2 Edk 20:20 - BAEBOLO ANZƐƐ BULUKU NWUANZANWUANZA

²⁰ Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

2 Edk 20:20 ပူးပေါင်းရင်းမြစ်များ

2 Sam 14:2

yemɔti ɔzoanle ɔmanle bɛhɔvale raalɛ bie wɔ Tɛkowa. Raalɛ ne ze nrɛlɛbɛ kpole kpalɛ. Mɔɔ ɔrale la Dwowabe zele ye kɛ, “Kpati yɛ kɛ ɛwɔ nyanelilɛ nu. Keda nyanelilɛ ɛdanlɛ. Mmayɛ ɛ nwo bɔkɔbɔkɔ biala; yɛ kɛ sonla mɔɔ ye awie ɛwu na yeli nyane dedee la.

1 Edk 4:5

Ahyɔɔ, mɔɔ wole Tɛkowa mɔɔ kyekyele Tɛkowa la gyale mraalɛ nwiɔ, Hila nee Neeyala.

2 Edk 11:6

Ɔkyekyele Bɛtelɛhɛm, Yitam, Tɛkowa,

2 Edk 20:19

Na Livaema mɔɔ bɔ Kohate nee Kɔla mbusua ne bie la dwazole deɛdeanle nu yele Ɛdɛnkɛma, Yizilayɛ Nyamenle ne ayɛlɛ.

Edwɛndolɛ Buluku ne 125:1

Bɛdabɛ mɔɔ bɛ rɛle wɔ Ɛdɛnkɛma anu la le kɛ Boka Zayɔn mɔɔ ɛnkpusu na ɔgyi kpundii dahuu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:31

Eza Yizilayɛma nwunle gyima kpole mɔɔ Ɛdɛnkɛma lile tiale Yigyibitima la. Menli ne zulole Ɛdɛnkɛma na bɛliele Ɛdɛnkɛma nee ye sonvolɛ Mosisi bɛlile.

Ayezaya Buluku ne 26:3

Sonla mɔɔ ye adwenle gyi ɛ nwo zo la, ɛmaa ye anzonudwolɛ mɔɔ di munli, ɔboalekɛ ɔ rɛle wɔ wɔ nu.

Ayezaya Buluku ne 28:16

Yemɔti kɛ Awulae Nyamenle ne se la ɛne, “Bɛnlea, melɛfa bolɛ meado adiabo wɔ Zayɔn. Ɔbayɛ bolɛ mɔɔ bɛzɔ bɛnlea, mgbɛnezo bolɛ mɔɔ sonle bolɛ kpalɛ wɔ adiabo kpundii nu, na meahɛlɛ zolɛ kɛ, ‘Mɔɔ die di la ɛnrɛpele ndɛ.’

Ayezaya Buluku ne 7:9

Yizilayɛ ati zɔ Samɛlea yɛɛ Samɛlea ati zɔ Belemgbunli Pikaa. “Maa Belemgbunli Ehaze ɛde ɔ bo kɛ saa ye diedi gyi kpundii ɛdeɛ a ɛnee ɔdaye ɔgyi kpundii.”

Gyɛlɛmaya Buluku ne 38:20

Gyɛlɛmaya hanle kɛ, “Bɛnrɛye wɔ bɛnrɛmaa bɛ. Wɔmɔ tie edwɛkɛ mɔɔ Ɛdɛnkɛma ɛva ɛzoa me, mɔɔ melɛka meahile wɔ la na ɔbayɛ boɛ yeamaa wɔ, bɛnrɛhu wɔ.

Gyɛlɛmaya Buluku ne 6:1

O Bɛngyamanema, bɛnriandi bɛvi Gyɛlusalɛm! Bɛlie bɛ ngoane! Bɛwu aweɛne tendenle ne anu wɔ Tɛkowa na bɛkpɔnla sɛkɛlɛneɛ wɔ Bɛte Hakɛlɛm, ɔluakɛ munzule ɛkpuke sɔlɔ ɛlɛba arazɛkye ninyɛne.

Daneɛle Buluku ne 6:23

Belemgbunli Dalayɛse lile fɛlɛko kpole na ɔzile ɔ gyakɛ aze kɛ bɛye Daneɛle wɔ tunli ne anu. Yemɔti bɛyele Daneɛle wɔ tunli ne anu, ɔ nwo kɔlɔnwo, ɔboalekɛ ɔvale ɔ rɛle ɔwulale ye Nyamenle ne nu.

Edwɛkpa ne kɛmɔ Luku hɛlɛle la 16:31

Na Ebileham zele kɛ, ‘Saa bɛnrɛdie menli mɔɔ ɛlɛkilehile bɛ Mosisi mɛla ne nee mɔɔ Nyamenle kpɔmanvolɛma ne hanle la a, ɛnee saa awie vi mɔwuamra anu dwazo kɔ bɔbɔ a, bɛnrɛdie ye.’ ”

Dw 11:40

Gyisɛse zele ye kɛ, “Metɛkanle metɛkilele wɔ kɛ saa ɛdie ɛdi a ɛkɛnwu kɛ Nyamenle anyunlunyia ne si de la ɔ?”

Dw 13:20

Meka nɔhalɛ ne meahile bɛ: Awie mɔɔ kɛlie awie biala mɔɔ menwɔzoa ye la ɛlie medame noko, yɛɛ mɔɔ kɛlie me la ɛlie ahenle mɔɔ zoanle me la.”

Dw 14:1

Gyisɛse zele bɛ kɛ, “Bɛmmamaa bɛ rɛle bɔ na bɛdi nyane. Bɛlie Nyamenle bɛli na bɛlie medame noko bɛli.

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Kɛlata mɔɔ bɛhɛlɛle bɛhɔmanle Hibuluma la 11:6

Ɔyɛ se kɛ awie mɔɔ ɛnlɛ diedi la kɛhola kɛzɔ Nyamenle anye. Ɔluakɛ ɔwɔ kɛ awie mɔɔ ba Nyamenle ɛkɛ ne la die di kɛ Nyamenle wɔ ɛkɛ na ɔyila bɛdabɛ mɔɔ bɛkpondɛ ɔ bo zo la.