛzi yɛ nwo zo, ɔboalekɛ yɛ Nyamenle ne ɛnle yɛ avinli.’

Maanlebuvolɛma Buluku ne 6:34

Na Ɛdɛnkɛma Sunsum ne dwule Gedɛyɔn anwo zo. Ɔwule aweɛne nu na Ebayizɛma kɔsɔɔti dwazole doale ye.