2 Edk 22:11 - BAEBOLO ANZƐƐ BULUKU NWUANZANWUANZA

¹¹ Na Belemgbunli Ehazaya adiema raalɛ mɔɔ bɛ nli ɛnle ko la wuale Ehazaya amra mrenya ne mɔ ko mɔɔ bɛfɛlɛ ye Dwowahye la, na ɔvale ye nee ye bafiavolɛ ne ɔveale sua bie akunlu. Bɛfɛlɛ raalɛ ne Gyihohyiba. Ɔ ze a le Belemgbunli Gyɛhɔlam yɛɛ ɔ hu a le sɛlɛvolɛ Gyɛhɔyada. Ɔyɛle ye zɔhane, ɔboalekɛ ɔ diema nrenya a le Belemgbunli Ehazaya, na ɔvale kakula ne ɔveale Atalaya. Yemɔti ɔ sa anga Dwowahye yeangu ye.

2 Edk 22:11 ပူးပေါင်းရင်းမြစ်များ

2 Sam 7:13

Yemɔ yɛɛ ɔbazi ɛzonlenlɛ sua yeamaa me a, na mebanlea kɛ ye belemgbunli maanle ne ɛgyinla kpundii dahuu.

1 Arl 15:4

Noko ɔlua Devidi ati Ɛdɛnkɛma ye Nyamenle ne manle Abaegya ara nrenya lile ye agya lile belemgbunli wɔ Gyɛlusalɛm, amaa Gyɛlusalɛm agyinla kpundii.

2 Arl 11:2

Ehazaya ara nrenya ekyi ko ala a vile nu a. Yemɔ a le Dwowahye. Ehazaya adiema raalɛ Gyihɔhyɛba a vale kakula ne veale a. Gyihɔhyɛba ɔ ze a le Belemgbunli Gyɛhɔlam. Ɔvale kakula Dwowahye nee ahenle mɔɔ nea ye la ɔveale Ɛzonlenlɛ sua ne ekpumgbunli ne mɔ ko anu na ɔdaye ɔnleanle bɛ. Yemɔti Atalaya asa anga ye angu ye.

2 Edk 21:7

noko Ɛdɛnkɛma ambɔ Devidi sua nu amra abo zo, ɔboalekɛ ɛnee Ɛdɛnkɛma nee Devidi ɛyɛ ngyekyeleɛ, na yebɔ Devidi ɛwɔkɛ kɛ ɔbamaa kɛnlaneɛ ada ye nee ɔ bo zo amra sua nu dahuu.

2 Edk 22:10

Mɔɔ Ehazaya ɔ nli Atalaya dele kɛ ɔ ra ne ɛwu la, ɔmanle bɛhunle Dwuda dehelɛ abusua ne anu amra amuala.

2 Edk 22:12

Kakula ne nee bɛ dɛnlanle ɛvolɛ nsia, bɛvale ye bɛveale Nyamenle Ɛzonlenlɛ Sua ne anu. Mekɛ ɛhye anu ɛnee Atalaya a di belemgbunli wɔ Dwuda a.

2 Edk 23:1

Atalaya lile Dwuda ebia ne ɛvolɛ nsia. Wɔ ye ɛvolɛ nsuu ne anu, sɛlɛvolɛ Gyɛhɔyada zile ɔ kɛnra ɔ nee safohyenlema mɔɔ nea ɛlɔnema ɛya ɛya nwo zo la yɛle ngyehyɛlɛ. Safohyenlema ne mɔ a le Gyɛloham ara Azalaya, Gyihɔheenan ara Yehyemeeyɛle, Obɛde ara Azalaya, Adaya ara Meeyasaya, yɛɛ Zekelae ara Yilaehyafate.

Edwɛndolɛ Buluku ne 33:10

Ɛdɛnkɛma maa maanle maanle adwenle ngyehyɛlɛ yɛ mgbane; ɔsɛkye menli ngyehyɛlɛ mɔɔ bɛkɛhyehyɛ la.

Edwɛndolɛ Buluku ne 76:10

Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:3

Azule Naele ne bawula ahɛlɛne ngome, bɛbayi wɔ suakunlu ɛkɛ, wɔ sua ne mɔɔ ɛda nu la akunlu, wɔ ɛsokpa ne azo, wɔ mgbanyima nee wɔ menli ne mɔ kɔsɔɔti azua nu yɛɛ bɛ fonlomo ne mɔ nee bɛ ahyɛnze mɔɔ bɛfa bɛto kpanwo bɔbɔ la, ahɛlɛne bayiyi bɛ tetɛkɛɛ.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Ayezaya Buluku ne 65:8

Ɛdɛnkɛma se, “Kɛmɔ bɛnyia nwanye wɔ vanye ma nu, na bɛka kɛ, ‘Bɛmmasɛkye ye na debie kpalɛ wɔ nu’ la, zɔhane ala yɛɛ me sonvolɛma ati menrɛzɛkye bɛ muala a.

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.