2 Edk 19:2 - BAEBOLO ANZƐƐ BULUKU NWUANZANWUANZA

² Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

2 Edk 19:2 ပူးပေါင်းရင်းမြစ်များ

1 Arl 16:1

Ɛdɛnkɛma luale Gyihu mɔɔ le Hananae ara ne anwo zo vale nrɛlaleɛ hɔmanle Beeyahya kɛ,

1 Arl 16:12

Yemɔti ɔlua Ɛdɛnkɛma anloa edwɛkɛ mɔɔ ɔvale ɔzoanle ye kpɔmanvolɛ Gyihu la azo, Zemelae bɔle Beeyahya awuke ne tɔɔ.

1 Arl 16:7

Ɛdɛnkɛma vale nrɛlaleɛ zoanle ye kpɔmanvolɛ Gyihu mɔɔ le Hananae ara ne manle ɔhɔmanle Beeyahya nee ye sua nu amra wɔ ɛtane mɔɔ bɛyɛle bɛtiale ye la anwo. Beeyahya hanle Ɛdɛnkɛma ɛya, ɔluakɛ ɔyɛle ɛtane ɔtiale ye, kɛmɔ Gyɛlɔbowam yɛle la; yeanga ɛhye angome, ɔdaye Beeyahya a ɔhunle Gyɛlɔbowam abo zo amra amuala a.

1 Arl 21:25

(Awie anyɛ nyɛleɛ ɛtane kpole antia Ɛdɛnkɛma, kɛmɔ Ehabe yɛle la. Ɔ ye Gyɛzɛbɛle a zile ye adua manle ɔbɔle ɛbɛla zɔhane a.

1 Arl 22:44

Gyɛhɔhyafate eza nee Yizilayɛ belemgbunli ne yɛle agɔnwolɛ.

2 Edk 16:7

Mekɛ zɔhane anu ala, Nyamenle sonla Haneenae rale Dwuda Belemgbunli Esa ɛkɛ ne razele ye kɛ, “Kɛmɔ ɛvale ɛ rɛle ɛwulale Selea belemgbunli ne anu na wɔanva ɛ rɛle wɔanwula Ɛdɛnkɛma wɔ Nyamenle ne anu la ati, Selea belemgbunli ne ɛlɔnema ɛnriandi wɔ ɛwie ala ɛne.

2 Edk 18:1

Dwuda Belemgbunli Gyɛhɔhyafate akee nyianle ɔ nwo kpole kpalɛ na ɔnyianle ɔ nyunlu kpalɛ wɔ menli nyunlu. Akee ɔ nee Yizilayɛ Belemgbunli Ehabe yɛle agyalɛ ngyehyɛlɛ.

2 Edk 18:28

Akee Yizilayɛ belemgbunli ne nee Dwuda Belemgbunli Gyɛhɔhyafate zile nu hɔle Releemɔto mɔɔ wɔ Geleade la kɛ bɛkadoa menli mɔɔ wɔ zo la bɛ nee bɛ aho.

2 Edk 18:3

Belemgbunli Ehabe zele Dwuda Belemgbunli Gyɛhɔhyafate kɛ, “Kɛ ɔde ɛ, ɛ nee me kɛhɔ ɛkɛmaa yɛkɛhɔteta Releemɔto mɔɔ wɔ Geleade la ɔ?” Gyɛhɔhyafate buale kɛ, “Medame a le ɛdawɔ. Me menli le wɔ menli. Yɛ nee wɔ kɛhɔ konle ne.”

2 Edk 18:7

Yizilayɛ Belemgbunli Ehabe zele Gyɛhɔhyafate kɛ, “Ko bieko tɛbɔ ɛkɛ mɔɔ yɛkola yɛbiza ye yɛtie Ɛdɛnkɛma anloa edwɛkɛ a. Yemɔ a le Yemela ara Maekaya; na mekyi ye kɔkɔkɔkɔ, ɔluakɛ ɔnva Nyamenle nrɛlaleɛ kpalɛ ɔmbɛlɛ me kɛ munzule nrɛlaleɛ ngome ala a ɔfa ɔbɛlɛ me a.” Gyɛhɔhyafate zele ye kɛ, “Nana, mmaka ye zɔhane.”

2 Edk 19:1

Belemgbunli Gyɛhɔhyafate vale ɔ nwo kɔlɔnwo ziale hɔle ye sua zo Gyɛlusalɛm.

2 Edk 19:10

Saa bɛ mediema mɔɔ wɔ azuamgbole ne mɔ bie azo la ba na ɔ nee kɔdiawuyɛlɛ, mɛladonlɛ, mɛla anzɛɛ amaamuo ɛzɛkyelɛ edwɛkɛ bie ba bɛ nyunlu a, bɛhilehile bɛ, amaa bɛanyɛ bɛanli fɔlɛ wɔ Ɛdɛnkɛma anyunlu, na ye ɛya ne ara bɛdabɛ nee bɛ mra anwo zo. Mɔɔ ɔwɔ kɛ bɛyɛ na bɛanli fɔlɛ wɔ Nyamenle anyunlu la ɛne.

2 Edk 20:34

Akee Gyɛhɔhyafate gyima mɔɔ ɔlile, ɔvi mɔlebɛbo ne mɔɔ kɔdwu awieleɛ ne, mɔɔ ɛnle ɛke la, bɛhɛlɛ bɛ kɔsɔɔti wɔ Haneenae ara Gyihu anwo Tetedwɛkɛ Buluku ne mɔɔ wɔ Yizilayɛ Arelemgbunli Tetedwɛkɛ Buluku ne anu la anu.

2 Edk 24:18

Bɛgyakyile ɛzonlenlɛ wɔ Ɛdɛnkɛma, bɛ ze mɔ Nyamenle ne Ɛzonlenlɛ Sua ne anu, na bɛhɔzonlenle bɛ bozonle raalɛ Ahyela ne ananze ne mɔ, na bɛzɔle mmonle. Na Nyamenle ɛya ne rale Gyɛlusalɛm amra nee Dwudama amuala anwo zo.

2 Edk 26:18

bɛhɔduale belemgbunli ne adenle na bɛzele ye kɛ, “Tɛ wɔmɔ, Ɛzaya, yɛɛ ɔwɔ kɛ ɛkpu ɛyɛlɛ ɛbɔ azu ɛmaa Ɛdɛnkɛma a. Sɛlɛvolɛma mɔɔ le Aalɔn nlɔnra ne mɔ mɔɔ bɛmɛ a bɛdu bɛ bɛmaa Ɛdɛnkɛma la yɛɛ ɔwɔ kɛ kpu ɛyɛlɛ ne wɔ ɛyɛlɛ azukponle ne azo a. Ɛvi ɛleka nwuanzanwuanza ye finde, ɔluakɛ wɔyɛ ɛtane, yemɔti mɔɔ ɛlɛyɛ la ɛnrɛzɔ Ɛdɛnkɛma Nyamenle ne anye.”

2 Edk 32:25

Noko kɛmɔ ɛnee mgbanyizonle ɛmaa Hɛzikaya andɛba ɛmemaa zolɛ la ati, yeanyɛ Nyamenle mo wɔ nyele ɛhye anwo. Yemɔti Nyamenle ɛya ne rale ɔdaye, Gyɛlusalɛmma, yɛɛ Dwudama amuala anwo zo.

Edwɛndolɛ Buluku ne 15:4

Ɔkyi menli mɔɔ Nyamenle ɛkpo bɛ la, na ɔdi bɛdabɛ mɔɔ bɛsulo Ɛdɛnkɛma la eni, ɔbɔ ɛwɔkɛ a ɔdi zolɛ yɛɛ ɔngakyi ɔ nloa.

Edwɛndolɛ Buluku ne 21:8

Ɛ sa bazɔ wɔ kpɔvolɛma amuala nu; ɛbahye awie biala mɔɔ kyi wɔ la.

Edwɛndolɛ Buluku ne 68:1

Nyamenle ɛdwazo ɔmaa ye kpɔvolɛma ɛbɔ asande; menli mɔɔ kyi ye la ɛnriandi ɛvi ɔ nyunlu!

Edwɛndolɛ Buluku ne 71:15

Mebabɔ wɔ tenleneyɛlɛ, nee wɔ ngoanelielɛ ne nolo alehyenlɛ biala, ɔluakɛ bɛ somaa bo me ndelebɛbo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:5

Bɛmmabɔ bɛ ti aze bɛmaa bɛ anzɛɛ bɛmmasonle bɛ. Ɔluakɛ medame Ɛdɛnkɛma bɛ Nyamenle ne, mele nungule Nyamenle. Mefa bɛ ze mɔ ɛtane ne mɔ anwo ndeanlɛ metea bɛdabɛ mɔɔ bɛkpɔ me la toonwo ɔkɔdwu awolɛndoazo nsa ne nee nna ne azo,

Emɔzo Buluku ne 7:14

Na Emɔso buale Amazaya kɛ, “Menle Nyamenle kpɔmanvolɛ, yɛɛ menle Nyamenle kpɔmanvolɛ ra. Meka mboane, yɛɛ feege mbaka ɛnleanlɛ gyima a meyɛ a.

Dw 15:18

“Bɛhakye kɛ saa ɛtane ewiade ye kpɔ bɛ a, ɛnee bɛnwu ye kɛ yelumua yekpɔ me.

Dw 15:23

Awie mɔɔ kpɔ me la kpɔ Egya.

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 1:30

bɛka bɛ gɔnwo mɔ anwo edwɛkɛ ɛtane ɛtane, bɛkyi Nyamenle, bɛtu bɛ nwo, bɛyɛ mgbanyizonle, bɛkile bɛ nwo, bɛboɔboa bɛdwenle ɛtane nwo bɛyɛ, yɛɛ bɛndie bɛ awovolɛma;

Wulo 1:32

Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Wulo 8:7

Yemɔti mɔɔ maa nwonane nu adwenleadwenle keda ɔ nwo zo la le Nyamenle kpɔvolɛ; ɔluakɛ ɔnli Nyamenle mɛla ne azo, yɛɛ ɔdi zo bɔbɔ a ɔnrɛyɛ boɛ;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:11

Bɛmmayɛ awozinli nu nyɛleɛ mgbane mgbane ne mɔ mɔɔ menli yɛ na nvasoɛ ɛnle zolɛ la bie. Bɛnwu bie a anrɛɛ bɛha bɛdo gua.

Mɛla 32:41

saa mesi me konle dadeɛ memeamemea ne, na mese kɛ mebua ndɛne a, mebali me kpɔvolɛma ne nzenralɛ, na meadua menli mɔɔ kpɔ me la kakɛ.

Mɛla 33:11

O Ɛdɛnkɛma, yila bɛ abusua ekpunli ne; na maa bɛ gyima ɛzɔ ɛ nye. Sɛkye bɛ kpɔvolɛma mɔɔ kyi bɛ la, sɛkye bɛ mɔɔ bɛndwazo ko ɛlɛ a.”

Mɛla 5:9

Bɛmmabɔ bɛ ti aze bɛmaa bɛ anzɛɛ bɛsonle bɛ, ɔluakɛ medame Ɛdɛnkɛma bɛ Nyamenle, mele Nyamenle mɔɔ twe nungule a, na mefa selɛma mɔɔ kyi me la amumuyɛ nwo ndeanlɛ metea bɛ mra kɔdwu awolɛndoazo nsa nee nna ne azo,

Mɛla 7:10

na ɔtea bɛdabɛ mɔɔ bɛkyi ye la, ɔbɔ bɛ bo zo bɔkɔɔ. Awie biala mɔɔ kyi ye la ɔnrɛva ɔnrɛhyɛ ye, ɔbadea ye kpalɛ.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

1 Sam 9:9

Sɔɔlo buale ye kɛ, “Wɔ adwenle ne le kpalɛ, maa yɛhɔ.” Yemɔti bɛhɔle suakpole ne mɔɔ Nyamenle sonla ne wɔ zolɛ la azo. Mɔɔ bɛfo boka ne bɛahɔ sua ne azo la, bɛ nee mbɛlɛra bie mɔɔ ɛlɛkɔ azule la yiale. Bɛbizale mbɛlɛra ne mɔ kɛ, “Sonla ne mɔɔ nwu Nyamenle ɛhulolɛdeɛ la wɔ ɛkɛ ɔ?” (Mekɛ ne anu, wɔ Yizilayɛ maanle nu ɛnee bɛfɛlɛ Nyamenle kpɔmanvolɛma “Sonla mɔɔ nwu Nyamenle ɛhulolɛdeɛ la.” Yemɔti mekɛ biala mɔɔ awie kpondɛ abiza Nyamenle edwɛkɛ la ɛnee ɔse, “Maa yɛhɔ sonla ne mɔɔ nwu Nyamenle ɛhulolɛdeɛ la” ɛkɛ.)