2 Edk 20:24 - BAEBOLO ANZƐƐ BULUKU NWUANZANWUANZA

²⁴ Dwuda ɛlɔnema ne dwule fienemgbole ne anu tawa ne mɔɔ bɛgyinla zo bɛneɛnlea maanle nu la anwo la, bie mɔ vole zolɛ na bɛnwunle kɛ, menli ɛwolaa ne kɔsɔɔti ɛyɛ avunli na bɛgua azɛlɛ ne anwo. Ko bɔbɔ anvi ɛsalɛ.

2 Edk 20:24 ပူးပေါင်းရင်းမြစ်များ

2 Arl 19:35

Kenle ko ne nɔe ne Ɛdɛnkɛma soanvolɛ hɔle Aseleama azokoɛleɛ ne hɔhunle ɛlɔnema ne anu apenle ngoko ɛya ko abulatwɛ nee nnu. Aleɛ kahye la ɛnee bɛwu bɛgua ɛkɛ.

1 Edk 5:22

Bɛhunle bɛ kpɔvolɛma ne anu dɔɔnwo, ɔboalekɛ ɛnee konle ne le Nyamenle konle. Na bɛdɛnlanle maanle zɔhane anu toonwo ɔhɔdwule mekɛ mɔɔ bɛhyele Yizilayɛma nuokɛ bɛhɔle nlɔnu la.

2 Edk 20:23

Amɔnoma nee Mowabema bɔle nu hunle Yidɔm ɛlɔnema ne amuala bɔle bɛ bo zo. Bɛwiele Yidɔmma ku la, bɛdabɛ bɛ ngome bɛhakyile bɛ nye bɛbɔle ye zo na bɛpɛle bɛ nwo bɛhuhunle bɛ nwo bɔkɔɔ.

2 Edk 20:25

Na Gyɛhɔhyafate nee ye ɛlɔnema ne akee rale kɛ bɛbave bɛ ninyɛne. Bɛnyianle nlankɛ dɔɔnwo kpalɛ, ninyɛne, ndanlɛ, nee ninyɛne mɔɔ sonle bolɛ la. Bɛnyianle ninyɛne dɔɔnwo kpalɛ mɔɔ ɛnee akee bɔbɔ bɛngola bɛ soa a. Ninyɛne ne zonle somaa; bɛvale kenle nsa a bɛhwenle ninyɛne ne a.

Ɛzela Buluku ne 9:14

Saa ye zɛhae a ɛnee yɛbulu wɔ mɛla ne azo bieko na yɛsia yɛ nee amumuyɛma ɛhye mɔ gyigya yɛ nwo a ɔnrɛyɛ boɛ. Yɛyɛ ye zɔhane a ɛbava ɛya kpole na wɔazɛkye yɛ mɔɔ yɛ nuhua ko bɔbɔ ɛnrɛha a.

Edwɛndolɛ Buluku ne 110:6

Ɔbadea maanle maanle ne mɔ, na yeamaa avunli ayiyi bɛ ahonleɛ; ɔbahu bɛ arelemgbunli mɔɔ wɔ ewiade amuala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:28

Nyevile ne yile bɔle nu monlanle konle ehwili ne mɔ, menli mɔɔ ka mgbɔnwɔ ne mɔ, nee Yigyibitima pemgbenleamgbe ne mɔɔ ɛlɛfoa Yizilayɛma la; bɛ nuhua ko bɔbɔ anga.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:30

Ɛdɛnkɛma liele Yizilayɛma kenle ko ne vile Yigyibitima asa anu. Na Yizilayɛma nwunle Yigyibitima avunli ne mɔ wɔ nyevile ne anloa.

Ayezaya Buluku ne 37:36

Ɛdɛnkɛma soanvolɛ ne hɔle Aselea ɛlɔnema azokoɛleɛ ne na ɔhɔhunle bɛ nuhua apenle ngoko ɛya ko abulatwɛ nee nnu. Mɔɔ menli dwazole nwonlomɔ mangyee ne la ɛnee bɛ kɔsɔɔti bɛ avunli gua ɛkɛ.

Gyɛlɛmaya Buluku ne 33:5

Babeloniama ɛlɛba aravo suakpole ye azo aho; bɛbagyakyi menli dɔɔnwo mɔɔ meva bɛ nwo ɛya la ati bɛhu bɛ la avunli wɔ kpalɛ ne mɔ azo, ɔboalekɛ menli ne amumuyɛ ti, meva me nye mevea suakpole ɛhye.