2 Edk 24:19 - BAEBOLO ANZƐƐ BULUKU NWUANZANWUANZA

¹⁹ Nyamenle zoanle ye kpɔmanvolɛma manle bɛrabɔle bɛ kɔkɔ kɛ bɛzia bɛrazonle Ɛdɛnkɛma, noko bɛandie bɛ.

2 Edk 24:19 ပူးပေါင်းရင်းမြစ်များ

2 Edk 36:13

Belemgbunli Zɛdikaya dele Belemgbunli Nɛbukadenɛza mɔɔ manle ɔvale Nyamenle ɔhanle ndane la anwo atua. Ɔyɛle anzosesebɛ na ɔzuanle anyetele kɛ ɔnrɛzonle Ɛdɛnkɛma, Yizilayɛ Nyamenle ne.

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Nihɛmaya Buluku ne 9:30

Ɛbɔle bɛ kɔkɔ abotane nu ɛvolɛ biala, ɛluale wɔ Sunsum ne azo ɛmanle wɔ kpɔmanvolɛma dendɛle, na wɔ menli ne yɛle ateakpaso; yemɔti ɛmanle maanle maanle lile bɛ nwo zo konim.

Ayezaya Buluku ne 28:23

Bɛdie, bɛdie mɔɔ melɛka la; bɛyɛ ɛnzonlɛ bɛdie me edwɛkɛ.

Ayezaya Buluku ne 42:23

Nwane a wɔ bɛ avinli mɔɔ kɛdie ɛhye a, mɔɔ kɛgyinla kɛdie mekɛ ne mɔɔ bara la a?

Ayezaya Buluku ne 51:4

“Bɛdie me, me menli, me maanlema, bɛyɛ ɛnzonlɛ bɛdie me, ɔluakɛ mebali mɛla, na me pɛlepɛlelilɛ bayɛ kɛnlaneɛ amaa maanle maanle ne mɔ.

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Gyɛlɛmaya Buluku ne 25:3

“Ye ɛvolɛ abulanwiɔ nee nsa ɛne, ɔvi mekɛ mɔɔ bɛvale Emɔn ara nrenya Dwosaya bɛziele belemgbunli wɔ Dwuda la, ye ɛvolɛ bulu nee nsa ne azo, yɛɛ Ɛdɛnkɛma dendɛle hilele me a, na meha mehile bɛ toonwo a yeradwu ɛnɛ a, noko bɛandie.

Gyɛlɛmaya Buluku ne 25:7

Noko bɛmɛ, bɛandie me ne; bɛva bɛ sa anloa adwinli bɛha me ɛya bɛmaa ngyegyelɛ ɛdo bɛ.

Gyɛlɛmaya Buluku ne 25:8

“Yemɔti, medame Tumivolɛ Ɛdɛnkɛma, mese: Kɛmɔ bɛandie me ne la,

Gyɛlɛmaya Buluku ne 26:5

na bɛnrɛdie mɔɔ me sonvolɛma, Nyamenle kpɔmanvolɛma mɔɔ mezoa bɛ ndɛndɛ la ɛlɛka ahile bɛ la a,

Zɛkalaya Buluku ne 1:4

Bɛmmayɛ kɛ bɛ ze mɔ, mɔɔ alumua Nyamenle kpɔmanvolɛma ne mɔ bɔle Tumivolɛ Ɛdɛnkɛma nrɛlaleɛ ne nolo hilele bɛ kɛ, ‘Bɛzia bɛ nzi bɛvi bɛ ninyɛndane nwo’ a bɛandie yɛɛ bɛanyɛ la.

Edwɛkpa ne kɛmɔ Mateyu hɛlɛle la 13:9

Gyisɛse dwulale ye edwɛkɛ ne zɛhae, “Mɔɔ lɛ ɛnzonlɛ la ɛdie!”

Edwɛkpa ne kɛmɔ Luku hɛlɛle la 16:31

Na Ebileham zele kɛ, ‘Saa bɛnrɛdie menli mɔɔ ɛlɛkilehile bɛ Mosisi mɛla ne nee mɔɔ Nyamenle kpɔmanvolɛma ne hanle la a, ɛnee saa awie vi mɔwuamra anu dwazo kɔ bɔbɔ a, bɛnrɛdie ye.’ ”