2 Edk 23:11 - BAEBOLO ANZƐƐ BULUKU NWUANZANWUANZA

¹¹ Akee ɔvale Dwowahye ɔvindele, ɔvale belemgbunli kyɛlɛ ne ɔzoale ye, na ɔvale belemgbunlililɛ mɛla kɛlata ne ɔwulale ɔ sa nu, na bɛziele ye belemgbunli. Sɛlɛvolɛ Gyɛhɔyada nee ɔ mra ne mɔ kpokpale ye nwole, na awie biala deanle nu kɛ, “Belemgbunli ne ɛnyi ɛhyɛ!”

2 Edk 23:11 ပူးပေါင်းရင်းမြစ်များ

2 Sam 1:10

Yemɔti mendwenle membikyele ye na mengunle ye, ɔboalekɛ menwunle ye wienyi kɛ ɔnle lɔ ɔnde kpɔkɛ bieko. Mendule ye belemgbunli kyɛlɛ ne, menyele ɔ sa akɔme nu ngɛba ne yɛɛ melɛfa mearɛlɛ wɔ a.”

2 Sam 16:16

Mɔɔ Devidi agɔnwo Akaenli Huhyae rale Abesalɛm ɛkɛ ne la, ɔdeanle nuhua kɛ, “Belemgbunli ɛnyi ɛhyɛ! Belemgbunli ɛnyi ɛhyɛ!”

2 Sam 5:3

Yemɔti Yizilayɛ mgbanyima ne mɔ kɔsɔɔti zile nu rale Devidi anwo ɛkɛ wɔ Hibulɔn. Belemgbunli Devidi nee bɛ yɛle ngyekyeleɛ wɔ Ɛdɛnkɛma anyunlu na bɛziele ye Yizilayɛ belemgbunli.

1 Arl 1:25

Ɔluakɛ ɛnɛ kenle ye ala, yehu nlankɛ, nyɛmoa mɔɔ ɛlɔ nee mboane dɔɔnwo yebɔ azu na yedo ɛsalɛ yevɛlɛ Nana amra ne mɔ amuala, Safohyenlema Kpanyinli Dwowabe yɛɛ sɛlɛvolɛ Abayata. Bɛlɛdi bɛno na bɛlɛka kɛ, ‘Nyamenle ɛyila belemgbunli Adonaegya ɛmaa ɔnyi ɔhyɛ.’

1 Arl 1:34

Saa bɛdwu ɛkɛ a bɛmaa sɛlɛvolɛ Zeedɔko nee Nyamenle kpɔmanvolɛ Neetan ɛkpokpa ye nwole kɛ ɔle Yizilayɛma belemgbunli. Bɛwie a bɛwu aweɛne tendenle ne anu bɛze kɛ, ‘Belemgbunli Sɔlɔmɔn ɛnyi ɛhyɛ.’

1 Arl 1:39

Ɛke yɛɛ sɛlɛvolɛ Zeedɔko vale nwole wɔ nane ɛweɛne nu mɔɔ ɔ nee ye vi Ndanlɛ Sua ne anu la rale rawolale guale Sɔlɔmɔn ati zo a. Akee bɛwule aweɛne tendenle nu na ɛlɔne ne amuala zulole zolɛ kɛ, “Nyamenle ɛyila Belemgbunli Sɔlɔmɔn ɛmaa ɔnyi ɔhyɛ.”

2 Arl 11:12

Akee Gyɛhɔyada vale Dwowahye vindele, ɔzoale ye belemgbunli kyɛlɛ ne na ɔvale mɛla buluku ne mɔɔ maa ye belemgbunlililɛ ne di munli la ɔmanle ye. Akee bɛguale nwole wɔ Dwowahye ati zo na bɛziele ye belemgbunli. Menli ne bɔle bɛ sa nu na bɛdeanle nuhua kɛ, “Belemgbunli ɛnyi ɛhyɛ!”

2 Edk 22:11

Na Belemgbunli Ehazaya adiema raalɛ mɔɔ bɛ nli ɛnle ko la wuale Ehazaya amra mrenya ne mɔ ko mɔɔ bɛfɛlɛ ye Dwowahye la, na ɔvale ye nee ye bafiavolɛ ne ɔveale sua bie akunlu. Bɛfɛlɛ raalɛ ne Gyihohyiba. Ɔ ze a le Belemgbunli Gyɛhɔlam yɛɛ ɔ hu a le sɛlɛvolɛ Gyɛhɔyada. Ɔyɛle ye zɔhane, ɔboalekɛ ɔ diema nrenya a le Belemgbunli Ehazaya, na ɔvale kakula ne ɔveale Atalaya. Yemɔti ɔ sa anga Dwowahye yeangu ye.

2 Edk 23:10

Akee ɔmanle menli ne gyinlanle nvonvɔɔnwo, ko biala lɛ dadeɛ na bɛbɛnrale bɛyiale Ɛzonlenlɛ Sua ne, ɔvi ye nyiakɛ ɔkɔ ye sɔlɔ afoa nu, yɛɛ azukponle ne anwo, kɛ bɛzinza belemgbunli ne.

2 Edk 23:12

Atalaya dele alɛra ne mɔɔ menli ne ɛlɛyɛ nee belemgbunli ne mɔɔ bɛlɛyeyɛ ye la. Ɛhye anzi ɔhɔle Ɛzonlenlɛ Sua ne anu,

Edwɛndolɛ Buluku ne 132:18

Mebamaa ye kpɔvolɛma abɔ anyiemgba, na meamaa ye belemgbunlililɛ ayɛ kpole.”

Edwɛndolɛ Buluku ne 21:3

Ɔluakɛ wɔlo ye ninyɛne kpalɛ ngome; wɔbɔ ye ezukoa nvutuke kpalɛ abɔtile.

Edwɛndolɛ Buluku ne 78:5

Ɔvale ye ngyehyɛlɛ ɔmanle Gyekɔbo abo zo amra, na ɔlile mɛla ɔmanle Yizilayɛma, ɔzele yɛ nlenya mɔ kɛ bɛhilehile bɛ mra;

Edwɛndolɛ Buluku ne 89:20

Menwu me sonvolɛ Devidi; meva me nwole nwuanzanwuanza ne mekpokpa ye;

Edwɛndolɛ Buluku ne 89:39

Wɔtulu ngyekyeleɛ ne mɔɔ ɛ nee wɔ sonvolɛ kyekyele la; wɔdu ye belemgbunli kyɛlɛ ne wɔdo ndɛtɛlɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:16

Na akee fa awolɛ ndɛbandɛba nwiɔ ne mɔɔ mehɛlɛ mɛla ne mɔ zolɛ mɔɔ mebava meamaa wɔ la gua nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:21

Akee ɛbava awolɛ ndɛbandɛba nwiɔ ne mɔɔ mebava meamaa wɔ la wɔagua ɛlɛka ne anu na wɔava ɔ ti ne wɔadua zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:18

Mɔɔ Nyamenle wiele tendɛ kile Mosisi wɔ Saenae Boka ne azo la, ɔvale awolɛ ndɛbandɛba nwiɔ ne mɔɔ Nyamenle mumua ne ɛva ɔ sa ɛrɛlɛsɛka ɛhɛlɛ mɛla ne mɔ zolɛ la ɔmanle Mosisi.

Ayezaya Buluku ne 49:23

Arelemgbunli bayɛ bɛ dɔmagyama, na arelemgbunli mraalɛ ayɛ bɛ baviavolɛma. Bɛbazi bɛ ti aze, bɛabu ndwɛlɛ wɔ bɛ nyunlu, na bɛatafe bɛ gyakɛ anwo munlutu. Na akee bɛbanwu kɛ medame a mele Ɛdɛnkɛma a; bɛdabɛ mɔɔ bɛkendɛ me moalɛ la anyunlu ɛnrɛgua aze.”

Ayezaya Buluku ne 8:16

Bɛmɛ me ɛdoavolɛma, bɛva edwɛkɛ ne mɔɔ Nyamenle ɛha ɛhile me la bɛzie boɛ.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Edwɛkpa ne kɛmɔ Mateyu hɛlɛle la 21:9

Na menli dɔɔnwo ne mɔɔ li ɔ nyunlu nee ɔ nzi la deɛdeanle nuhua kɛ, “Ayɛlɛyelɛ ɛha Devidi Ara ne! Nyamenle ɛyila mɔɔ lua Awulae duma nu ɛlɛba la! Bɛye Nyamenle ayɛlɛ!”

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

Yekile 19:12

Ɔ nye ma le kɛ senle tafinlima, na ɔbɔ abɔtile dɔɔnwo. Bɛhɛlɛ duma bie wɔ ɔ nwo, na awie biala ɛnze duma holɛ ko ne kɛ ɔdaye ɔ ngomekye ala.

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 5:10

Wɔmaa bɛyɛ arelemgbunli nee Nyamenle sɛlɛvolɛma na bɛbali arelemgbunli wɔ azɛlɛ ye azo.”

1 Sam 10:1

Akee Samoɛle vale dwora mɔɔ nwole wɔ nu la, ɔwolale ɔguale Sɔɔlo ati zo, ɔvole ɔ nvoka anwo na ɔzele kɛ, “Ɛdɛnkɛma ɛye wɔ kɛ ɛzie ye menli Yizilayɛma. Ɛbazie bɛ na wɔalie bɛ wɔavi bɛ kpɔvolɛma asa anu. Na ɛhye a le sɛkɛlɛneɛ mɔɔ bahile kɛ Ɛdɛnkɛma ɛye wɔ kɛ ɛzie ye menli ne la a.

1 Sam 10:24

Na Samoɛle zele menli ne kɔsɔɔti kɛ, “Sonla ne mɔɔ Ɛdɛnkɛma ɛye ye ɛmaa bɛ la ɛne, bɛnwu ye ɔ? Awie biala ɛnle menli ye avinli mɔɔ nee ye sɛ a.” Na menli ne kɔsɔɔti deanle nuhua kɛ, “Belemgbunli ne ɛnyi ɛhyɛ.”