2 Edk 20:32 - BAEBOLO ANZƐƐ BULUKU NWUANZANWUANZA

³² Ɔvale ɔ ze Esa agyakɛ na ɔbɔle ɛbɛla mɔɔ ɔ ze bɔle la bie; yeangakyi ye nyɛleɛ, na ɔyɛle mɔɔ sɔ Ɛdɛnkɛma anye la.

2 Edk 20:32 ပူးပေါင်းရင်းမြစ်များ

1 Arl 15:11

Esa ɛbɛla zɔle Ɛdɛnkɛma anye kɛ ɔ nlenya Devidi ɛdeɛ ne la.

2 Edk 15:17

Yeanzɛkye ɛleka ne mɔ mɔɔ menli mɔɔ ɛnze Nyamenle la sonle la, noko Belemgbunli Esa lile nɔhalɛ manle Ɛdɛnkɛma wɔ mekɛ mɔɔ ɔde ngoane nu la.

2 Edk 20:31

Gyɛhɔhyafate lile ɛvolɛ abulasa nee nnu la yɛɛ ɔbɔle ɔ bo kɛ ɔdi belemgbunli wɔ Dwuda a. Ɔdɛnlanle Gyɛlusalɛm ɔlile ebia ne ɛvolɛ abulanwiɔ nee nnu. Ɔ nli a le Hyelebae ara raalɛ Azuba.

2 Edk 20:33

Noko yeanzɛkye ɛleka ne mɔ mɔɔ menli mɔɔ ɛnze Nyamenle la sonle la, yɛɛ ɛnee menli ne ɛtɛfale bɛ ahonle muala ɛtɛmanle bɛ ze mɔ Nyamenle ne kɛ yemɔ ala a bɛkɛzonle ye a.

Edwɛndolɛ Buluku ne 18:21

ɔluakɛ meli Ɛdɛnkɛma mɛla ne mɔ azo, metɛkakyile me nzi metɛsile me Nyamenle ne anyefuu nu.

Edwɛndolɛ Buluku ne 36:3

Ɔle ngunzi yɛɛ ɔbɔ adalɛ, yegyakyi nrɛlɛbɛ ɛbɛlabɔlɛ nee boɛlilɛ.