2 Edk 23:13 - BAEBOLO ANZƐƐ BULUKU NWUANZANWUANZA

¹³ na ɔhɔnwunle kɛ belemgbunli ne gyi ye mpila ne anwo wɔ anuhɔlɛ ne, safohyenlema ne nee bɛdabɛ mɔɔ bɛbɔ aweɛne ndendenle la gyigyi ɔ nwo ɛkɛ, na menli ne kɔsɔɔti anye ɛlie, bɛlɛbɔ aweɛne, na Ɛzonlenlɛ Sua nu edwɛndolɛma li bɛ ti bɛlɛto edwɛne na bɛlɛbɔ agole bɛazi. Atalaya suosuanle ye adɛladeɛ mɔɔ ɔwula la anu ɛkɛ ne ala, na ɔdeanle nuhua kɛ, “Maamɔlɛ ɛbɛla a le ɛhye! Maamɔlɛ ɛbɛla a le ɛhye!”

2 Edk 23:13 ပူးပေါင်းရင်းမြစ်များ

2 Arl 11:14

na ɔkamaa ɔ nye zo la, ɔnwunle kɛ belemgbunli fofolɛ gyi sua ne mpila ne mɔ ko anwo, kɛmɔ amaamuo ne se la. Safohyenlema ne nee menli mɔɔ bɔ aweɛne ndendenle ne mɔ la gyigyi ɔ nwo ɛkɛ, na menli ne mɔ kɔsɔɔti anye ɛlie, na bɛlɛbɔ aweɛne zɛhae ala. Ɛkɛ ne ala Atalaya vale ɛya suosuanle ye tɛladeɛ mɔɔ ɔwula la anu na ɔdeanle nu kɛ, “Maamɔlɛ! Maamɔlɛ! Ɛhye le maamɔvo ɛbɛla.”

2 Arl 23:3

ɔgyinlanle mpila ne anwo na ɔvuale ɔhilele Ɛdɛnkɛma kɛ ɔbayɛ tieyɛ yeamaa ye, ɔbali ye mɛla ne mɔ azo, na yeayɛ debie biala mɔɔ ngyekyeleɛ ne kile kɛ bɛyɛ la, kɛmɔ bɛhɛlɛ ye wɔ buluku ne anu la. Na menli ne kɔsɔɔti bɛdabɛ bɛbɔle ɛwɔkɛ kɛ bɛkɛli ngyekyeleɛ ne azo.

2 Arl 9:13

Ɛkɛ ne ala Gyihu agɔnwo safohyenlema ne yeyele bɛ adɛladeɛ ne mɔ guale ɔ gyakɛ anu kɛ ɔtietia zolɛ. Akee bɛbɔle aweɛne ndendenle nu na bɛzele kɛ, “Bɛyɛ Gyihu belemgbunli!”

2 Arl 9:23

Dwɔlam deanle nu, “Ehazaya! Maamɔvo ɛbɛla a le ɛhye.” Na ɛkɛ ne ala ɔhakyile ye ehwili ne anye kɛ ɔnriandi yeahɔ.

1 Edk 12:40

ɔluakɛ menli mɔɔ wɔ Yesakaa, Zɛbulɛn yɛɛ Nafetalae la vale aleɛ ngakyile mɔɔ le kɛ ɛdɔkɛ, feege ma, keeki, nwanye, nwole, yɛɛ vanye ma welera dɔɔnwo kpalɛ wulale bɛ ahodoku ahodoku guale bɛ asoaso, afunlumu, mgbɔnwɔndua, yɛɛ nlankɛ nyinli nzi rɛlɛle bɛ. Eza bɛrɛlɛle bɛ nlankɛ nee mboane dɔɔnwo kɛ bɛhu bɛ bɛli, ɔluakɛ ɛnee anyelielɛ ɛra Yizilayɛ.

1 Edk 15:27

Devidi wulale “Lenen” tɛladeɛ kɛnlɛma bie. Zɔhane tɛladeɛ ne ala bie yɛɛ menli mɔɔ bɔ agole ne la, Kɛnanaya mɔɔ yemɔ a ɔli bɛ ti nee Livaema mɔɔ zo Ɛlɛka ne la wulale a. Devidi eza wulale Nyamenle ɛzonlenlɛ tɛladeɛ ne mɔɔ bɛfɛlɛ ye Yifɔdo la.

2 Edk 23:12

Atalaya dele alɛra ne mɔɔ menli ne ɛlɛyɛ nee belemgbunli ne mɔɔ bɛlɛyeyɛ ye la. Ɛhye anzi ɔhɔle Ɛzonlenlɛ Sua ne anu,

2 Edk 23:14

Na Gyɛhɔyada zele safohyenlema mɔɔ ɛlɛnea ɛlɔnema ne anwo zo la kɛ, “Bɛmmaku ye wɔ Ɛzonlenlɛ Sua ye anu. Bɛva ye bɛlua sinzavolɛma ne avinli bɛvinde, na awie biala mɔɔ kɛyɛ kɛ ɔbalie ye la, bɛhu ye.”

2 Edk 34:31

Akee belemgbunli ne dwazole gyinlanle na ɔ nee Ɛdɛnkɛma yɛle ngyekyeleɛ kɛ ɔkɛzonle Ɛdɛnkɛma, ɔkɛli ye mɛla nee ngyehyɛlɛ zo, na ɔkɛva ye ahonle muala nee ye ɛkɛla muala ɔkɛli edwɛkɛ biala mɔɔ bɛhɛlɛ wɔ ngyekyeleɛ ne anu, na ɔwɔ buluku ne anu la azo.

Edwɛndolɛ Buluku ne 14:5

Ɛkɛ ne ɛzulolɛ kpole baha bɛ, ɔluakɛ Nyamenle nee awolɛndoazo tenlenema lua.

Mrɛlɛbulɛ Buluku ne 11:10

Saa ɔyɛ boɛ ɔmaa tenlenenli a, suakpole ne azo amra amuala anye die, na saa amumuyɛnli wu a, zolɛ le fɛlɛkolilɛ ngome.

Mrɛlɛbulɛ Buluku ne 29:2

Saa tenlenema ɛlɛbu maanle a, menli ne anye die, na saa amumuyɛma ɛlɛbu maanle a, menli ne su bɛ kunlu.

Nolo 9:12

Sonla ɛnze ye mekɛ; kɛmɔ avonle kola yɛ munzule kye fɛlɛ, yɛɛ ɛhane kola kye anloma la, zɔhane ala yɛɛ ɛhane kola kye dasanli wɔ munzule mekɛ mɔɔ ɔ nye ɛnla la a.

Yizikeɛle Buluku ne 46:2

Belemgbunli ne bava Ɛzonlenlɛ Sua ne findezo alie nwo ɛkɛ, alua anlenkɛ kpole ne anu aragyinla ye sua kpandaanwo ne anu wɔ Ɛzonlenlɛ Sua ne akunlu lɔ alie ne anwo anlenkɛ felɛmo ne anwo, na yeanlea sɛlɛvolɛma ne wɔ mekɛ mɔɔ bɛlɛbɔ ye ɛyelalɛ nee anzonudwolɛ azu ne mɔ la. Ɔbayɛ ye nzɛlɛlɛ ɛdeɛ ne wɔ anlenkɛ ne anloa ɛkɛ. Ɔwie a, ɔbazia ɔ nzi yeavinde yeahɔ, noko ɔnle kɛ bɛto anlenkɛ ne anu toonwo nɔsolɛ.

Maanlebuvolɛma Buluku ne 7:8

Gedɛyɔn liele bɛ konle ninyɛne ne mɔ, na ɔmanle bɛziale bɛhɔle sua nu, na ɔhale menli ɛya nsa ne ala. Ɛnee Medeanema azokoɛleɛ ne ɛha Gedɛyɔn nee ye ɛlɔnema ne aze wɔ bɔnza ne anu.