2 Edk 21:16 - BAEBOLO ANZƐƐ BULUKU NWUANZANWUANZA

¹⁶ Na Ɛdɛnkɛma manle Filisitiama nee Arelabema bie mɔɔ dɛnlanle ɛleka mɔɔ zua Sudanema la dwazole Gyɛhɔlam anwo zo.

2 Edk 21:16 ပူးပေါင်းရင်းမြစ်များ

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

1 Arl 11:11

Ɛdɛnkɛma zele Sɔlɔmɔn kɛ, “Kɛmɔ wɔandie me ne na ɛdawɔ ɛ nye fuu wɔbulu me ngyekyeleɛ nee me mɛla mɔɔ meva memaa wɔ la azo la ati, mebalie me maanle ne ɛ sa nu na meava meamaa wɔ sonvolɛma ne mɔ bie.

1 Arl 11:14

Na Ɛdɛnkɛma manle Yidɔm amra ne anu ko mɔɔ bɛfɛlɛ ye Heedade la dwazole Sɔlɔmɔn anwo zo.

1 Arl 11:23

Nyamenle eza manle Yilayada ara nrenya Rilizɔn dwazole Sɔlɔmɔn anwo zo. Ɛnee Rilizɔn ɛnriandi ɔ menle Hadadizɛ mɔɔ le Zoba belemgbunli ne.

2 Edk 17:11

Filisitiama bie mɔ bɔbɔ vale ahyɛlɛ ninyɛne rɛlɛle Gyɛhɔhyafate. Eza bɛrɛlɛle ye dwɛtɛ fufule. Arelabema rɛlɛle ye mboane apenle nsuu ɛya nsuu yɛɛ mbɔnkye nyinli apenle nsuu ɛya nsuu.

2 Edk 22:1

Gyɛlusalɛm amra vale Gyɛhɔlam ara nrenya kazima Ehazaya lile ye agya na bɛziele ye belemgbunli. Bɛyɛle ye zɔhane, ɔboalekɛ Arelabema mɔɔ vale ɛlɔnema ravale Dwuda maanle ne aze la hyele belemgbunli ne amra mrenya ne mɔ kɔsɔɔti hɔhunle bɛ manle ɔhale Ehazaya angomekye.

2 Edk 26:7

Nyamenle boale ye manle ɔlile Filisitiama nee Arelabema mɔɔ de Gɛbeeyale la, yɛɛ Mɛyunɛmma anwo zo konim.

2 Edk 33:11

Yemɔti Ɛdɛnkɛma manle Aselea belemgbunli ne safohyenlema vale bɛ ɛlɔnema rale bɛ nwo zo na bɛhyele Belemgbunli Manasɛ. Bɛbobɔle ye koba na bɛguale ye kɔbele nwɔnzɔnwɔnzɔ bɛ nee ye hɔle Babelɔn.

Ɛzela Buluku ne 1:1

Mekɛ mɔɔ bɛkava Saelɛse bɛazie Pɛhyea Maanle Maanle Belemgbunli la, ɛnee Ɛdɛnkɛma ɛlua ye kpɔmanvolɛ Gyɛlɛmaya anwo zo ɛha edwɛkɛ bie ɛdo ɛkɛ. Zɔhane ati amaa edwɛkɛ ne ayɛ nɔhalɛ la, mɔɔ Saelɛse yɛle Pɛhyea Maanle Maanle Belemgbunli la, ye ɛvolɛ ne mɔɔ lumua la anu, Ɛdɛnkɛma hanle ye ahonle manle ɔvale edwɛkɛ ne ɔdole gua. Saelɛse manle bɛhɛlɛle edwɛkɛ ne wɔ ngɛlata zo bɛhɔle maanle maanle ne mɔ mɔɔ ɔsie bɛ la amuala anu. Edwɛkɛ ne se:

Ɛzela Buluku ne 1:5

Na Dwuda nee Bɛngyaman mbusua ekpunli ne mɔ anu mgbanyima, sɛlɛvolɛma nee Livaema, nee awie biala mɔɔ Nyamenle ɛva ɔ sa ɛha ye ahonle la boɔboale bɛ nwo kɛ bɛkɔ bɛahɔboa Ɛdɛnkɛma Ɛzonlenlɛ Sua ne ɛzilɛ bieko wɔ Gyɛlusalɛm.

Dwowɛle Buluku ne 3:5

Bɛva me dwɛtɛ fufule nee me ezukoa nvutuke, na bɛzoa me anwonyia kɔsɔɔti bɛhɔ bɛ mmonle azua nu.

Emɔzo Buluku ne 1:6

Ɛdɛnkɛma se, “Gazama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛhyele maanle mumua ko anu amra bɛhɔle nlɔnu na bɛdɔnenle bɛ bɛmanle Yidɔmma.

Emɔzo Buluku ne 3:6

Asoo bɛwu aweɛne tendenle ne anu wɔ suakpole ne azo a menli ahonle ɛndu? Asoo munzule to suakpole, kyesɛ Ɛdɛnkɛma yɛɛ ɛyɛ a?

1 Sam 26:19

Nana, yɛ ɛnzolɛ tie me. Saa Ɛdɛnkɛma yɛɛ ɛmaa ɛlɛtu me mgbaliko ɛhye a, ɛnee azubɔlɛ bamaa yeahakyi ye adwenle; na saa ɔle menli ngyehyɛlɛ ɛdeɛ a, ɛnee Ɛdɛnkɛma ɛdua bɛ kakɛ, ɔluakɛ bɛvoa me bɛvi Ɛdɛnkɛma ɛzonlenlɛ ne anwo, na bɛmaa mehɔ ɛleka mɔɔ bɛnzonle Nyamenle la.