2 Edk 21:7 - BAEBOLO ANZƐƐ BULUKU NWUANZANWUANZA

⁷ noko Ɛdɛnkɛma ambɔ Devidi sua nu amra abo zo, ɔboalekɛ ɛnee Ɛdɛnkɛma nee Devidi ɛyɛ ngyekyeleɛ, na yebɔ Devidi ɛwɔkɛ kɛ ɔbamaa kɛnlaneɛ ada ye nee ɔ bo zo amra sua nu dahuu.

2 Edk 21:7 ပူးပေါင်းရင်းမြစ်များ

2 Sam 21:17

Na Zɛluaya ara Abehyae raboale ye; ɔtetale Filisitianli kakanyinli ne na ɔhunle ye. Akee Devidi menli ne hanle ndane dole ɔ nwo kɛ, “Ɔvi ɛnɛ mɔɔ kɔ la, ɛngɔ konle bieko, anrɛɛ ɛkɛmaa Yizilayɛ kɛnlaneɛ ne kɛnlu.”

2 Sam 23:5

Ɛhɛe, kɛ Nyamenle bayila me bo zo amra la ɛne, ɔboalekɛ ɔ nee me ɛyɛ ngyekyeleɛ mɔɔ ɛntulu ɛlɛ a, ɔle ngyekyeleɛ mɔɔ bɛnrɛtulu nu noko ɛlɛ, ɛwɔkɛ mɔɔ ɛngakyi ɛlɛ a. Ɔbamaa meakpazi wɔ me anyelazo nu, na meanyia moalɛ kɔsɔɔti.

1 Arl 11:13

Eza bɔbɔ menrɛlie maanle ne amuala ɛ sa nu; ɔlua me akɛlɛ Devidi ati nee Gyɛlusalɛm maanle mumua ne mɔɔ mekpa nu meye la ati, mebava Yizilayɛma anu ekpunli ko meamaa ɛ ra nrenya azie bɛ.”

1 Arl 11:36

Mebamaa Sɔlɔmɔn ara nrenya ne azie abusua ekpunli ko ala na dahuu meanyia me akɛlɛ Devidi abo zo amra ne bie ali ebia wɔ Gyɛlusalɛm. Suakpole ɛhye yɛɛ mekpa nu meye kɛ bɛzonle me wɔ zolɛ a.

1 Arl 15:4

Noko ɔlua Devidi ati Ɛdɛnkɛma ye Nyamenle ne manle Abaegya ara nrenya lile ye agya lile belemgbunli wɔ Gyɛlusalɛm, amaa Gyɛlusalɛm agyinla kpundii.

2 Arl 8:19

Noko ɛnee ɔnle Ɛdɛnkɛma ɛhulolɛ kɛ ɔkɛzɛkye Dwudama, ɔboalekɛ yebɔ ye akɛlɛ Devidi ɛwɔkɛ kɛ ɔ bo zo amra a bali ebia ne dahuu a.

2 Arl 8:24

Yemɔti Gyɛhɔlam hɔle ayile nu na bɛwulale ye mrɛlatɛlɛ nu wɔ ɔ ze mɔ dehelɛ alaleɛ ne wɔ Devidi suakpole zo, na ɔ ra Ehazaya lile ebia ne.

2 Edk 22:11

Na Belemgbunli Ehazaya adiema raalɛ mɔɔ bɛ nli ɛnle ko la wuale Ehazaya amra mrenya ne mɔ ko mɔɔ bɛfɛlɛ ye Dwowahye la, na ɔvale ye nee ye bafiavolɛ ne ɔveale sua bie akunlu. Bɛfɛlɛ raalɛ ne Gyihohyiba. Ɔ ze a le Belemgbunli Gyɛhɔlam yɛɛ ɔ hu a le sɛlɛvolɛ Gyɛhɔyada. Ɔyɛle ye zɔhane, ɔboalekɛ ɔ diema nrenya a le Belemgbunli Ehazaya, na ɔvale kakula ne ɔveale Atalaya. Yemɔti ɔ sa anga Dwowahye yeangu ye.

2 Edk 23:3

Na bɛ muala bɛ nee Dwowahye yiale nu wɔ Nyamenle Ɛzonlenlɛ Sua ne anu bɛbɔle kpɔkɛ, bɛkyekyele ɔ bo. Sɛlɛvolɛ Gyɛhɔyada zele bɛ kɛ, “Bɛnlea, belemgbunli ne ara nrenya ne ɛne! Bɛboa bɛmaa ɔli belemgbunli, kɛmɔ Ɛdɛnkɛma hanle wɔ Devidi abo zo amra anwo la.

2 Edk 6:16

Yemɔti, O Ɛdɛnkɛma, Yizilayɛ Nyamenle, mesɛlɛ wɔ, di wɔ ɛwɔkɛ mɔɔ ɛha la azo, ɛwɔkɛ ne mɔɔ ɛbɔle me ze Devidi kɛ saa ɔ bo zo amra di wɔ mɛla ne mɔ azo na bɛyɛ tieyɛ bɛmaa wɔ kɛmɔ ɔdaye Devidi ɔyɛle la a, dahuu bɛ bie bali belemgbunli azie Yizilayɛma la.

Edwɛndolɛ Buluku ne 132:11

Ɛdɛnkɛma bɔle Devidi ɛwɔkɛ, na ɔnrɛhakyi ɔ nloa ɛlɛ. Ɔse, “Ɛ mra mrenya ne mɔ mɔɔ wɔwo bɛ la anu ko yɛɛ mebava meazie wɔ ebia ne azo a.

Edwɛndolɛ Buluku ne 89:39

Wɔtulu ngyekyeleɛ ne mɔɔ ɛ nee wɔ sonvolɛ kyekyele la; wɔdu ye belemgbunli kyɛlɛ ne wɔdo ndɛtɛlɛ nu.

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”