2 Edk 19:7 - BAEBOLO ANZƐƐ BULUKU NWUANZANWUANZA

⁷ Bɛzulo Ɛdɛnkɛma na bɛnlea boɛ wɔ mɔɔ bɛkɛze kɛ bɛyɛ la anwo, ɔluakɛ Ɛdɛnkɛma yɛ Nyamenle ne ɛnli mɔguazo, ɔnnea sonla nyunlu, yɛɛ ɔnlie ndoloboa.”

2 Edk 19:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:25

Munzule ɛhɔ ɛbɔ nu, kɛ ɛkɛyɛ debie mɔɔ le zɛhae, na ɛkɛhu tenlenema ɛkɛboka amumuyɛma, na ɛkɛmaa tenlenema kɛwie ye kɛ amumuyɛma la. Ɛhye ɛmbɔnle ɛ nwo! Asoo azɛlɛ ye amuala ndɛnebuavolɛ ɛnrɛli pɛlepɛle?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:18

Ye kenle nsa ne azo, Dwosefi zele ɔ mediema ne mɔ kɛ, “Bɛyɛ ɛhye na bɛkɛnyia bɛ ti, ɔluakɛ mele sonla mɔɔ mesulo Nyamenle a.

2 Sam 23:3

Yizilayɛ Nyamenle ne ɛdendɛ; Yizilayɛ pepɛdievolɛ ne ɛze me kɛ, “Belemgbunli mɔɔ fa pɛlepɛlelilɛ sie ye menli, na ɔfa Nyamenlezulolɛ ɔsie bɛ la,

Nihɛmaya Buluku ne 5:15

Amɛnlado biala mɔɔ ɛnee li me nyunlu la yɛle adesoa manle menli ne. Bɛliele aleɛ nee nwanye ezukoa, akee asolo nwolɛ kenle ko dwɛtɛ fufule abulanla ne mɔɔ bɛdie la. Bɛ sonvolɛma bɔbɔ wulule gyinlanle menli ne akɔme zo. Na mame, ɔlua Nyamenle ɛzulolɛ ti meanyɛ zɔhane.

Dwobu Buluku ne 13:10

Kanza bɛwɔ ye afoa awozinli nu bɔbɔ a, ɔbahwi bɛ nyunlu.

Dwobu Buluku ne 34:19

Ɔnnea mgbanyima nyunlu ɔnli mɔguazo, yɛɛ ɔmbu sukoavolɛma ɔndɛla ehyianvolɛma, ɔluakɛ bɛ kɔsɔɔti bɛle ɔ sa anloa gyima.

Dwobu Buluku ne 8:3

Ɛnea a ɛnee Nyamenle kyi nɔhalɛ, anzɛɛ Tumivolɛ ne kyi pɛlepɛlelilɛ ɔ?

Edwɛndolɛ Buluku ne 82:2

“Kenlenzu a bɛkɛgyakyi mgbɔvodɛne ɛbualɛ, na bɛkɛgyakyi kɛ bɛdi bɛaboa amumuyɛma a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:8

Bɛmmadie ndoloboa, ɔluakɛ ndoloboa si mgbanyima mɔɔ di edwɛkɛ la anye na ɔsɛkye menli mɔɔ di benle la edwɛkɛ.

Ayezaya Buluku ne 33:15

Sonla ne mɔɔ dua tenlene adenle nu na ɔtendɛ fɔɔnwo, mɔɔ kpo nzisima nvasoɛ, ɔkpɔlɔkpɔla ɔ sa anwo wɔ ndoloboalielɛ nwo, ɔtuodua ɔ nzo wɔ kɔdiawu ɛbɛla nwo, na ɔmuomua ɔ nye wɔ ɛtaneyɛlɛ nwo la,

Maeka Buluku ne 7:3

Ɛtane ala a bɛdi a, yɛɛ bɛdi ye nrɛlɛbɛ nu kpalɛ. Belemgbunli o, ndɛnebuavolɛ o, biala kpondɛ ndoloboa, yɛɛ menli mgbole ne mɔ ka ɛtane mɔɔ bɛkulo kɛ bɛdi la bɛkile bɛ, bɛ muala bɛdi bɛwula bɛ nwo.

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Ɛzoanvolɛma Gyima ne 10:34

Na Pita zele bɛ kɛ, “Nɔhalɛ, menwu ye wienyi kɛ Nyamenle bu menli kɔsɔɔti kɛ bɛsɛ.

Wulo 2:11

Ɔluakɛ Nyamenle bua menli kɔsɔɔti ndɛne wɔ adenle ko ne ala azo.

Wulo 9:14

Ɛnee kɛ yɛka yɛse ɛ? Yɛha ye kɛ ɛhye ati, ɛnee Nyamenle le amile ɔ? Kyɛkyɛ, ɔnle zɔhane fee.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:6

Mengilehilele Edwɛkpa ne mɔɔ mebɔ ye nolo la anu menwiele la, menli zɛhae mɔ, mɔɔ bɛse bɛle mgbanyima la anga kɛ debie bieko wɔ ɛkɛ mɔɔ ɔwɔ kɛ meyɛ a. Bɛle duzu menli bɔbɔ a, ɔnvane me nwo, ɔboalekɛ menli kɔsɔɔti sɛ wɔ Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:9

Menlenlɛma, bɛdabɛ noko bɛyɛ zɔhane ala bɛmaa bɛ ngɛkɛlɛ ne mɔ, na bɛmmanwunlonwunla bɛ anzɛɛ bɛmmasisi bɛ. Bɛhakye kɛ bɛ nee bɛ ngɛkɛlɛ ne mɔ amuala wɔ Menlenlɛ ko ne ala mɔɔ wɔ anwuma la abo. Yemɔ, ɔnli mɔguazo wɔ ye ndɛnebualɛ nu.

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

Kɔlɔ 3:25

Ɛtanevolɛ biala noko banyia ye ɛtane ne mɔ anwo ahatualɛ, Nyamenle bua sonla ko biala ndɛne, kɛmɔ ɔfɛta la, ɔnli mɔguazo. mɔguazo.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

1 Sam 11:7

Ɔhyele nlankɛ nwiɔ ɔpepɛle bɛ nzokanzoka ɔmanle soanvolɛma vale hɔle Yizilayɛ maanle ne anu amuala na ɔhanle kɛ, “Awie biala mɔɔ andoa Sɔɔlo nee Samoɛle, ɔ nee bɛ angɔ konle ne la, kɛ bɛbapepɛ ye nlankɛ ne mɔ nzokanzoka la ɛne.” Ɛdɛnkɛma anwo ɛzulolɛ dɔle menli ne anwo zo, yemɔti bɛ kɔsɔɔti bɛrale.