2 Edk 21:11 - BAEBOLO ANZƐƐ BULUKU NWUANZANWUANZA

¹¹ Yeanga ɛhye angome, eza ɔyɛle ɛleka ne mɔ mɔɔ menli mɔɔ ɛnze Nyamenle la sonle la, na ɔmanle Gyɛlusalɛm amuala yɛle ɛtane tiale Ɛdɛnkɛma; ɔminlinle Dwudama bɔkɔɔ.

2 Edk 21:11 ပူးပေါင်းရင်းမြစ်များ

1 Arl 11:7

Ɔzile Mowabe bozonle anwo ɛzulolɛ ne mɔɔ bɛfɛlɛ ye Kimɔhye la yɛɛ Amɔn bozonle anwo ɛzulolɛ ne mɔɔ bɛfɛlɛ ye Molɛke la mmonle azua wɔ boka ne mɔɔ wɔ Gyɛlusalɛm aduduleɛ la azo.

1 Arl 14:16

Gyɛlɔbowam ɛyɛ ɛtane yemaa Yizilayɛma amuala ɛyɛ ɛtane. Zɔhane ati Ɛdɛnkɛma baye ɔ nye wɔ Yizilayɛma anwo zo.”

1 Arl 14:9

Na wɔmɔ, wɔvo me wɔdɛla menli mɔɔ lumuale lile ebia ne la. Wɔhakyi ɛ nzi wɔzi me bɔkɔɔ na wɔyɛ awozonle nee ananze wɔva wɔha me ɛya kpole.

2 Arl 21:11

“Belemgbunli Manasɛ ɛbɔ munzule mgbole mgbole ɛhye mɔ, yeyɛ amumuyɛ yedɛla mɔɔ Keenama yɛle bɔbɔ la, yeva ye awozonle ɛzonlenlɛ yemaa Dwuda amuala ɛyɛ ɛtane.

2 Arl 9:22

Dwɔlam bizale Gyihu kɛ, “Ɔle bɛtɛɛ ɔ?” Na Gyihu buale ye kɛ, “Kɛ ɔsi ɔyɛ bɛtɛɛ ɛ, wɔ mekɛ mɔɔ ɛ nli Gyɛzɛbɛle ɛva ye ayɛne nee awozonle ɛzonlenlɛ nu tuutuulilɛ ɛbɛla ɛyɛ maanle ye totɔɔ zɛhae la?”

2 Edk 21:10

Yemɔti ɔvi mekɛ ne toonwo mɔɔ ɛradwu ɛnɛ la, Yidɔmma di bɛ ti anwo. Mekɛ zɔhane ala anu Lebena ɔdaye ɔdele atua kɛ bɛnrɛzonle Dwuda belemgbunli ne bieko, ɔboalekɛ yegyakyi Ɛdɛnkɛma, ɔ ze mɔ Nyamenle ne anzi ɛlilɛ.

2 Edk 21:13

na wɔva Yizilayɛ arelemgbunli agyakɛ, wɔmaa Dwudama nee Gyɛlusalɛm amra amuala ɛyɛ ɛtane, kɛmɔ Ehabe sua nu amra manle Yizilayɛma yɛle ɛtane la, na wɔhu ɛ mediema mɔɔ ɛ nee bɛ bɛ ze le ko, na bɛle kpalɛ bɛtɛla ɛdawɔ mumua ne la,

2 Edk 33:9

Belemgbunli Manasɛ lile Dwudama nee Gyɛlusalɛmma anyunlu manle bɛyɛle bɛkyi ninyɛne kpalɛ bɛdɛlale maanle maanle mɔɔ Ɛdɛnkɛma zɛkyele bɛ wɔ mekɛ mɔɔ Yizilayɛma ɛlɛba la anu amra.

Edwɛndolɛ Buluku ne 106:39

Ɛhye ati bɛ nyɛleɛ manle evinli hanle bɛ, na bɛluale bɛ nyɛleɛ zo bɛbɔle nyamenlezonlenlɛ nu tuutuu ɛbɛla.

Edwɛndolɛ Buluku ne 78:58

Bɛvale bɛ ɛleka mɔɔ bɛsonle la bɛhanle ye ɛya; bɛvale bɛ ananze mɔɔ bɛguale la bɛfutule ye ahonle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:16

Wɔannea a eza bɛ mra mrenya bagya bɛ mra mraalɛ ne bie mɔ, na bɛ mra mrenya ne mɔ noko ali awozonle ɛzonlenlɛ tuutuu, amaa bɛ mra mrenya ne mɔ noko ali awozonle ɛzonlenlɛ tuutuu azonle bɛ awozonle ne mɔ.

Ayezaya Buluku ne 65:7

Bɛ nee bɛ ze mɔ bɛ amumuyɛ ne babu azia bɛ kɛ bɛkpunle ɛyɛlɛ wɔ awoka mgbole ne mɔ azo, na bɛguale me nwo evinli wɔ awoka ngyikyi ne mɔ azo la. Mebadua bɛ bɛ nyɛleɛ dɛba ne mɔ anwo kakɛ. Medame Ɛdɛnkɛma a mese a.”

Gyɛlɛmaya Buluku ne 3:8

Yizilayɛ anli nɔhalɛ na ɔdonle awuvolɛvalɛ mɛla ne la ati membɔle ye ewole na menvoanle ye. Ɔ diema raalɛ Dwuda adalɛ ne nwunle ye, noko yeanzulo, na ɔdaye ɔhɔbɔle tuutuu ɛbɛla ne bie.

Yizikeɛle Buluku ne 20:28

Ɔluakɛ mɔɔ me nee bɛ radwule azɛlɛ ne mɔɔ menganle ndane kɛ mefa meamaa bɛ la azo la, ɛnee akee ɛleka biala mɔɔ bɛkɛnwu boka tendenle biala anzɛɛ baka buzuu biala la, ɛkɛ ne a bɛbɔ azu ne mɔ, na bɛye bɛ ahyɛlɛdeɛ ne mɔ, bɛyela bɛ azubɔlɛ ninyɛne ne mɔ na bɛgua bɛ nza ne mɔ a.

Yizikeɛle Buluku ne 23:11

“ Ɔ diema Ɔhɔleba nwunle ɛhye, noko yemɔ bɔbɔ akee ɔzɛkyele ɔdɛlale ɔ diema ne. Ɔbɔle tuutuu ɛbɛla ɔdɛlale ɔ diema ne.

Daneɛle Buluku ne 3:15

Saa mekɛ biala bɛte aweɛne ndendenle ne, fulutu, getaa ngyikyi nee mgbole, ɛweɛne, yɛɛ agole ngakyile ne mɔ ane na bɛkɛdu bɛkɛgua, bɛkɛzonle ananze ne mɔɔ memaa bɛzie la a, ɛnee bɛ kɔme doa zolɛ. Na saa bɛanli zolɛ a, bɛbavuandi bɛ bɛagua sendɔlɔra nu bɛayela bɛ. Ɛkɛ yɛɛ bɛbahile nyamenle holɛ ko mɔɔ balie bɛ la a.”

Hozia Buluku ne 12:1

“Debie biala mɔɔ Yifelaem yɛ, ɔvi nwonlomɔ mɔɔ kɔdwu nɔsolɛ la le mgbane na ɔsɛkye ninyɛne. Bɛbɔ adalɛ mɔnwo na bɛka konle. Bɛ nee Aselea yɛ ngyehyɛlɛ na bɛfa nwole bɛkɔ Yigyibiti.”

Hozia Buluku ne 4:15

“Saa bɛmɛ Yizilayɛma, bɛbɔ tuutuu ɛbɛla a, Dwudama ɛnli nwolɛ fɔlɛ. Bɛmmakɔ Gelegale anzɛɛ Bɛteevɛn kɛ bɛkazonle, yɛɛ bɛmmafa ‘Tease Ɛdɛnkɛma’ duma bɛka ndane.

Sɛlɛ 17:7

Zɔhane ati ɔnle kɛ awie biala ku nane bɔ azu maa mbɔnkye awozonle ne mɔ na bɛbɔ tuutuu ɛbɛla mgbane biala. Ɛhye bayɛ mɛla amaa bɛ mekɛ biala, wɔ bɛ awolɛndoazo muala anu.

Sɛlɛ 20:5

mebava me nye meazie ahenle nee ye mbusuafoɔ anyunlu, na meaye bɛ nee bɛdabɛ mɔɔ bɛdoale ye bɛhɔbɔle tuutuu ɛbɛla mgbane ne wɔ bozonle Molɛke abo la amuala meavi bɛ menli avinli.

Habakɛke Buluku ne 2:15

Munzule ɛha sonla ne mɔɔ dua ye ɛya zo sisi ɔ gɔnwo mɔ, ɔbɔ bɛ anyiemgba, na ɔmaa bɛkɔ ye gyigyiligyigyili kɛ asɛɛ bɛnlo nza bɛbo la. Munzule ɛha sonla ne mɔɔ kɛmaa ɔ gɔnwo nza kɛnlo kɛbo na yeagolo ɔ nwo la.

Mɛla 31:16

Na Ɛdɛnkɛma zele Mosisi kɛ, “Ɔnrɛhyɛ biala na wɔahɔ wɔ ɛkɛla nzi. Na menli ɛhye mɔ babɔ tuutuu ɛbɛla, bɛakpo me na bɛazonle azɛlɛ ne mɔɔ bɛkadɛnla zolɛ la azo awozonle ne mɔ. Bɛ rɛle bavi me na bɛatulu ngyekyeleɛ ne mɔɔ me nee bɛ ɛyɛ la.