2 Edk 20:7 - BAEBOLO ANZƐƐ BULUKU NWUANZANWUANZA

⁷ O yɛ Nyamenle, ɛdawɔ yɛɛ ɛvoanle menli mɔɔ ɛnee de azɛlɛ ye azo la ɛvile Yizilayɛma anyunlu, na ɛvale azɛlɛ ne ɛmanle ɛ gɔnwo Ebileham abo zo amra bɔkɔɔ a.

2 Edk 20:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:15

ɔluakɛ mebava azɛlɛ ne mɔɔ ɛ nye dua ye la amuala meamaa wɔ nee ɛ bo zo amra, meamaa yeayɛ bɛ ɛdeɛ bɔkɔɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:7

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 20:8

Bɛdɛnla zo mekɛ dɔɔnwo na bɛzi ɛleka nwuanzanwuanza bɛmaa wɔ, na bɛzɛlɛ wɔ kɛ,

Nihɛmaya Buluku ne 9:8

Ɛnwunle kɛ ɔdi nɔhalɛ ɔmaa wɔ, na ɛ nee ye yɛle ngyekyeleɛ. Ɛbɔle ye ɛwɔkɛ kɛ ɛkɛva Keenama, Hɛtema, yɛɛ Amɔlema, Pɛlɛzema nee Gyibɛsema, yɛɛ Gɛgahyema azɛlɛ ne mɔ ɛkɛmaa ɔ bo zo amra. Ɛlile wɔ ɛwɔkɛ zo, ɔboalekɛ ɛdi nɔhalɛ.

Edwɛndolɛ Buluku ne 44:2

Ɛvale wɔ tumi ɛvoanle maanle maanle, na ɛvale bɛmɛ ɛziele bɛ gyakɛ anu. Ɛmanle menli ɛhendeɛ ne mɔ nwunle nyane, na ɛmanle bɛmɛ bɛvale bɛ nwo dwɔɔ.

Edwɛndolɛ Buluku ne 44:3

Bɛdabɛ bɛanva bɛ dadeɛ bɛango bɛanva azɛlɛ, bɛdabɛ bɛanva bɛ anwosesebɛ bɛanli konim; na ɛvale wɔ tumi kpole ne nee wɔ anwosesebɛ ne, yɛɛ ɛ nyunlu ɛdalɛ kpole ne ɛlile konim; ɔluakɛ ɛ nye die bɛ nwo.

Edwɛndolɛ Buluku ne 80:8

Ɛvale vanye baka ɛvile Yigyibiti ɛrale; ɛvoanle maanle maanle ne mɔ na ɛluale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:2

Mebamaa Nyamenle soanvolɛ ali bɛ nyunlu, na meavoa Keenama, Amɔlema, Hɛtema, Pɛlɛzema, Haevaema, yɛɛ Gyibɛsema.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Ayezaya Buluku ne 41:8

“Na bɛmɛ Yizilayɛma, me sonvolɛ Gyekɔbo abo zo amra mɔɔ mekpa nu meye bɛ, me gɔnwo Ebileham nlɔnra,

Dw 11:11

Gyisɛse hanle ɛhye na ɔvale ɔzɔle zolɛ kɛ, “Yɛ gɔnwo Lazalɛse ɛlafe, na mekɔ meahɔdunwue ye.”

Dw 15:15

Menvɛlɛ bɛ sonvolɛma bieko, ɔboalekɛ sonvolɛ biala ɛnze mɔɔ ɔ menle ne ɛlɛyɛ la. Mefɛlɛ bɛ me gɔnwo mɔ, ɔboalekɛ mɔɔ mendele ye wɔ Egya ɛkɛ ne la meha ye kpokpoti mehile bɛ.

Mɛla 4:38

Na ɔvoanle maanle maanle mɔɔ le mgbole, bɛ nwo yɛ se tɛla bɛ la ɔvile bɛ nye zo na ɔ nee bɛ ɛra kɛ ɔbava bɛ azɛlɛ ne yeamaa bɛava bɛayɛ bɛ ɛdeɛ, kɛmɔ kɛkala ɔde la.

Gyemise Kɛlata ne 2:23

Ɛhye maa Nyamenle Edwɛkɛ ne yɛ nɔhalɛ kɛ, “Ebileham liele Nyamenle lile, na ɔlua ye diedi ti Nyamenle liele ye kɛ ɔle sonla tenlene.” Na ɔlua zolɛ bɛvɛlɛle Ebileham Nyamenle agɔnwo.

Dwɔhyua Buluku ne 1:6

Mmasulo, gyinla kpundii, ɔluakɛ ɛbali menli ɛhye mɔ ati na bɛava azɛlɛ ne bɛadɛnla zolɛ, kɛmɔ menvale membɔle bɛ nlenya mɔ ɛwɔkɛ la.

Dwɔhyua Buluku ne 23:9

Ɛdɛnkɛma voanle maanle mgbole mgbole mɔɔ anwo yɛ se la wɔ mekɛ mɔɔ bɛzele kɛ bɛba bɛ nyunlu la. Maanle maanle zɔhane mɔ anu menli, ko bɔbɔ angola bɛ nyunlu gyinla.

Dwɔhyua Buluku ne 24:13

Memanle bɛ azɛlɛ mɔɔ tɛ bɛ a bɛbule ye ɛhoayelɛ la, nee azuamgbole mɔɔ tɛ bɛ a bɛkyekyele la. Kɛkala, bɛde zolɛ yɛɛ bɛlɛdi vanye ma nee ɔlivi ma wɔ mbaka mɔɔ tɛ bɛ a bɛluale la azo.’ ”

Dwɔhyua Buluku ne 24:3

Na menyele bɛ nlenya Ebileham menvile azɛlɛ ne mɔɔ la Azule Yufileti ne anzi lɔ la azo, na mengilele ye Keena azɛlɛ ye amuala. Memanle ɔ sa zo dale. Memanle ɔwole Ayezeke,