2 Edk 22:9 - BAEBOLO ANZƐƐ BULUKU NWUANZANWUANZA

⁹ Ɔmanle bɛkpondɛle Ehazaya ɔdaye mumua ne toonwo bɛhɔnwunle ye kɛ ɔvea Samɛlea, na bɛhyele ye bɛrɛlɛle Gyihu na bɛhunle ye. Ɔ nlenya Gyɛhɔhyafate, mɔɔ vale ye ahonle muala zonlenle Ɛdɛnkɛma la ati, bɛziele ye. Na ɛnee akee awie biala ɛnle Ehazaya sua nu mɔɔ sie Dwuda maanle ne a.

2 Edk 22:9 ပူးပေါင်းရင်းမြစ်များ

1 Arl 13:21

na ɔdeanle nuhua ɔzele mɔɔ vi Dwuda la kɛ, “Ɛdɛnkɛma wɔ Nyamenle ne se, wɔandie ye edwɛkɛ na wɔdu ɔ nloa wɔdo!

1 Arl 14:13

Yizilayɛma amuala bazu ye na bɛazie ye. Ɔ ngomekye ala a ɔle Gyɛlɔbowam abo zo sonla mɔɔ bɛbaboɔboa bɛazie ye ɛzielɛ kpalɛ a, ɔluakɛ yemɔ ala a ɔle Gyɛlɔbowam abo zo sonla mɔɔ ye nyɛleɛ ɛzɔ Ɛdɛnkɛma anye a.

2 Arl 9:34

bɛhɔle sua nu ɛkɛ. Gyihu hɔlile debie na ɔnlonle na akee ɔzele kɛ, “Bɛnlea bɛye raalɛ musuɔfoɔ ne bɛhɔzie ye, ɔluakɛ ɔle belemgbunli ra.”

2 Edk 19:3

Noko akee, bɛnwu kpalɛ ekyi bie wɔ wɔ nuhua, ɔluakɛ wɔzɛkye bozonle raalɛ Ahyela ne ananze ne mɔ na wɔdua bɛ ɛzonlenlɛ wɔ maanle ye anu. Eza wɔva wɔzie wɔ ahonle nu kɛ ɛsonle Ɛdɛnkɛma ala.”

2 Edk 21:17

Bɛravale Dwuda aze na bɛzoale nuhua ninyɛne kɔsɔɔti mɔɔ bɛ sa hanle bɛ, mɔɔ le belemgbunli sua nu amra ɛdeɛ la bɛhɔle. Bɛhyele ɔ mra mrenya nee ye mraalɛ noko bɛhɔle, na bɛgyakyile ye ralɛ nrenya kazima Ehazaya ala.

2 Edk 21:20

Gyɛhɔlam lile ɛvolɛ abulasa nee nwiɔ la yɛɛ ɔbɔle ɔ bo kɛ ɔdi belemgbunli a, na ɔdɛnlanle Gyɛlusalɛm ɔlile ebia ne ɛvolɛ mɔtwɛ. Awie biala anli ye ewule nwo nyane. Bɛziele ye wɔ Devidi Suakpole zo ɛdeɛ, noko bɛanva ye bɛangɔ ɛleka mɔɔ bɛwula arelemgbunli mɔɔ kɛhɔ ayile nu la mrɛlatɛlɛ nu la.

2 Edk 21:4

Mɔɔ Gyɛhɔlam ralile ɔ ze ebia ne na ɔnyianle gyinlagyakɛ la, ɔmanle bɛhunle ɔ mediema mrenya ne mɔ amuala, nee Yizilayɛ mgbanyima ne bie mɔ.

2 Edk 22:8

Mɔɔ Gyihu bɔ Ehabe sua nu amra abo zo la, ɔyiale Dwuda mgbanyima nee Ehazaya amediema mrenya mɔɔ rale bakpɔla Dwɔlam la na ɔhunle bɛ muala.

2 Edk 24:25

Seleama ne bodale Dwowahye kpole bie, na bɛgyakyile ye ɛkɛ bɛhɔle, na ye sonvolɛma ne lile sɛlɛvolɛ Gyɛhɔyada ara ne ati nzenralɛ, bɛlile bɛ nloa na bɛhunle belemgbunli ne wɔ ye ewule ɛkpa ne azo. Yemɔti ɔwule na bɛziele ye wɔ Devidi Suakpole zo, noko bɛanwula ye mrɛlatɛlɛ nu wɔ alehelɛ alaleɛ ne.

2 Edk 25:27

Ɔvi mekɛ ne mɔɔ ɔhakyile ɔ nzi ɔzile Ɛdɛnkɛma la yɛɛ menli bɔle ɔ bo kɛ bɛbɔ ɔ nwo tokule wɔ Gyɛlusalɛm a, yemɔti ɔnriandile ɔhɔle Leekehye. Noko bɛzoanle menli wɔ Leekehye bɛmanle bɛhɔhunle ye wɔ ɛkɛ ne.

2 Edk 33:24

Emɔn mgbanyima ne hɔle ɔ ti akpamo na bɛhyele ye wɔ ye sua ne anu bɛhunle ye.

Gyɛlɛmaya Buluku ne 29:13

Bɛbakpondɛ me, na bɛbanwu me. Saa bɛfa bɛ ahonle muala bɛkpondɛ me a, bɛbanwu me.