2 Edk 19:11 - BAEBOLO ANZƐƐ BULUKU NWUANZANWUANZA

¹¹ Akee Sɛlɛvolɛ Kpanyinli Amalaya a banlea na yeagua Nyamenlezonlenlɛ nu kpolerazulɛ biala abo a, Yehyemeeyɛle ara Zɛbadaya, Dwuda amɛnlado ne yɛɛ banlea agua maanle ye anu edwɛkɛ biala abo a, yɛɛ Livaema ne mɔ banlea amaa edwɛkɛ biala mɔɔ bɛkɛha wɔ edwɛkɛlilɛ ɛleka ne mɔ la ayɛ zɔhane, kɛmɔ bɛhanle la. Bɛzi ahonle bɛyɛ gyima ne na Ɛdɛnkɛma baboa mɔɔ di nɔhalɛ la.”

2 Edk 19:11 ပူးပေါင်းရင်းမြစ်များ

1 Edk 22:11

“Zɔhane ati, me ra, Ɛdɛnkɛma nee wɔ ɛdɛnla, amaa wɔahola wɔazi Ɛdɛnkɛma wɔ Nyamenle ne Ɛzonlenlɛ Sua ne wɔawie, kɛmɔ yeha ye wɔ ɛ nwo la.

1 Edk 22:16

Dwinvolɛma ɛhye mɔ kola fa ezukoa nvutuke, dwɛtɛ fufule, kɔbele, yɛɛ mbulalɛ yɛ gyima. Zɔhane ati bɔ gyima ne abo, Ɛdɛnkɛma nee wɔ ɛdɛnla.”

1 Edk 22:19

Zɔhane ati bɛva bɛ ahonle nee bɛ ɛkɛla muala bɛzonle Ɛdɛnkɛma bɛ Nyamenle ne. Bɛdwazo bɛzi Ɛdɛnkɛma bɛ Nyamenle ne Ɛzonlenlɛ Sua ne, amaa bɛanyia ɛleka kpalɛ bɛava Ɛdɛnkɛma Ngyekyeleɛ Ɛlɛka ne nee Nyamenle ahyɛnze nwuanzanwuanza ne mɔ mɔɔ bɛfa bɛsonle ye la bɛazie.”

1 Edk 26:30

Wɔ Hibulɔn abo zo amra ne anu, bɛvale Hahyabaya nee ɔ nwo amra apenle ko ɛya nsuu mɔɔ lɛ duma la kɛ bɛnlea nyamenlezonlenlɛ nee edwɛkɛ ngyikyi ngyikyi mɔɔ wɔ Yizilayɛ maanle ne mɔɔ wɔ Azule Dwɔdan adɔleɛ la anu na bɛtoto bɛ boɛ a.

1 Edk 26:32

Belemgbunli Devidi yele bɛ nuhua apenle nwiɔ ɛya nsuu mɔɔ lɛ tile la vile Gyɛlaya anwo amra ne anu kɛ bɛnlea nyamenlezonlenlɛ nee edwɛkɛ ngyikyi ngyikyi mɔɔ wɔ Yizilayɛ maanle ne mɔɔ wɔ Azule Dwɔdan aduduleɛ lɔ la na bɛtoto bɛ boɛ. Maanle ne mɔ a le Wulubɛn, Gaade, yɛɛ Manasɛ Aduduleɛ.

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

1 Edk 6:11

Amalaya, Ahaetɛbe,

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 15:7

Na wɔmɔ, si wɔ ahonle! Mmamaa ɛ sa nu to, ɔluakɛ ɛbanyia ahatualɛ wɔ wɔ gyima nwo.”

2 Edk 19:6

na ɔzele bɛ kɛ, “Bɛnlea mɔɔ bɛyɛ la, ɔluakɛ bɛnyɛ bɛ gyima ne bɛmmaa sonla, bɛyɛ bɛamaa Ɛdɛnkɛma. Ɔbaboa bɛ wɔ mekɛ biala mɔɔ bɛkɛze kɛ bɛbua ndɛne la.

2 Edk 19:8

Eza Gyɛhɔhyafate yeyele Livaema, nee sɛlɛvolɛma bie mɔ, yɛɛ Yizilayɛ mbusua mgbanyinli ne bie mɔ kɛ bɛyɛ ndɛnebuavolɛma wɔ Gyɛlusalɛm, bɛli menli mɔɔ kɛvo Nyamenle Mɛla ne la edwɛkɛ na bɛziezie kpolera biala mɔɔ kɛdɔ bɛ avinli la.

Ɛzela Buluku ne 7:5

Bɛkae ɔ ze a le Abaehyua, Abaehyua ɔ ze a le Fenɛhase, yɛɛ Fenɛhase ɔ ze a le Ɛlieza, Ɛlieza ɔ ze a le Sɛlɛvolɛma Kpanyinli Aalɔn.

Edwɛndolɛ Buluku ne 112:5

Ɔyɛ boɛ ɔmaa sonla mɔɔ buke ɔ sa nu bɔ bosea, na ɔyɛ debie biala nɔhalɛ nu la.

Edwɛndolɛ Buluku ne 37:23

Ɛdɛnkɛma a maa sonla tudu ɔ gyakɛ a, na ɔmaa mɔɔ ɔ nye die ɔ nwo la kpazi.

Mrɛlɛbulɛ Buluku ne 2:20

Yemɔti ɛ nee menli kpalɛ ɛdu na dua tenlenema adenle nu,

Nolo 2:26

Ɔluakɛ Nyamenle maa sonla ne mɔɔ sɔ ɔ nye la nrɛlɛbɛ, adwenle, yɛɛ anyelielɛ, na ɛtanevolɛ ne ɛdeɛ, ɔmaa ɔsesa ɔkuohua bɛ nloa ɔmaa mɔɔ sɔ Nyamenle anye la. Ɛhye noko le mgbane; ɔle kɛ ɛlɛkye anwoma la.

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Edwɛkpa ne kɛmɔ Luku hɛlɛle la 23:50

Nrenya bie wɔ ɛkɛ, bɛfɛlɛ ye Dwosefi. Ɔvi Arelematia mɔɔ wɔ Dwudiya maanzinli nu la. Nrenya ne le sonlakpalɛ, ɔdi nɔhalɛ na ɔlɛkendɛ Nyamenle Belemgbunlililɛ ne ɛralɛ. Ɔboka Ayiama ne anwo, noko yeanlie bɛ kpɔkɛbɔlɛ ne nee mɔɔ bɛyɛle la yeando nu.

Ɛzoanvolɛma Gyima ne 11:24

Baanabase mumua ne le sonlakpalɛ mɔɔ diedi nee Sunsum Nwuanzanwuanza ne ɛyi ye tɛkɛɛ la ati, ɔhwenle menli dɔɔnwo ɔrale Awulae ɛkɛ.

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

Dwɔhyua Buluku ne 1:6

Mmasulo, gyinla kpundii, ɔluakɛ ɛbali menli ɛhye mɔ ati na bɛava azɛlɛ ne bɛadɛnla zolɛ, kɛmɔ menvale membɔle bɛ nlenya mɔ ɛwɔkɛ la.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”