2 Edk 22:7 - BAEBOLO ANZƐƐ BULUKU NWUANZANWUANZA

⁷ Na ɛnee Nyamenle ɛhyehyɛ kɛ wɔ Dwɔlam ɛkpɔlalɛ nu yɛɛ Ehazaya balua ayia munzule a. Mɔɔ Ehazaya dwule Dwɔlam anwo ɛkɛ wɔ Gyɛzɛlii la, ɔ nee ye bɛ mu nwiɔ bɛhɔle kɛ bɛkayia Nemehyae ara Gyihu mɔɔ ɛnee Ɛdɛnkɛma ɛmaa bɛkpokpa ye nwole kɛ ɔbɔ Ehabe sua nu amra abo zo la adenle.

2 Edk 22:7 ပူးပေါင်းရင်းမြစ်များ

1 Arl 12:15

Belemgbunli ne ande ɔ nyunlu angile menli ne, ɔboalekɛ ɛnee Ɛdɛnkɛma kulo kɛ ye edwɛkɛ ne mɔɔ ɔvale ɔluale Nyamenle kpɔmanvolɛ Ahaegya mɔɔ vi Hyaelo la anloa kɛ ɔha ɔhile Gyɛlɔbowam la yɛ nɔhalɛ.

1 Arl 12:24

“Bɛmmafa konle bɛtoa bɛ mediema Yizilayɛma; bɛzia bɛhɔ sua nu. Medame Ɛdɛnkɛma a memaa ɛhye ɛzi a.” Bɛdiele Ɛdɛnkɛma nrɛlaleɛ ne na bɛhɔle sua nu.

1 Arl 19:16

Kpokpa Gyihu, Nemehyae ara nrenya ne noko nwole kɛ ɔbali Yizilayɛ belemgbunli, na kpokpa Hyeefate mɔɔ vi Ebɛle Mɛhola la ara nrenya Yilaehya ɔdaye nwole maa ɔyɛ Nyamenle kpɔmanvolɛ ɔli wɔ agya.

1 Arl 22:20

na Ɛdɛnkɛma ɛlɛbiza kɛ, ‘Nwane a kɛhola kɛli Ehabe adwenle kɛmaa ɔkɛhɔwu Releemɔto mɔɔ wɔ Geleade la a?’ Na ko ka ɛhye, ɛnee ko noko ɛha bie gyɛne.

2 Arl 10:11

Akee Gyihu hunle Ehabe abo zo amra mɔɔ wɔ Gyɛzɛlii la amuala, ye sonvolɛma, ɔ gɔnwo mɔ, yɛɛ ye sɛlɛvolɛma. Ko bɔbɔ, bɛangyakyi ye.

2 Arl 9:21

Belemgbunli Dwɔlam zele kɛ, “Bɛva me konle ehwili ne bɛrɛlɛ me.” Ɔvole nu yɛɛ Dwuda Belemgbunli Ehazaya ɔdaye ɔvole ye ɛdeɛ ne anu na bɛzile nu bɛhɔyiale Gyihu. Bɛyiale ye wɔ Neebɔto mɔɔ vi Gyɛzɛlii la egyinli ne anloa.

2 Arl 9:27

Dwuda Belemgbunli Ehazaya nwunle ye zɛhae la ɔnriandile na ɔvale ɔ ti ɔbɔle Bɛte Heegan. Gyihu kpole ye na ɔ sa hanle ye wɔ Gɛɛ Boka ne anye anwo na ɔhanle kɛ, “Bɛhu ɔdaye.” Na bɛdole ye ɛda bɛhunle ye wɔ ye konle ehwili ne anu. Gɛɛ Boka ne bikye Yebelɛyam suazo. Ehazaya nriandile hɔle Mɛgedo na ɛkɛ ne yɛɛ ɔwule a.

2 Edk 10:15

Yemɔti belemgbunli andie menli ne mɔ edwɛkɛ biala, ɔluakɛ Nyamenle a hyehyɛle manle ɔrale ye zɔhane a, amaa Ɛdɛnkɛma edwɛkɛ ne mɔɔ ɔluale Nyamenle kpɔmanvolɛ Ahaegya mɔɔ vi Hyaelo la anwo zo ɔhanle ɔhilele Nibate ara Gyɛlɔbowam la ayɛ nɔhalɛ.

2 Edk 22:6

na ɔziale ɔrale Gyɛzɛlii kɛ ɔbayɛ ɔ nwo ayile, na Dwuda belemgbunli ne hɔle kɛ ɔkakpɔla ye.

Edwɛndolɛ Buluku ne 9:16

Ɛdɛnkɛma ɛhile kɛ ɔsi ɔde la, yebua ndɛne ne; amumuyɛma ɛdo bɛdabɛ mumua ne bɛ ɛhane.

Mrɛlɛbulɛ Buluku ne 16:9

Sonla fa ye adwenle suzu mɔɔ ɔbayɛ la, na Ɛdɛnkɛma a kile mɔɔ ɔwɔ kɛ ɔyɛ la a.

Ayezaya Buluku ne 46:10

Medame a mɔlebɛbo ne menganle awieleɛ edwɛkɛ ne na mɔmoane menganle mɔɔ basisi la anwo bie menzele kɛ, ‘Mɔɔ meha la bagyinla ɛkɛ, yɛɛ mebayɛ mɔɔ mehyehyɛ la.’

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Malakae Buluku ne 4:3

Na bɛbatietia amumuyɛma anwo zo. Amumuyɛma bayɛ kɛ nzonle wɔ bɛ gyakɛ abo wɔ kenle mɔɔ mebaha me nwo la.

Mɛla 32:35

Mekɛ mɔɔ bɛ gyakɛ kɛhoati la, medame a mebali nzenralɛ na meadua kakɛ a. Bɛ anwubɛnyunlu mekɛ ɛdwu, na bɛ awieleɛ ɛbikye.

Dwɔhyua Buluku ne 11:20

Ɛdɛnkɛma a yɛle bɛ zɔhane manle bɛ nee Yizilayɛma honle, amaa ɔlua zo bɛabua bɛ fɔlɛ, bɛahu bɛ, bɛabɔ bɛ bo zo bɔkɔɔ mɔɔ anwunvɔnezelɛ biala ɛnle nu a. Kɛ Ɛdɛnkɛma zele Mosisi kɛ ɔyɛ la ɛne.

Maanlebuvolɛma Buluku ne 14:4

Samesɛn ɔ ze nee ɔ nli ɛnze kɛ ɛhye mɔ kɔsɔɔti Ɛdɛnkɛma yɛɛ ɛlɛyɛ a, ɔluakɛ ɛnee Ɛdɛnkɛma ɛlɛkpondɛ adenle yealua nu yeadua Filisitiama kakɛ. Mekɛ zɔhane anu ɛnee Filisitiama a sie Yizilayɛma a.