2 Edk 21:10 - BAEBOLO ANZƐƐ BULUKU NWUANZANWUANZA

¹⁰ Yemɔti ɔvi mekɛ ne toonwo mɔɔ ɛradwu ɛnɛ la, Yidɔmma di bɛ ti anwo. Mekɛ zɔhane ala anu Lebena ɔdaye ɔdele atua kɛ bɛnrɛzonle Dwuda belemgbunli ne bieko, ɔboalekɛ yegyakyi Ɛdɛnkɛma, ɔ ze mɔ Nyamenle ne anzi ɛlilɛ.

2 Edk 21:10 ပူးပေါင်းရင်းမြစ်များ

1 Arl 11:31

na ɔzele Gyɛlɔbowam kɛ, “Die tɛladeɛ azinli azinli ye anu bulu fa, ɔboalekɛ kɛ Ɛdɛnkɛma Yizilayɛ Nyamenle ne se la ɛne, ‘Ɔnrɛhyɛ biala, mebalie Yizilayɛ maanle ne meavi Sɔlɔmɔn asa anu na meava maanle ne anu mbusua ekpunli bulu meawula ɛ sa nu.

1 Arl 11:33

Ɔboalekɛ Sɔlɔmɔn ɛkpo me yehɔzonle Saedɛn bozonle raalɛ Asetate nee Mowabe bozonle Kimɔhye nee Amɔn bozonle Melekɔn ne. Sɔlɔmɔn ɛdu me nloa ɛdo. Yeyɛ ɛtane, kɛmɔ ɔ ze Devidi yɛle la.

2 Arl 19:8

Aselea safohyenlema kpanyinli ne dele kɛ ye belemgbunli ne ɛvi Leekehye na yera Lebena ɔ nee ɛkɛ ne amra ɛlɛko, yemɔti ɔhɔle ɛkɛ ne kɛ ɔ nee ye kava adwenle.

2 Edk 13:10

“Na yɛmɛ, Ɛdɛnkɛma a le yɛ Nyamenle a, yɛɛ yɛtɛkpole ye. Yɛlɛ sɛlɛvolɛma mɔɔ kɔ Ɛdɛnkɛma anyunlu maa yɛ na bɛle Aalɔn abo zo amra a, yɛɛ yɛlɛ Livaema mɔɔ boa bɛ a.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 21:11

Yeanga ɛhye angome, eza ɔyɛle ɛleka ne mɔ mɔɔ menli mɔɔ ɛnze Nyamenle la sonle la, na ɔmanle Gyɛlusalɛm amuala yɛle ɛtane tiale Ɛdɛnkɛma; ɔminlinle Dwudama bɔkɔɔ.

2 Edk 21:8

Ye mekɛ zo Yidɔmma dele atua kɛ bɛnrɛzonle Dwuda belemgbunli ne bieko, na bɛdabɛ bɛziele bɛ belemgbunli ɛdeɛ.

2 Edk 21:9

Yemɔti Gyɛhɔlam vale ye safohyenlema nee ye ɛlɔnema mɔɔ tɛnla ehwili nu ko la na kenle ko nɔɔzo bɛdwazole bɛhɔtetale Yidɔm. Yidɔmma bɛnrale yiale bɛ, noko bɛbɔle mɔdenle bɛwolole bɛ sa abo.

Ayezaya Buluku ne 1:28

Bɛbazɛkye ɛtanema nee atuadelɛma, na bɛahu menli mɔɔ kpo Ɛdɛnkɛma la amuala.

Gyɛlɛmaya Buluku ne 2:13

Ɔluakɛ me menli ne ɛyɛ ɛtane nwiɔ: bɛkpo me, bɛ ngoane nzubula ne, na bɛdabɛ bɛhɔbɔ bɛ bula ɛdeɛ, bula mɔɔ ɛbolo, mɔɔ ngoane nzule ɛngola ɛngyinla nu.

Gyɛlɛmaya Buluku ne 2:19

Wɔ amumuyɛ ne badua wɔ kakɛ, ɛkpolɛ mɔɔ wɔkpo me la babua wɔ ewule fɔlɛ. Nwu ye kɛ ɔle nyane nee munzule ɔmaa wɔ kɛ ɛkɛkpo Ɛdɛnkɛma wɔ Nyamenle ne; ɛnzulo me fee, Tumivolɛ Awulae Nyamenle a se a.

Mɛla 31:17

Mekɛ zɔhane anu, mebava bɛ nwo ɛya na meamaa bɛazɛkye bɛ. Munzule dɔɔnwo basisi bɛ nwo zo na bɛanwu amaneɛ. Na ɔdwu zo a akee bɛbaha kɛ, ‘Ɛhye mɔ kɔsɔɔti ɛzi yɛ nwo zo, ɔboalekɛ yɛ Nyamenle ne ɛnle yɛ avinli.’

Mɛla 32:21

Bɛva debie mɔɔ ɛnle nyamenle la bɛha me ɛya, bɛva bɛ mmonle bɛfutu me ahonle. Yemɔti medame mebava menli mɔɔ ɛndo ɛhwee la meaha bɛ ɛya; mebava maanle kɔnwɔne bie meaha bɛ ɛya.

Dwɔhyua Buluku ne 10:29

Ɛhye anzi, Dwɔhyua nee ye ɛlɔnema ne vi Makidaa hɔle Lebena na ɔ nee Lebenama hɔhonle.

Dwɔhyua Buluku ne 21:13

Bɛvale azuamgbole ɛhye mɔ nee Hibulɔn (Hibulɔn le ɛvealeka),

Maanlebuvolɛma Buluku ne 10:13

Noko bɛkpo me na bɛzonle nyamenle gyɛne, yemɔti menrɛlie bɛ bieko.