2 Edk 20:17 - BAEBOLO ANZƐƐ BULUKU NWUANZANWUANZA

¹⁷ Dwudama nee Gyɛlusalɛmma, ɔnrɛhyia kɛ bɛkɛho bɔbɔ wɔ konle ɛhye anu. Bɛmɛ bɛgyinla bɛ bo zo ne, bɛmmatu bɛ bo, na bɛnlea kɛ Ɛdɛnkɛma bazi aho bɛ ti ali konim la.’ Bɛmmasulo, yɛɛ bɛmmamaa bɛ rɛle bɔ. Ɛhyema bɛhɔteta bɛ na Ɛdɛnkɛma nee bɛ bahɔ.”

2 Edk 20:17 ပူးပေါင်းရင်းမြစ်များ

1 Arl 20:13

Nyamenle kpɔmanvolɛ bie rale Ehabe anwo ɛkɛ ne razele ye kɛ, “Ehabe, kɛ Ɛdɛnkɛma se la ɛne, ‘Wɔnwu ɛlɔne pinopino ɛhye ɔ? Mebaye bɛ meamaa wɔ ɛnɛ kenle ye, amaa wɔalie wɔado nuhua kɛ medame a mele Ɛdɛnkɛma a.’ ”

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 20:16

Ɛhyema bɛhɔholo bɛ nwo zo. Bɛbava Zeze ademgbole nu a bɛavo bɛara a. Bɛbanwu bɛ wɔ bɔnza ne ati lɔ wɔ Gyɛluwɛle fienemgbole ne aduduleɛ.

2 Edk 32:7

“Bɛgyinla kpundii na bɛyele bɛ nwo. Bɛmmamaa bɛ ahonle tu anzɛɛ bɛmmasulo Aselea belemgbunli ne nee ye ɛlɔnema ne mɔɔ ɔ nee bɛ lua la, ɔluakɛ mɔɔ nee yɛ lua la anwo yɛ ɛzulolɛ tɛla ye.

2 Edk 32:8

Yemɔ, ɔ nee menli a lua a, na yɛmɛ, yɛ nee Ɛdɛnkɛma, yɛ Nyamenle ne a lua a; ɔbaboa yɛ na yeaho konle ne yeamaa yɛ.” Na Dwuda Belemgbunli Hɛzikaya ɛdendɛlɛ ne manle menli ne anwosesebɛ.

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:25

Ɛdɛnkɛma manle bɛ konle ehwili ne mɔ agyakɛ miminle mɔɔ bɛtwe bɛ nwo fee a ɔnyɛ boɛ a. Na Yigyibitima hanle kɛ, “Bɛmaa yɛnriandi yɛvi Yizilayɛma anyunlu, ɔluakɛ Ɛdɛnkɛma ɛlɛko atia yɛ amaa bɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:1

Na Ɛdɛnkɛma zele Mosisi kɛ, “Akee ɛbanwu debie mɔɔ mebava meahile belemgbunli ne la, ɔluakɛ ɔlua tumi kpole zo ɔbamaa bɛahɔ, ɛhɛe, ɔlua tumi kpole zo akee bɔbɔ ɔbavoa bɛ kɛ bɛvi ye maanle ne anu bɛhɔ.”

Ayezaya Buluku ne 30:15

Awulae Nyamenle, Yizilayɛ Nwuanzanwuanza Ko ne se, “Saa bɛsia bɛ nzi bɛba me ɛkɛ bɛbadie bɛ ɛnwomenle a, bɛkɛlie bɛ. Saa bɛfa bɛ rɛle bɛwula me nu na bɛsie bɛ nwo diinyi a, bɛkɛnyia anwosesebɛ.” Noko bɛnrɛra!

Ayezaya Buluku ne 30:7

Ɔluakɛ Yigyibiti moalɛ le mgbane mɔɔ nvasoɛ ɛnle zolɛ a, yemɔti medo ye ‘Releehabe mɔɔ tɛnla diinyi’ la.”

Ayezaya Buluku ne 37:6

ɔzele bɛ kɛ, “Bɛha bɛhile bɛ menle kɛ, ‘Ɛdɛnkɛma se: Mmamaa edwɛkɛ mɔɔ wɔde la tu wɔ ahonle kɛ Aselea belemgbunli soanvolɛma ne ɛbɔ me aholoba a.

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Gyɛlɛmaya Awolɛyelɛ 3:26

Ɔle kpalɛ kɛ sonla kɛzie ɔ ti koonwu kɛkpondɛ Ɛdɛnkɛma ngoanelielɛ ne abo zo;

Emɔzo Buluku ne 5:14

Yɛ mɔɔ le kpalɛ la, mmayɛ mɔɔ le ɛtane la, amaa wɔadɛnla ngoane nu, na Ɛdɛnkɛma, Tumivolɛ Nyamenle ne nee wɔ alua, kɛmɔ ɛdawɔ wɔha la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 3:22

Bɛmmasulo bɛ, ɔluakɛ Ɛdɛnkɛma bɛ Nyamenle ne a ko maa bɛ a.’

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Maanlebuvolɛma Buluku ne 7:21

Awie biala andu ɔ bo anvi ɛleka mɔɔ ɔgyi la, noko kpɔvolɛma ɛlɔne ne deɛdeanle nuhua na bɛguale ɛbɔ nu.

1 Sam 17:47

na menli mɔɔ ɛyia ɛke la kɔsɔɔti anwu kɛ Ɛdɛnkɛma ɛnva dadeɛ nee atwɛ a die ye menli a, ɔluakɛ konle ne le ye ɛdeɛ, na Ɛdɛnkɛma baye bɛ kɔsɔɔti amaa yɛ.”