2 Edk 21:20 - BAEBOLO ANZƐƐ BULUKU NWUANZANWUANZA

²⁰ Gyɛhɔlam lile ɛvolɛ abulasa nee nwiɔ la yɛɛ ɔbɔle ɔ bo kɛ ɔdi belemgbunli a, na ɔdɛnlanle Gyɛlusalɛm ɔlile ebia ne ɛvolɛ mɔtwɛ. Awie biala anli ye ewule nwo nyane. Bɛziele ye wɔ Devidi Suakpole zo ɛdeɛ, noko bɛanva ye bɛangɔ ɛleka mɔɔ bɛwula arelemgbunli mɔɔ kɛhɔ ayile nu la mrɛlatɛlɛ nu la.

2 Edk 21:20 ပူးပေါင်းရင်းမြစ်များ

2 Arl 8:24

Yemɔti Gyɛhɔlam hɔle ayile nu na bɛwulale ye mrɛlatɛlɛ nu wɔ ɔ ze mɔ dehelɛ alaleɛ ne wɔ Devidi suakpole zo, na ɔ ra Ehazaya lile ebia ne.

2 Edk 23:21

Yemɔti menli ne amuala lile fɛlɛko, na akee anzonudwolɛ rale suakpole ne azo, ɔluakɛ bɛhu Atalaya.

2 Edk 24:16

Bɛziele ye wɔ Devidi Suakpole zo wɔ arelemgbunli ne mɔ avinli, wɔ mɔɔ ɔyɛle ɔmanle Yizilayɛma, ye ɛzonlenlɛ kpalɛ mɔɔ ɔzonlenle Nyamenle, nee ye nyɛleɛ kpalɛ mɔɔ ɔyɛle wɔ Ɛzonlenlɛ Sua ne anwo la ati.

2 Edk 24:25

Seleama ne bodale Dwowahye kpole bie, na bɛgyakyile ye ɛkɛ bɛhɔle, na ye sonvolɛma ne lile sɛlɛvolɛ Gyɛhɔyada ara ne ati nzenralɛ, bɛlile bɛ nloa na bɛhunle belemgbunli ne wɔ ye ewule ɛkpa ne azo. Yemɔti ɔwule na bɛziele ye wɔ Devidi Suakpole zo, noko bɛanwula ye mrɛlatɛlɛ nu wɔ alehelɛ alaleɛ ne.

2 Edk 26:23

Na Ɛzaya hɔle ayile nu na bɛwulale ye mrɛlatɛlɛ nu wɔ arelemgbunli azɛlɛ ne azo. Bɛ nee ye angɔ Devidi Suakpole zo, ɔboalekɛ ɛnee ɔle kokobɛvolɛ. Na ɔ ra Dwotam lile ebia ne.

2 Edk 28:26

Akee ye nyɛleɛ mɔɔ ɔyɛle, ɔvi mɔlebɛbo ne mɔɔ kɔdwu awieleɛ ne mɔɔ ɛha la, bɛhɛlɛ bɛ kɔsɔɔti wɔ Dwuda nee Yizilayɛ Arelemgbunli Tetedwɛkɛ Buluku ne anu.

2 Edk 28:27

Ehaze hɔle ayile nu na bɛwulale ye mrɛlatɛlɛ nu wɔ Gyɛlusalɛm. Bɛanva ye bɛangɔ Yizilayɛ arelemgbunli alaleɛ ne. Ɔ ra Hɛzikaya lile ebia ne.

2 Edk 33:20

Belemgbunli Manasɛ hɔle ayile nu na bɛwulale ye mrɛlatɛlɛ nu wɔ ɔdaye ye suakunlu ɛkɛ ne ala. Ɔ ra nrenya Emɔn lile ye agya na ɔlile ebia ne.

Mrɛlɛbulɛ Buluku ne 10:7

Tenlenema ɛhakyelɛ le nyilalɛ, na amumuyɛnli duma baminli.

Gyɛlɛmaya Buluku ne 22:18

Zɔhane ati Ɛdɛnkɛma ɛha Dwosaya ara Gyɛhɔyakem, Dwuda belemgbunli ne anwo edwɛkɛ kɛ, “Awie biala ɛnrɛzu ye kɛ, ‘ayi me diema nrenya,’ anzɛɛ ‘ayi me diema raalɛ.’ Awie biala ɛnrɛye awolɛ ɛnrɛze kɛ, ‘Me menle o,’ anzɛɛ ‘me belemgbunli o!’

Gyɛlɛmaya Buluku ne 22:28

Na menganle kɛ, “Ɛnee Gyɛhɔyakɛn a ɛhakyi dwora ebule mɔɔ bɛkpo ye na awie ɛnva ye bieko la ɔ? Duzu ati a bɛvuandi ye nee ɔ mra bɛhɔgua ɛleka mɔɔ bɛnze la ɛ?”