2 Edk 23:3 - BAEBOLO ANZƐƐ BULUKU NWUANZANWUANZA

³ Na bɛ muala bɛ nee Dwowahye yiale nu wɔ Nyamenle Ɛzonlenlɛ Sua ne anu bɛbɔle kpɔkɛ, bɛkyekyele ɔ bo. Sɛlɛvolɛ Gyɛhɔyada zele bɛ kɛ, “Bɛnlea, belemgbunli ne ara nrenya ne ɛne! Bɛboa bɛmaa ɔli belemgbunli, kɛmɔ Ɛdɛnkɛma hanle wɔ Devidi abo zo amra anwo la.

2 Edk 23:3 ပူးပေါင်းရင်းမြစ်များ

2 Sam 5:3

Yemɔti Yizilayɛ mgbanyima ne mɔ kɔsɔɔti zile nu rale Devidi anwo ɛkɛ wɔ Hibulɔn. Belemgbunli Devidi nee bɛ yɛle ngyekyeleɛ wɔ Ɛdɛnkɛma anyunlu na bɛziele ye Yizilayɛ belemgbunli.

2 Sam 7:12

Saa mekɛ dwu na ɛsia ɛkɔ wɔ ɛkɛla nzi, na bɛwula wɔ mrɛlatɛlɛ nu wɔ wɔ mgbanyinli avinli a, mebakpogya ɛ bo zo amra ne mɔ ko zo na meakyekye ye belemgbunli maanle ne kpundii meamaa ye.

2 Sam 7:16

Ɛ bo zo badɛlɛ amaa wɔ belemgbunli maanle ne ayɛ maandimase dahuu. Wɔ belemgbunlililɛ ne ɛnrɛbɔ aze ɛlɛ.’ ”

1 Arl 2:4

Saa ɛyɛ ɛhye a yɛɛ Ɛdɛnkɛma ɛwɔkɛ ne mɔɔ ɔbɔle me la bayɛ nɔhalɛ a. Ɛdɛnkɛma zele me kɛ, ‘Saa ɛ mra ne mɔ nea boɛ na bɛfa bɛ ahonle nee bɛ ɛkɛla muala bɛtoa me bo zo nɔhalɛ nu a, yemɔ ɛ bo zo amra ɛnrɛvi Yizilayɛ belemgbunli ebia ne azo ɛlɛ.’

1 Arl 9:5

mebamaa wɔali belemgbunli dahuu, kɛmɔ menvale membɔle ɛ ze Devidi ɛwɔkɛ la. ‘Bɛ bo zo amra ɛnrɛkpa ebia ne azo ɛlɛ.’

2 Arl 11:17

Sɛlɛvolɛ Gyɛhɔyada manle Belemgbunli Dwowahye nee menli ne nee Ɛdɛnkɛma yɛle ngyehyɛlɛ na bɛkyekyele ɔ bo kɛ bɛkɛyɛ Ɛdɛnkɛma ɔdaye ye menli. Eza ɔmanle belemgbunli nee menli ne yɛle ngyekyeleɛ.

1 Edk 11:3

Yemɔti Yizilayɛ mgbanyima ne kɔsɔɔti hɔle belemgbunli ne ɛkɛ ne wɔ Hibulɔn, na Devidi nee bɛ yɛle ngyehyɛlɛ, bɛkyekyele ɔ bo wɔ Ɛdɛnkɛma anyunlu, na bɛziele Devidi belemgbunli kɛ ɔnlea Yizilayɛma kɔsɔɔti anwo zo, kɛmɔ Ɛdɛnkɛma luale Samoɛle anwo zo hanle la.

2 Edk 21:7

noko Ɛdɛnkɛma ambɔ Devidi sua nu amra abo zo, ɔboalekɛ ɛnee Ɛdɛnkɛma nee Devidi ɛyɛ ngyekyeleɛ, na yebɔ Devidi ɛwɔkɛ kɛ ɔbamaa kɛnlaneɛ ada ye nee ɔ bo zo amra sua nu dahuu.

2 Edk 23:16

Akee sɛlɛvolɛ Gyɛhɔyada nee belemgbunli ne yɛɛ menli ne amuala yɛle ngyehyɛlɛ na bɛhyele ɔ bo kɛ Ɛdɛnkɛma ala a bɛkɛzonle ye a.

2 Edk 6:16

Yemɔti, O Ɛdɛnkɛma, Yizilayɛ Nyamenle, mesɛlɛ wɔ, di wɔ ɛwɔkɛ mɔɔ ɛha la azo, ɛwɔkɛ ne mɔɔ ɛbɔle me ze Devidi kɛ saa ɔ bo zo amra di wɔ mɛla ne mɔ azo na bɛyɛ tieyɛ bɛmaa wɔ kɛmɔ ɔdaye Devidi ɔyɛle la a, dahuu bɛ bie bali belemgbunli azie Yizilayɛma la.

2 Edk 7:18

menwɔmaa wɔ belemgbunlililɛ ne kɛgyinla, kɛmɔ me nee ɛ ze Devidi kyekyele la kɛ, ‘Ɛ bo zo amra ala a bali Yizilayɛ ebia ne dahuu a.’

Edwɛndolɛ Buluku ne 89:29

Mebamaa ye abusua ɛlɔnwɔne ne adɛnla ɛkɛ dahuu, na ye belemgbunlililɛ adɛnla ɛkɛ ne dahuu kɛ anwumaneamra

Edwɛndolɛ Buluku ne 89:36

Ɔ bo zo amra bali belemgbunli dahuu, ye belemgbunlililɛ bagyinla zo kɛ sɛnzɛne wɔ me nyunlu.