2 Edk 20:6 - BAEBOLO ANZƐƐ BULUKU NWUANZANWUANZA

⁶ na ɔzɛlɛle kɛ, “O Ɛdɛnkɛma, yɛ ze mɔ Nyamenle, wɔmɔ a ɛle Nyamenle mɔɔ ɛwɔ anwuma na ɛsie arelemgbunli maanle maanle kɔsɔɔti mɔɔ wɔ ewiade la a. Wɔmɔ yɛɛ ɛlɛ tumi nee anwosesebɛ mɔɔ awie ɛngola ɛ nyunlu gyinla a.

2 Edk 20:6 ပူးပေါင်းရင်းမြစ်များ

1 Arl 8:23

ɔzele kɛ, “O Ɛdɛnkɛma, Yizilayɛ Nyamenle, wɔmɔ, nyamenle biala nee wɔ ɛnzɛ wɔ anwuma anzɛɛ azɛlɛ ye azo; wɔmɔ, ɛdi wɔ ɛwɔkɛ zo, na ɛkile ɛhulolɛ kpole ɛmaa wɔ ngɛkɛlɛ mɔɔ fa bɛ ahonle kpokpoti yɛ tieyɛ maa wɔ la.

1 Arl 8:30

Mekɛ biala mɔɔ medame anzɛɛ wɔ menli Yizilayɛma kɛhakyi bɛ nye Ɛzonlenlɛ Sua ɛhye anwo kɛzɛlɛ wɔ la, tie yɛ modolɛ wɔ wɔ sua nu anwuma lɔ na fa yɛ ɛtane ne mɔ kyɛ yɛ.

1 Edk 29:18

Yɛ nlenya mɔ Ebileham, Ayezeke, nee Gyekɔbo Ɛdɛnkɛma Nyamenle, maa tunwomaa sunsum ye mɔɔ menli ye ɛnyia ye la ɛdɛnla bɛ nu dahuu na ɔnyi, na maa bɛli nɔhalɛ bɛmaa wɔ.

2 Edk 20:5

Na Gyɛhɔhyafate dwazole gyinlanle Ɛdɛnkɛma Ɛzonlenlɛ Sua ne alie fofolɛ ne mɔɔ bɔ zo mɔɔ bɛyɛ la anwo, wɔ Dwudama nee Gyɛlusalɛmma amuala anyunlu,

2 Edk 25:8

Saa wɔ adwenle yɛ wɔ kɛ ɛhye mɔ yɛɛ bamaa ɛ nwo ayɛ se wɔ konle nu a, ɛnee nwu ye kɛ, Nyamenle bamaa wɔ kpɔvolɛma ali ɛ nwo zo konim, ɔluakɛ Nyamenle lɛ tumi, ɔkola ɔmaa ɛdi konim, yɛɛ ɔkola ɔmaa wɔ kpɔvolɛma di ɛ nwo zo konim.”

2 Edk 6:14

Akee ɔzɛlɛle kɛ, “O Ɛdɛnkɛma, Yizilayɛ Nyamenle, nyamenle biala nee wɔ ɛnzɛ wɔ anwuma anzɛɛ aze ɛke, mɔɔ di ye ngyekyeleɛ mɔɔ ɔ nee ye ngɛkɛlɛ kɛkyekye la azo, na ɔkile ye ɛhulolɛ ne mɔɔ ɛmbɔ aze ɛlɛ la wɔ ye ngɛkɛlɛ mɔɔ kɛyeye bɛ ahonle nu kɛyɛ tieyɛ kɛmaa ye la anwo a.

Dwobu Buluku ne 9:4

Ɔle nrɛlɛbɛvolɛ, yɛɛ ye anwosesebɛ le bedevinli; nwane a nee ye ɛdwudwu na yenyia gyinlagyakɛ a?

Edwɛndolɛ Buluku ne 115:3

Yɛ Nyamenle ne wɔ anwuma; ɔyɛ debie biala mɔɔ ɔdaye ɔkulo la.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 47:2

Ɔluakɛ Ɛdɛnkɛma, Anwuma Anwumanli ne anwo yɛ ɛzulolɛ, ɔle belemgbunli kpole wɔ azɛlɛ ye amuala azo.

Edwɛndolɛ Buluku ne 47:8

Nyamenle le maanle maanle kɔsɔɔti belemgbunli; Nyamenle de ye belemgbunli ebia nwuanzanwuanza ne anu.

Edwɛndolɛ Buluku ne 54:1

O Nyamenle, wɔ duma ne ati, die me; fa wɔ tumi ne die me ti.

Edwɛndolɛ Buluku ne 62:11

Nyamenle ɛdendɛ ko; mede ɛhye fane nwiɔ; kɛ tumi le Nyamenle ɛdeɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6

Eza ɔzele kɛ, “Mame a mele ɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne.” Na Mosisi hedale ɔ ti zo, ɔluakɛ ɔsulo kɛ ɔkɛnlea Nyamenle.

Ayezaya Buluku ne 14:27

Tumivolɛ Ɛdɛnkɛma a ɛhyehyɛ ɛdo ɛkɛ a, nwane a kɛhola kɛzɛkye ye a? Ɛdɛnkɛma ɛdenrɛ ɔ sa, nwane a kɛhola kɛkpɔla ɔ sa a?

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Gyɛlɛmaya Buluku ne 49:19

Kɛmɔ awenade vi Dwɔdan kpɔkɛ nu finde ba mboane kpolane nwo zo a bɛnriandi la, zɔhane ala a mebamaa bɛanriandi bɛavi Yidɔm a, na mebaye sonla mɔɔ mekulo la meamaa yeazie suakpole ne. Nwane a nee me sɛ a? Nwane a kɛhola nee me kɛdwudwu a? Belemgbunli boni a kɛhola me nyunlu gyinla a?

Daneɛle Buluku ne 4:17

Nyamenle soanvolɛma ne mɔɔ sinza la anloa edwɛkɛ ɛne. Ɔle kpɔkɛ mɔɔ nwuanzanwuanzama ne ɛbɔ, amaa menli kɔsɔɔti anwu kɛ Anwuma Anwumanli ne lɛ tumi wɔ ewiade belemgbunlililɛ zo, yɛɛ ɔfa ɔmaa awie biala mɔɔ ɔkulo la, ɔnvane nwolɛ kɛ ahenle le koahweabane bɔbɔ.’

Daneɛle Buluku ne 4:25

Bɛbavoa wɔ bɛavi menli nu bɛamaa ɛ nee ɛbɔ nu nane ahɔdɛnla; ɛbali ndile kɛ ɛnlankɛ nyinli na ɛbɔlɛ adɔ ɛ nwo zo toonwo ɛvolɛ nsuu. Ɛhye anzi ɛbanwu kɛ Anwuma Anwumanli ne a sie ewiade a, yɛɛ ɔfa ɔmaa awie biala mɔɔ ɔkulo la.

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Mateyu hɛlɛle la 6:9

Zɔhane ati, bɛmɛ, bɛyɛ nzɛlɛlɛ a bɛyɛ ye zɛhae: ‘Yɛ Ze mɔɔ wɔ anwuma: Wɔ duma nwo ɛde;

Ɛzoanvolɛma Gyima ne 11:17

Na saa Nyamenle ɛmaa bɛdabɛ mɔɔ bɛnle Dwuuma la ahyɛlɛdeɛ, kɛmɔ mɔlebɛbo ne ɔvale ɔhyɛle yɛ kɛ yɛlie Awulae Gyisɛse Kelaese yɛli la a, ɛnee mame a le nwane, mɔɔ ɔwɔ kɛ metua Nyamenle adenle a!”

Wulo 9:19

Bie babiza me kɛ, “Saa ɔle zɛhae a, ɛnee kɛ ɔyɛ mɔɔ Nyamenle tɛnwu nvonleɛ wɔ sonla nwo ɛ? Nwane yɛɛ kɛhola kɛzi Nyamenle ɛhulolɛdeɛ ne aze a?”

Mɛla 4:39

Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.

Dwɔhyua Buluku ne 2:11

Yɛdele la yɛzulole kpole, na ɔlua bɛmɛ bɛ ti, anwosesebɛ biala mɔɔ yɛlɛ la ɛwie. Ɔluakɛ Ɛdɛnkɛma bɛ Nyamenle ne a le Nyamenle wɔ anwuma lɔ nee azɛlɛ ye azo a.