2 Edk 20:25 - BAEBOLO ANZƐƐ BULUKU NWUANZANWUANZA

²⁵ Na Gyɛhɔhyafate nee ye ɛlɔnema ne akee rale kɛ bɛbave bɛ ninyɛne. Bɛnyianle nlankɛ dɔɔnwo kpalɛ, ninyɛne, ndanlɛ, nee ninyɛne mɔɔ sonle bolɛ la. Bɛnyianle ninyɛne dɔɔnwo kpalɛ mɔɔ ɛnee akee bɔbɔ bɛngola bɛ soa a. Ninyɛne ne zonle somaa; bɛvale kenle nsa a bɛhwenle ninyɛne ne a.

2 Edk 20:25 ပူးပေါင်းရင်းမြစ်များ

2 Edk 20:24

Dwuda ɛlɔnema ne dwule fienemgbole ne anu tawa ne mɔɔ bɛgyinla zo bɛneɛnlea maanle nu la anwo la, bie mɔ vole zolɛ na bɛnwunle kɛ, menli ɛwolaa ne kɔsɔɔti ɛyɛ avunli na bɛgua azɛlɛ ne anwo. Ko bɔbɔ anvi ɛsalɛ.

2 Edk 20:26

Kenle nna ne azo bɛ muala bɛrayiale “Bɛleeka” Bɔnza, na bɛyele Ɛdɛnkɛma ayɛlɛ. Zɔhane ati, bɔnza zɔhane, ɛnɛ nee ɛnɛ ala bɛfɛlɛ ye Bɛleeka Bɔnza.

Edwɛndolɛ Buluku ne 68:12

Bɛse, “Ɛlɔnema nee bɛ arelemgbunli ne mɔ ɛlɛnriandi, bɛlɛnriandi!” Mraalɛ bɔbɔ mɔɔ wɔ sua nu mɔɔ nee mboane a de la

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:22

Yizilayɛnli raalɛ biala bahɔ ye manivolɛ Yigyibitinli raalɛ mɔɔ ɔ nee ye de nee mɔɔ ɛradɛnla ye sua nu la ɛkɛ ahɔlie dwɛtɛ fufule nee ezukoa nvutuke anwoneɛ nee ndanlɛ, na bɛava bɛaziezie bɛ mra mrenya nee mraalɛ. Na ɛhye bamaa bɛakpokpo Yigyibitima.”

Mrɛlɛbulɛ Buluku ne 3:15

Nrɛlɛbɛ sonle bolɛ tɛla anwoneɛ yɛɛ debie biala mɔɔ sonla nye die nwolɛ la nee ye ɛnzɛ.

Zɛkalaya Buluku ne 14:14

Dwudama bɔbɔ baho atia Gyɛlusalɛmma. Bɛbave anwonyia mɔɔ wɔ aleɛabo la amuala; ezukoa nvutuke, dwɛtɛ fufule, yɛɛ adɛladeɛ ngɛnlɛma dɔɔnwo mɔɔ zonle bo zolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:15

Mosisi bizale bɛ kɛ, “Duzu ati a bɛgyakyi mraalɛ ne mɔ kɔsɔɔti ɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:53

Ɛlɔnema ne biala ninyɛne ɛdeɛ mɔɔ ɔnyianle la boka ninyɛne mɔɔ bɛnyianle bɛ bɛ nee bɛ rale la anwo.

Wulo 8:37

Kyɛkyɛ, wɔ ninyɛne ɛhye mɔ kɔsɔɔti anu, yɛlua mɔɔ hulole yɛ la anwo zo yɛdi konim!

Dwɔhyua Buluku ne 11:14

Yizilayɛma ne vale ninyɛne mɔɔ anwo hyia nee nyɛmoa mɔɔ wɔ azuamgbole ne mɔ azo la. Na bɛhunle awie biala; ko bɔbɔ anga.