2 Edk 19:3 - BAEBOLO ANZƐƐ BULUKU NWUANZANWUANZA

³ Noko akee, bɛnwu kpalɛ ekyi bie wɔ wɔ nuhua, ɔluakɛ wɔzɛkye bozonle raalɛ Ahyela ne ananze ne mɔ na wɔdua bɛ ɛzonlenlɛ wɔ maanle ye anu. Eza wɔva wɔzie wɔ ahonle nu kɛ ɛsonle Ɛdɛnkɛma ala.”

2 Edk 19:3 ပူးပေါင်းရင်းမြစ်များ

1 Arl 14:13

Yizilayɛma amuala bazu ye na bɛazie ye. Ɔ ngomekye ala a ɔle Gyɛlɔbowam abo zo sonla mɔɔ bɛbaboɔboa bɛazie ye ɛzielɛ kpalɛ a, ɔluakɛ yemɔ ala a ɔle Gyɛlɔbowam abo zo sonla mɔɔ ye nyɛleɛ ɛzɔ Ɛdɛnkɛma anye a.

2 Edk 11:16

Na bɛdabɛ mɔɔ ɛnee bɛyeye bɛ ahonle nu kɛ bɛsonle Yizilayɛ Ɛdɛnkɛma Nyamenle ne la vi Yizilayɛ mbusua ekpunli ekpunli ne mɔ anu hɔle Gyɛlusalɛm hɔbɔle azu manle Ɛdɛnkɛma, bɛ ze mɔ Nyamenle ne.

2 Edk 12:12

Kɛmɔ ɔnlunle ɔ nwo la ati, Ɛdɛnkɛma yele ye ɛya kpole ne ɔ nwo zo, yeangu ye, na eza Dwuda maanle ne anu yɛle kpalɛ.

2 Edk 12:14

Ɔyɛle ɛtane ɔtiale Ɛdɛnkɛma, ɔboalekɛ ɔkpole Ɛdɛnkɛma.

2 Edk 15:12

Na bɛyɛle ngyehyɛlɛ kɛ bɛfa bɛ ahonle nee bɛ ɛkɛla muala bɛazonle Ɛdɛnkɛma, bɛ ze mɔ Nyamenle ne.

2 Edk 15:15

na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

2 Edk 20:3

Ɛzulolɛ hanle Gyɛhɔhyafate na ɔzɛlɛle moalɛ ɔvile Ɛdɛnkɛma ɛkɛ ne, na ɔzele kɛ Dwudama kɔsɔɔti ɛhye ɛhɔne.

2 Edk 20:33

Noko yeanzɛkye ɛleka ne mɔ mɔɔ menli mɔɔ ɛnze Nyamenle la sonle la, yɛɛ ɛnee menli ne ɛtɛfale bɛ ahonle muala ɛtɛmanle bɛ ze mɔ Nyamenle ne kɛ yemɔ ala a bɛkɛzonle ye a.

2 Edk 22:9

Ɔmanle bɛkpondɛle Ehazaya ɔdaye mumua ne toonwo bɛhɔnwunle ye kɛ ɔvea Samɛlea, na bɛhyele ye bɛrɛlɛle Gyihu na bɛhunle ye. Ɔ nlenya Gyɛhɔhyafate, mɔɔ vale ye ahonle muala zonlenle Ɛdɛnkɛma la ati, bɛziele ye. Na ɛnee akee awie biala ɛnle Ehazaya sua nu mɔɔ sie Dwuda maanle ne a.

2 Edk 27:6

Dwotam anwo yɛle ɛzulolɛ, ɔboalekɛ ɔdiele Ɛdɛnkɛma ye Nyamenle ne ane.

2 Edk 30:19

“Ahunlunyele Ɛdɛnkɛma ɛva awie biala mɔɔ ɛva ye ahonle ɛmaa Nyamenle, bɛ ze mɔ Ɛdɛnkɛma Nyamenle ne, na ɔ nwo ɛnde, kɛmɔ ye ɛzonlenlɛ nu mɛla ne de la ɛtane ɛhyɛ ye.”

Ɛzela Buluku ne 7:10

Ɛzela ɛnee ɛdu ɔ nwo ɛmaa na yeva ye mekɛ kɔsɔɔti yezukoa Ɛdɛnkɛma Mɛla ne mɔɔ yeva yemaa Yizilayɛma la kpalɛ, na yevua kɛ ɔdi zolɛ na yeahilehile Yizilayɛma noko.

Edwɛndolɛ Buluku ne 57:7

O Nyamenle, me ahonle gyi kpundii, me ahonle gyi kpundii! Mebado edwɛne meaye wɔ ayɛlɛ!

Wulo 7:18

Meze kɛ kpalɛ biala ɛnle me sonlabaka ye anu. Ɔluakɛ me kunlu a anrɛɛ meyɛ kpalɛ, noko mengola menyɛ.

1 Sam 7:3

Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”