2 Edk 21:13 - BAEBOLO ANZƐƐ BULUKU NWUANZANWUANZA

¹³ na wɔva Yizilayɛ arelemgbunli agyakɛ, wɔmaa Dwudama nee Gyɛlusalɛm amra amuala ɛyɛ ɛtane, kɛmɔ Ehabe sua nu amra manle Yizilayɛma yɛle ɛtane la, na wɔhu ɛ mediema mɔɔ ɛ nee bɛ bɛ ze le ko, na bɛle kpalɛ bɛtɛla ɛdawɔ mumua ne la,

2 Edk 21:13 ပူးပေါင်းရင်းမြစ်များ

1 Arl 16:25

Ɔmelae yɛle debie mɔɔ Ɛdɛnkɛma kyi la, bɔbɔ akee ɔdɛlale alumua arelemgbunli ne mɔ.

2 Arl 9:22

Dwɔlam bizale Gyihu kɛ, “Ɔle bɛtɛɛ ɔ?” Na Gyihu buale ye kɛ, “Kɛ ɔsi ɔyɛ bɛtɛɛ ɛ, wɔ mekɛ mɔɔ ɛ nli Gyɛzɛbɛle ɛva ye ayɛne nee awozonle ɛzonlenlɛ nu tuutuulilɛ ɛbɛla ɛyɛ maanle ye totɔɔ zɛhae la?”

2 Edk 21:11

Yeanga ɛhye angome, eza ɔyɛle ɛleka ne mɔ mɔɔ menli mɔɔ ɛnze Nyamenle la sonle la, na ɔmanle Gyɛlusalɛm amuala yɛle ɛtane tiale Ɛdɛnkɛma; ɔminlinle Dwudama bɔkɔɔ.

2 Edk 21:14

Ɛdɛnkɛma bamaa ewule nzane aradɔ wɔ menli ne, ɛ mra nee wɔ mraalɛ anwo, na yeazɛkye wɔ agyadeɛ kɔsɔɔti.

2 Edk 21:4

Mɔɔ Gyɛhɔlam ralile ɔ ze ebia ne na ɔnyianle gyinlagyakɛ la, ɔmanle bɛhunle ɔ mediema mrenya ne mɔ amuala, nee Yizilayɛ mgbanyima ne bie mɔ.

2 Edk 21:6

Ɔvale Yizilayɛ arelemgbunli ne mɔ agyakɛ, ɔbɔle Ehabe sua nu amra ɛbɛla ne bie, ɔluakɛ ɛnee ɔgya Ehabe ara raalɛ. Ɔyɛle ɛtane ɔtiale Ɛdɛnkɛma,

2 Edk 24:18

Bɛgyakyile ɛzonlenlɛ wɔ Ɛdɛnkɛma, bɛ ze mɔ Nyamenle ne Ɛzonlenlɛ Sua ne anu, na bɛhɔzonlenle bɛ bozonle raalɛ Ahyela ne ananze ne mɔ, na bɛzɔle mmonle. Na Nyamenle ɛya ne rale Gyɛlusalɛm amra nee Dwudama amuala anwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:15

Ɛ nee menli mɔɔ wɔ maanle ne anu la mmayɛ ngyekyeleɛ biala, amaa saa bɛdi bɛ awozonle ɛzonlenlɛ tuutuu ne na bɛabɔ azu bɛamaa bɛ awozonle ne mɔ a, bɛando ɛsalɛ bɛanvɛlɛ wɔ kɛ ɛraboka bɛ, na sɔnea ara ɛ nwo zo kɛ ɛli bɛ awozonle azubɔlɛ aleɛ ne bie.

Ayezaya Buluku ne 26:21

Ɔluakɛ bɛnlea, Ɛdɛnkɛma vi ɛleka mɔɔ ɔwɔ la ɔlɛba yearadea azɛlɛ ye azo amra wɔ bɛ ɛtane ne ati. Azɛlɛ ye baye mogya mɔɔ bɛha bɛgua ɔ nwo zo la amaa, yɛɛ ɔnrɛheda bɛdabɛ mɔɔ bɛhu bɛ la anwo zo bieko.

Habakɛke Buluku ne 2:12

Munzule ɛha sonla ne mɔɔ dua menli ɛhunlɛ zo kyekye sua, na ɔdua ɛtanelilɛ zo ɔkyekye suakpole la.

Mɛla 31:16

Na Ɛdɛnkɛma zele Mosisi kɛ, “Ɔnrɛhyɛ biala na wɔahɔ wɔ ɛkɛla nzi. Na menli ɛhye mɔ babɔ tuutuu ɛbɛla, bɛakpo me na bɛazonle azɛlɛ ne mɔɔ bɛkadɛnla zolɛ la azo awozonle ne mɔ. Bɛ rɛle bavi me na bɛatulu ngyekyeleɛ ne mɔɔ me nee bɛ ɛyɛ la.

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.