2 Edk 2:4 - BAEBOLO ANZƐƐ BULUKU NWUANZANWUANZA

⁴ Nea, mesi sua meamaa bɛazonle Ɛdɛnkɛma me Nyamenle ne wɔ nu. Mebadu sua ne meazie ɛkɛ meamaa ye na bɛayela ɛyɛlɛ mɔɔ bɔ evuanlɛ la bɛamaa ye, na yɛava yɛ kpanwo nwuanzanwuanza azubɔdeɛ ne yeamaa ye dahuu. Yɛbayela nane yeabɔ azu wɔ ɛkɛ ne nwonlomɔ nee nɔsolɛ, Ɛnwomenlelielɛ Kenle ne, nee Siane Fofolɛ Ɛvoyialilɛ, yɛɛ ɛvoyia ngakyile mɔɔ ɛha la ɛlilɛ nu. Ɛdɛnkɛma yɛ Nyamenle ne a ɛhyehyɛ na yeyila zolɛ yemaa Yizilayɛma kɛ bɛyɛ ye zɔhane dahuu a.

2 Edk 2:4 ပူးပေါင်းရင်းမြစ်များ

1 Arl 5:5

Zɔhane ati menyia adwenle kɛ mesi sua meamaa Ɛdɛnkɛma me Nyamenle ne, kɛmɔ Ɛdɛnkɛma ɔdaye ɔ nloa edwɛkɛ se la. Ɔzele egya Devidi kɛ, ‘Ɛ ra ne mɔɔ mebava ye meazie wɔ ebia ne azo la bazi me Ɛzonlenlɛ Sua ne.’

1 Arl 8:18

Na Ɛdɛnkɛma zele ye kɛ, ‘Ɔle debie kɛnlɛma kɛ wɔdwenle nwolɛ kɛ ɛsi sua wɔamaa me a.

1 Arl 8:63

Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ bɔle anzonudwolɛ azu manle Ɛdɛnkɛma. Na belemgbunli nee Yizilayɛma kɔsɔɔti dule Ɛzonlenlɛ Sua ne manle Nyamenle.

1 Edk 22:5

Devidi dwenlenle nwolɛ kɛ, “Ɛzonlenlɛ Sua ne mɔɔ me ra Sɔlɔmɔn bazi la, ɔwɔ kɛ ɔyɛ kpole, ɔyɛ kɛnlɛma mɔɔ awie biala kanvo ye a. Noko Sɔlɔmɔn le kakula, yɛɛ ɔ ti ɛtɛtinle. Yemɔti meboɔboa ninyɛne mɔɔ bɛbava bɛazi la anloa meamaa ye.” Yemɔti Devidi nyianle ninyɛne mɔɔ bɛbava bɛazi sua ne la anu dɔɔnwo kolaa na yeawu.

2 Edk 13:11

Bɛbɔ ɛyelalɛ azu bɛmaa Ɛdɛnkɛma nwonlomɔ nee nɔsolɛ biala na bɛkpu ɛyɛlɛ evuanlɛ, bɛfa kpanwo nwuanzanwuanza ne bɛgua ezukoa nvutuke ɛkponle ne azo, bɛnea ezukoa nvutuke kɛnlaneɛ mbaka ne mɔ azo, amaa ahɛnlaneɛ mɔɔ gyigyi zo la ada nɔsolɛ biala. Ɔluakɛ yɛyɛ mɔɔ Ɛdɛnkɛma yɛ Nyamenle ne ɛze yɛ la, na bɛmɛ, bɛkpo ye.

2 Edk 2:1

Akee Sɔlɔmɔn yɛle ye adwenle kɛ ɔsi Ɛzonlenlɛ Sua mɔɔ bɛsonle Ɛdɛnkɛma wɔ nuhua la na yeabu ɔdaye ye awuke.

Nihɛmaya Buluku ne 10:33

Yɛbava ninyɛne yɛara yɛamaa bɛava bɛayɛ ɛhye mɔ wɔ Ɛzonlenlɛ Sua ne anu bɛamaa Nyamenle: kpanwo nwuanzanwuanza ne, dahuu aleɛ ma azubɔdeɛ ne, nane mɔɔ kenle ko biala bɛbayela bɛabɔ azu la, Ɛnwomenlelielɛ Kenle ne azubɔlɛ ninyɛne, Siane Fofolɛ ɛvoyialilɛ ninyɛne, yɛɛ azubɔlɛ nwuanzanwuanza mɔɔ ɛha la anwo ninyɛne, azubɔlɛ mɔɔ bɛfa bɛanrinzi Yizilayɛma ɛtane ne mɔ la anwo ninyɛne, yɛɛ debie biala mɔɔ bɛhyia nwolɛ wɔ Ɛzonlenlɛ Sua ne anu la.

Edwɛndolɛ Buluku ne 86:8

O Awulae, nyamenle biala nee wɔ ɛnzɛ, yɛɛ gyima biala ɛndɛla wɔ gyima ne mɔ.

Edwɛndolɛ Buluku ne 96:4

Ɛdɛnkɛma le bedevinli, yɛɛ ɔwɔ kɛ bɛye ye ayɛlɛ kpole; ɔwɔ kɛ bɛsulo ye bɛtɛla nyamenle kɔsɔɔti.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:30

Bɛva ɛkponle ne bɛzie me Ngyekyeleɛ Ɛlɛka ne anyunlu ɛkɛ ne na bɛva kpanwo mɔɔ dahuu bɛkɛva bɛkɛbɔ azu bɛkɛmaa me la bɛgua zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:7

Saa nwonlomɔ biala Aalɔn ba kɛ ɔbayɛ ahɛnlaneɛ ne mɔ boɛ a, ɔwɔ kɛ ɔkpu ɛyɛlɛ evuanlɛ wɔ zolɛ.

Mrɛlɛbulɛ Buluku ne 7:20

Ɔkɔ la ɔvale ezukoa dɔɔnwo, yɛɛ siane ye bahɔ awozinli na yeara.”