2 Edk 2:13 - BAEBOLO ANZƐƐ BULUKU NWUANZANWUANZA

¹³ Medu Hulam mɔɔ le dwinvolɛ nrɛlɛbɛvolɛ

2 Edk 2:13 ပူးပေါင်းရင်းမြစ်များ

1 Arl 7:13

Belemgbunli Sɔlɔmɔn zoanle manle bɛhɔvale Hulam wɔ Taya bɛrale. Hulam le dwinvolɛ mɔɔ kola fa kɔbele yɛ gyima a.

2 Edk 2:12

Ayɛlɛyelɛ ɛha Yizilayɛ Ɛdɛnkɛma Nyamenle ne mɔɔ bɔle anwuma nee aze, mɔɔ ɛmaa Belemgbunli Devidi ɛwo ralɛ nrenya mɔɔ ze nrɛlɛbɛ, mɔɔ lɛ adwenle nee ndelebɛbo, mɔɔ bazi Ɛzonlenlɛ Sua amaa Ɛdɛnkɛma na yeabu ye belemgbunli awuke a.

2 Edk 2:14

na ɔ nli le Dan abo zo sonla, na ɔ ze vi Taya la kɛ ɔrɛla. Ɔze kɛ bɛsi bɛfa ezukoa nvutuke, dwɛtɛ fufule, kɔbele, bulalɛ, bolɛ nee mbaka bɛdi adwinli la. Ɔkola ɔdi adwinli ɔgua arelemgbunli ndanlɛ buluwu nee kɔkɔlɛ nee fufule nu. Ɔkola ɔse ninyɛne ngakyile dɔɔnwo, yɛɛ ɔbahola yeali adwinli biala mɔɔ ɛkɛva ɛkɛhile ye la. Maa ɔ nee wɔ dwinvolɛma nee dwinvolɛma mɔɔ yɛle gyima manle ɛ ze Belemgbunli Devidi la ɛyɛ gyima.

2 Edk 2:7

Zɔhane ati kpondɛ dwinvolɛ mɔɔ kola fa ezukoa nvutuke, dwɛtɛ fufule, kɔbele, yɛɛ bulalɛ yɛ gyima la maa me. Ɔwɔ kɛ ɔyɛ sonla mɔɔ kola nwo arelemgbunli ndanlɛ kɔkɔlɛ, kɔbenle nee buluwu mɔ la, na eza bɛtete ye mɔɔ ɔkola ɔgua ananze mɔ la. Sonla zɔhane nee dwinvolɛma mɔɔ me ze Devidi ɛye bɛ na bɛ nee me wɔ Dwuda nee Gyɛlusalɛm la a badɛnla ayɛ gyima a.