2 Edk 20:23 - BAEBOLO ANZƐƐ BULUKU NWUANZANWUANZA

²³ Amɔnoma nee Mowabema bɔle nu hunle Yidɔm ɛlɔnema ne amuala bɔle bɛ bo zo. Bɛwiele Yidɔmma ku la, bɛdabɛ bɛ ngome bɛhakyile bɛ nye bɛbɔle ye zo na bɛpɛle bɛ nwo bɛhuhunle bɛ nwo bɔkɔɔ.

2 Edk 20:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:6

Eza bɛhanle Hɔlaema mɔɔ wɔ Yidɔm awoka ne mɔ azo la senle, na bɛvoanle bɛ toonwo bɛhɔdwule Ɛlepɛlan, mɔɔ wɔ ɛsɛlɛ ne anloa la,

2 Edk 20:24

Dwuda ɛlɔnema ne dwule fienemgbole ne anu tawa ne mɔɔ bɛgyinla zo bɛneɛnlea maanle nu la anwo la, bie mɔ vole zolɛ na bɛnwunle kɛ, menli ɛwolaa ne kɔsɔɔti ɛyɛ avunli na bɛgua azɛlɛ ne anwo. Ko bɔbɔ anvi ɛsalɛ.

2 Edk 21:8

Ye mekɛ zo Yidɔmma dele atua kɛ bɛnrɛzonle Dwuda belemgbunli ne bieko, na bɛdabɛ bɛziele bɛ belemgbunli ɛdeɛ.

Ayezaya Buluku ne 19:2

Ɛdɛnkɛma se, “Mebamaa Yigyibitima angome adwazo atia bɛ nwo, adiema nee adiema baho, agɔnwolɛ badwazo agɔnwolɛ nwo zo, suakpole nee suakpole baho, na arelemgbunli adwazo arelemgbunli nwo zo.

Yizikeɛle Buluku ne 38:21

Mebamaa ɛzulolɛ kpole kpalɛ aha Gɔɔgo, medame Awulae Nyamenle a mese a. Awie biala bahwe ɔ gɔnwo anwo dadeɛ.

Hagae Buluku ne 2:22

na meabutubutu arelemgbunlililɛ nye aze. Mebazɛkye maanle maanle ne mɔ anwosesebɛ, meazɛkye bɛ konle ehwili ne mɔ nee menli mɔɔ ka la; bɛ mgbɔnwɔ nee menli mɔɔ ka mgbɔnwɔ ne mɔ la amuala badu agua, bɛdabɛ bɛ ngome bɛbapɛ bɛ nwo bɛahuhu bɛ nwo.

Mɛla 2:5

Bɛmmafa konle biala bɛtoa bɛ, ɔluakɛ menrɛva bɛ azɛlɛ ne bie menrɛmaa bɛ. Bɛ azɛlɛ ne ekyi mɔɔ le kɛ egyakɛ ko abo zo bɔbɔ la, bɛnrɛnyia ye, ɔboalekɛ meva Yidɔm maanle ne memaa Yisɔ nee ɔ bo zo amra kɛ bɛ ɛdeɛ ɔ.

Dwɔhyua Buluku ne 24:4

na Ayezeke wole Gyekɔbo nee Yisɔ. Menvale Yidɔm azɛlɛ ne mɔɔ la awoka ne mɔ azo lɔ la memanle Yisɔ kɛ ɔva ɔdɛnla zolɛ, na bɛ nlenya Gyekɔbo nee ɔ mra ne mɔ hɔle Yigyibiti.

Maanlebuvolɛma Buluku ne 7:22

Mekɛ mɔɔ Gedɛyɔn ɛlɔnema ɛya nsa ne ɛlɛwu bɛ aweɛne ne mɔ anu la, Ɛdɛnkɛma manle kpɔvolɛma ne mɔ pɛle bɛ nwo honle na bɛhunle bɛ nwo. Bɛnriandile toonwo bɛhɔle Bɛte Hyeta wɔ Zalɛtan afoa nu nehane, bɛtelele zolɛ bɛhɔdwule Ebɛle Mɛhɔla mɔɔ zua Tabate ɛweɛne zo la.

1 Sam 14:20

Sɔɔlo boɔboale ye ɛlɔnema ne anloa na ɔvale konle ɔdoale Filisitiama. Mekɛ ne anu ɛnee Filisitiama adwenle ɛha ɛbɔ nu, na anyezota ɛmaa bɛdabɛ bɛ ngome bɛpɛ bɛ nwo bɛlɛko bɛahuhu bɛ nwo.